Vijay Kadam: दिग्गज अभिनेता विजय कदम यांचे निधन, 67 व्या वर्षी घेतला अखेरचा श्वास

मराठी रंगभूमी आणि सिनेमा गाजवणारे दिग्गज अभिनेता विजय कदम यांचे निधन झाले आहे. मराठी चित्रपटसृष्टीला हा मोठा धक्का असून गेल्या दीड वर्षापासून कॅन्सरने विजय कदम हे आजारी होते. राहत्या घरी त्यांनी अखेरचा श्वास घेतला आहे. मराठी चित्रपटसृष्टीत हळहळ व्यक्त केली जात आहे.

विजय कदम यांनी घेतला अखेरचा श्वास

Follow Us:

Follow Us:

हरहुन्नरी अभिनेता आणि आपल्या कॉमेडी टायमिंगने सर्वांना हसायला लावणारा असा कमालीचा अभिनेता विजय कदम यांचे आज सकाळी त्यांच्या राहत्या घरी निधन झाले आहे. गेल्या दीड वर्षांपासून कॅन्सरमुळे विजय कदम हे काम करत नव्हते. तसंच ते कोणाच्याही आल्यागेल्यातही नव्हते. मराठी चित्रपटसृष्टीला सकाळीच आज हा धक्का मिळाला असून सगळीकडे हळहळ व्यक्त केली जात आहे. 

विजय कदम यांच्या पार्थिवावर आज अंधेरी येथील स्मशानभूमीत अंत्यसंस्कार करण्यात येणार असल्याची माहिती मिळत आहे. मात्र हरहुन्नरी आणि कमालीचा अभिनेता हरपल्याने नक्कीच मराठी चित्रपटसृष्टीत एक पोकळी निर्माण झाली असल्याची हळहळ सर्वांकडून व्यक्त करण्यात येत आहे. 

विजय कदम हे 67 वर्षांचे असून त्यांच्या मागे त्यांची पत्नी आणि मुलगा असे त्यांचे कुटुंबीय आहे. गेल्या दीड वर्षांपासून त्यांच्यावर कॅन्सरचे उपचार सुरू होते. अखेर त्यांची कर्करोगाशी झुंज अपयशी ठरली आणि त्यांनी त्यांच्या राहत्या घरी अखेरचा श्वास घेतला. 

हेदेखील वाचा – मुलाच्या एंगेजमेंटबद्दल पहिल्यांदा बोलले नागार्जुन, म्हणाले – समंथाच्या घटस्फोटानंतर नैराश्यात होता चैतन्य!

विजय कदम यांची कामगिरी 

‘विच्छा माझी पुरी करा’ हे त्यांचे लोकनाट्य तुफान गाजले. चित्रपट, मालिका आणि रंगभूमी त्यांनी गाजवली असून 1980 मध्ये त्यांनी लहानमोठ्या भूमिका करत आपल्या कारकिर्दीला सुरूवात केली होती. ‘टूरटूर’ मध्ये लक्ष्मीकांत बेर्डे यांच्यासह खांद्याला खांदा लावून प्रेक्षकांना खिळवून ठेवण्याचे काम विजय कदम यांनी अचूक केले होते. तर अनेक मराठी चित्रपटांमधूनही त्यांनी आपल्या अभिनयाने सर्वांना जिंकून घेतले होते. यामुळे मराठी चित्रपटसृष्टीत नक्कीच एक पोकळी निर्माण झाली आहे. 

विनोदाचा बादशाह

अनेक विनोदी कलाकारांमध्ये विजय कदम यांनी आपली वेगळी छाप उमटवली होती आणि त्यामुळे त्यांच्या जाण्याने अनेक कलाकार शोक व्यक्त करत आहे. अचूक कॉमेडी टायमिंग आणि अभिनयाचा एक झराच जणू हरपला असल्याची भावना सर्वांच्या मनात निर्माण झाली आहे. 

हेदेखील वाचा – नव्याची नवलाई अखेर संपली, निक्की अरबाजची चांगलीच जुंपली, म्हणाली, ‘गेलं खड्ड्यात’

Web Title: Veteran actor vijay kadam passed away due to cancer at the age of 67

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com