फोटो सौजन्य- pinterest
पंचांगानुसार, आषाढ गुप्त नवरात्रीची अष्टमी तिथी आज गुरुवार, 3 जुलै रोजी आहे. तर नवमी तिथी शुक्रवार, 4 जुलै रोजी आहे. यावेळी देवीची पूजा केली जाते. अनेकजण अष्टमी आणि नवमीच्या वेळी कन्या पूजन देखील करतात. मासिक दुर्गाष्टमीच्या दिवशी लवंगाचे काही उपाय करणे देखील फायदेशीर मानले जाते. जाणून घ्या मासिक दुर्गाष्टमीच्या दिवशी कोणते उपाय करायचे.
पंचांगानुसार, यंदा आषाढ महिन्यातील शुक्ल पक्षातील अष्टमी तिथी म्हणजे मासिक दुर्गाष्टमीची तिथी 2 जुलै रोजी 10 वाजता सुरु होणार आहे आणि या तिथीची समाप्ती 3 जुलै रोजी रात्री 11.30 वाजता होणार आहे. उद्यतिथीनुसार मासिक दुर्गाष्टमी 3 जुलै रोजी आहे.
देवीला प्रसन्न करुन तिचे कायम आपल्यावर आशीर्वाद राहण्यासाठी लवंगाचे हे उपाय करणे खूप फायदेशीर ठरते. या दिवशी लवंगाचे विविध प्रकारांनी उपाय केल्याने तुमच्या जीवनातील आर्थिक संकट, समस्या दूर होण्यास मदत होते.
देवीची पूजा करताना लवंगाची जोडी अर्पण करा. लवंगाच्या देठाला जोडलेला कळीसारखा भाग बनला जाईल अशा प्रकारे एक फूल तयार करा. असे मानले जाते की, देवीला हा उपाय खूप प्रिय मानला जातो. तसेच व्यक्तीच्या जीवनात येणारे अडथळे देखील दूर होतात.
पूजा करुन झाल्यानंतर देवीला अर्पण केलेल्या लवंगा उचलून आपल्या तिजोरीमध्ये किंवा पर्समध्ये ठेवा. या उपायमामुळे घरामध्ये आर्थिकसमृद्धीसोबत आर्थिक स्थिरता देखील येते.
जर तुम्हाला दीर्घकाळापासून पैशांची कमतरता जाणवत असेल, उत्पन्नामध्ये येणारे किंवा खर्चावर नियंत्रण न राहणे यांसारख्या समस्या उद्भवत असल्यास लवंगाचे हे उपाय करणे तुमच्यासाठी फायदेशीर ठरु शकतात. लवंगाच्या या उपायाने घरामध्ये सकारात्मकता देखील राहते. घरातील नकारात्मकता दूर होण्यास मदत होते.
दुर्गाष्टमीला देवीच्या नऊ रुपांची पूजा केली जाते. या दिवशी भक्त भीती आणि अडथळे यामधून मुक्त होतो असे म्हटले जाते. देवीला शक्तीचे प्रतीक मानले जाते. देवीची पूजा केल्याने शत्रूंवर विजय मिळवून जीवनातील सर्व संकटे दूर होतात, असे मानले जाते. तसेच शारीरिक त्रास आणि आजारांपासून देखील सुटका होते. त्याचसोबत भक्ताच्या मनातील सर्व इच्छा पूर्ण होतात, असे म्हटले जाते.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
