रविवार, 15 नोव्हेंबर 2026
फोटो सौजन्य- pinterest
सर्वजण घरामध्ये सुख, समृद्धी आणि शांत टिकून ठेवण्यासाठी खूप मेहनत घेतली जाते. यावेळी वास्तू देखील खूप महत्त्वाची भूमिका बजावते. असे पाहिले गेल्यास उत्पन्न चांगले असूनही पैशांची कमतरता भासत असेल तर अनावश्यक खर्च वाढतात आणि मानसिक ताणतणाव कायम राहतो. यामागील असलेले कारण म्हणजे वास्तूदोष असू शकतो. पैशाची कमतरता दूर करण्यासाठी वास्तूचे काही उपाय करणे खूप गरजेचे मानले जाते.
वास्तुशास्त्रानुसार, देवी लक्ष्मीची कृपा ज्यांच्यावरच राहते ज्या लोकांच्या घरामध्ये स्वच्छता असते. त्यामुळे तुमचे घर नेहमी स्वच्छ ठेवा. त्यामुळे तुमच्या घराचा मुख्य दरवाजा आणि देव्हारा नेहमी स्वच्छ ठेवा. तसेच सकाळी आणि संध्याकाळी घरातील सर्व कोपरे आणि दरवाजा झाडून घ्या.
मुख्य दरवाजा हा फक्त येण्या-जाण्याचा मार्ग नसून तो सकारात्मक उर्जेच्या प्रवेशाचा दरवाजा देखील आहे. तो नेहमी स्वच्छ आणि सजवलेला ठेवा. मुख्य दरवाजावर स्वस्तिक, ओम किंवा श्री गणेशाचे चिन्ह असावे. याशिवाय, तुम्ही फुलांचा माळादेखील लावू शकता.
घरात पाण्याचा अपव्यय हे गरिबीचे एक प्रमुख कारण मानले जाते. गळणारा नळ, टाकीतून ओसंडून वाहणारे पाणी किंवा गळणारी पाईपलाईन ताबडतोब दुरुस्त करा. नेहमी योग्य पद्धतीने पाणी साठवा आणि ते वाया जाऊ देऊ नका.
दररोज संध्याकाळी पूजा करताना तुपाचा दिवा लावा आणि संपूर्ण घरात धूप किंवा लोबान जाळा. यामुळे घरातील वातावरण शुद्ध होते आणि नकारात्मक ऊर्जा दूर होते.
घरात सुख आणि समृद्धी आणण्यासाठी सर्वांत सोपा उपाय म्हणजे घरात तुळशीचे रोप लावणे. हे रोप घराच्या ईशान्य दिशेला लावा. तसेच त्याला नियमितपणे पाणी घालावे. तसेच तुळशीच्या रोपाजवळ संध्याकाळी दिवा लावणे खूप शुभ मानले जाते.
तुमची पैसे ठेवण्याची जागा जसे की तिजोरी किंवा कपाट हे नेहमी दक्षिण भिंतीला लागून असावे त्याचा दरवाजा उत्तरेकडे उघडायला हवा. त्यामुळे तुमची संपत्ती वाढेल.
घरातील नकारात्मक ऊर्जा दूर करण्यासाठी कपडे धुताना पाण्यामध्ये मीठ घाला. त्यामुळे घरातील नकारात्मक ऊर्जा दूर होऊन सकारात्मक ऊर्जा प्रवेश करेल. हा उपाय आठवड्यातून दोन वेळा करावे.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
