Positive Thinking Day : प्रत्येक नवा दिवस नवीन विचारांसोबत जागा, जीवन बदलायचे तर आधी मन बदला ( फोटो सौजन्य : सोशल मीडिया)
जीवनातील बदल मनाच्या स्थितीवर अवलंबून असतो.
अंतर्गत शांतता मिळाल्यावरच बाह्य जग अनुकूल वाटते.
ज्योतिषीय उपाय तेव्हाच फलदायी ठरतात जेव्हा मन सकारात्मक आणि शंका-मुक्त असते.
Positive Thinking Day : आपण दररोजच्या आयुष्यात बघतो की अनेकदा परिस्थिती आपल्या विरोधात जाते. नाती तुटतात, संधी हुकतात, निर्णय चुकीचे होतात आणि मन अस्वस्थ राहते. अशावेळी आपल्याला वाटते की नशिबच आपल्या बाजूने नाही. पण खरे म्हणजे, जीवनाची दिशा ही आपल्या मनाच्या स्थितीवरून ठरते. मन अस्वस्थ असेल तर काळही प्रतिकूल वाटतो, आणि मन शांत असेल तर कठीण परिस्थितीही सोपी होते.
एक साधी गोष्ट लक्षात ठेवावी लागते आरसा कधीच चेहरा बदलत नाही, तर चेहरा सुधारला की आरशातली प्रतिमा बदलते. हेच आपल्या जीवनालाही लागू पडते. आपण जगाला दोष देतो, पण जोपर्यंत आपण आतून बदल करत नाही, तोपर्यंत बाहेर काहीच बदलत नाही. एक व्यक्ती नेहमी तक्रार करायचा की लोक खूप स्वार्थी आहेत, नाती रिकामी झाली आहेत आणि नशीब साथ देत नाही. पण एका ऋषींनी त्याला सांगितले “आरशाला शाप दिल्याने चेहरा सुंदर होत नाही. स्वतःला सुधारा, मग जगही सुंदर दिसेल.” ही शिकवण त्याने आत्मसात केली आणि आयुष्य खरंच बदलले.
जागतिक घडामोडी संबंधित बातम्या वाचण्यासाठी येथे क्लिक करा : Iran Revenge : जॉर्डन-सीरियापासून इराकपर्यंत… युद्धात विश्वासघात करणाऱ्या देशांवर इराण ‘असा’ घेतोय सूड
अनेकांना वाटते की ग्रहदशा, कुंडली, गोचरच आपले भाग्य ठरवतात. पण सत्य थोडे वेगळे आहे. ग्रहांचे योग अनुकूल असले तरी जर मन नकारात्मक आणि शंकांनी भरलेले असेल तर त्याचा फायदा होत नाही. उलटपक्षी, मन स्थिर आणि सकारात्मक असेल तर ग्रहांची ऊर्जा देखील साथ देते. ज्योतिषशास्त्रातील संशोधनही हेच सांगते की बाह्य परिस्थिती ही आपल्या विचारसरणी, भावना आणि दृष्टिकोनावर अवलंबून असते. म्हणून पूजा, पाठ, ग्रहशांती करताना केवळ विधीवर भर न देता मनाची अवस्था लक्षात ठेवणे गरजेचे आहे.
आज ‘Positive Thinking Day’ आहे. याचा अर्थ केवळ सकारात्मक विचार करणे इतकाच नाही, तर मन शांत ठेवणे, स्वतःकडे डोकावणे आणि जीवनाकडे आशावादी दृष्टीने पाहणे. जेव्हा आपण आतून गुंतलेले असतो तेव्हा बाहेरचे जगही गोंधळलेले वाटते. पण एकदा मन स्पष्ट झाले की नाती सुधारतात, निर्णय चांगले होतात आणि संधी आपोआप मिळू लागतात. कोणीतरी खूप छान म्हटले आहे “वेळ फक्त घड्याळात फिरत नाही, वेळ मनातही फिरते.” त्यामुळे आपला वेळ बदलायचा असेल, तर मनाची दिशा बदलावी लागते.
Positive Thinking Day : जीवन बदलायचे असेल तर आधी मन बदला ( फोटो सौजन्य : सोशल मीडिया)
जीवनातील अंधार घालवायचा असेल तर बाहेर शोधण्याऐवजी आतला दिवा पेटवणे महत्त्वाचे आहे. जोपर्यंत आपण आतून बदलत नाही, तोपर्यंत बाहेरचे जगही तसेच राहते. मनातला प्रकाश वाढला की बाहेरचाही अंधार आपोआप नाहीसा होतो. म्हणून आजच्या दिवशी एक ठाम संकल्प करूया आपण आपल्या विचारांमध्ये, भावनांमध्ये आणि दृष्टीकोनात सकारात्मकता आणू. यामुळे केवळ आपले आयुष्यच नव्हे तर आपल्या आसपासचे वातावरण देखील बदलून जाईल.
जागतिक घडामोडी संबंधित बातम्या वाचण्यासाठी येथे क्लिक करा : Nepal Political Unrest : आंदोलनानंतर नेपाळ पोलिस का शोधत आहेत या 12500 लोकांना? वाचा सविस्तर…
Positive Thinking Day ही केवळ एक दिनविशेषाची आठवण नाही, तर मनाच्या शक्तीची जाणीव करून देणारा दिवस आहे. जीवन बदलायचे असेल तर सुरुवात बाहेरून नाही, आतून करावी लागते. एकदा मन बदलले की, परिस्थिती बदलते, लोक बदलतात, नाती सुधरतात आणि नशीबही साथ द्यायला लागते.
