वय वाढल्यानंतर हाडांसंबंधित वेदना जाणवू लागतात. जीवनशैलीतील बदलांचा परिणाम आरोग्यावर झाल्यानंतर कमी वयातच कंबर दुखणे, गुडघे दुखणे इत्यादी अनेक समस्या उद्भवू लागतात. रोजच्या आहारात खालेल्या पदार्थांचा थेट परिणाम आरोग्यावर लगेच दिसून येतो. कळत नकळत आहारात खाल्ले चविष्ट पदार्थ हाडांमधील कॅल्शियम शोषून घेतात, ज्यामुळे हाडे कमकुवत होऊन हाडांचे आजार होण्याची शक्यता असते. म्हणूनच आज आम्ही तुम्हाला कोणत्या पदार्थांचे सेवन केल्यामुळे हाडांमधील कॅल्शियम कमी होते, याबद्दल सविस्तर माहिती सांगणार आहोत. त्यामुळे आहारात या पदार्थांचे अजिबात सेवन करू नये. (फोटो सौजन्य – istock)
रोजच्या आहारात 'या' पदार्थांचे सेवन केल्यास हाडांमधील सर्व कॅल्शियम होईल नष्ट
जास्त मिठाचे सेवन केल्यास मूत्राद्वारे अतिरिक्त सोडियम बाहेर टाकतो. यासोबतच शरीरातील कॅल्शियम सुद्धा बाहेर पडून जाते. त्यामुळे जेवणातील पदार्थांमध्ये कमीत कमी प्रमाणात मीठ टाकावे.
कोल्ड्रिंक्स आणि इतर कार्बोनेटेड पेये फॉस्फोरिक आम्लाने समृद्ध असतात. यामुळे शरीरातील कॅल्शियमचे संतुलन पूर्णपणे बिघडून जाते. त्यामुळे रक्तात कॅल्शियम आणि फॉसफर्सचे प्रमाण संतुलित असणे आवश्यक आहे.
काहींना सतत चहा किंवा कॉफी पिण्याची सवय असते. जास्त कॅफीनच्या सेवनामुळे मूत्रपिंडांद्वारे कॅल्शियम बाहेर पडून जाते. याशिवाय आतड्यांमधील कॅल्शियमची पातळी कमी होते.
जास्त साखर आणि रिफाइंड कार्बोहायड्रेट्स शरीरातील कॅल्शियमच्या पातळीवर गंभीर परिणाम करतात. यामुळे हाडांमधील कॅल्शियम बाहेर पडून जाते आणि शरीरात थकवा, वेदना जाणवू लागतात.
ऑक्सलेट असलेल्या अन्नपदार्थांचे आहारात कमी कमीत प्रमाणात सेवन करावे. ऑक्सलेटयुक्त पदार्थ आतड्यांमधील कॅल्शियम शोषून घेत नाहीत, ज्यामुळे आरोग्य बिघडते.
