‘ही फक्त सुरुवात आहे’; अभिषेक बच्चन बनला युरोपियन T20 प्रीमियर लीगमधील संघाचा सहमालक!

अभिनेता अभिषेक बच्चनने युरोपियन T20 प्रीमियर लीगमध्ये गुंतवणूक केली आहे. तो या लीगचा सहमालक बनला आहे. ही बातमी ऐकून चाहत्यांना चांगलाच आनंद झाला आहे. अभिनेत्याने 'ही फक्त सुरुवात आहे' असे देखील म्हटले आहे.

(फोटो सौजन्य - सोशल मीडिया)

Follow Us:

Follow Us:

अभिनयाच्या जगासोबतच अभिषेक बच्चनला खेळातही रस आहे. क्रीडाविश्वातही अभिनेता अनेकदा पैसे गुंतवतात दिसला आहे. तसेच आता त्याने युरोपियन T20 प्रीमियर लीग (ETPL) मध्ये पैसे गुंतवले आहेत. अभिषेक या लीगचा सहमालक बनला आहे. ही लीग यावर्षी जुलैपासून सुरू होणार आहे. या लीगमध्ये अभिषेक बच्चनची गुंतवणूक हे जागतिक क्रीडा क्षेत्रातील योगदानाच्या दिशेने एक महत्त्वाचे पाऊल ठरणार आहे. यावर त्यांनी आनंद व्यक्त केला आहे. आणि चाहत्यांना ‘ही माझी सुरुवात आहे’ असे सांगितले आहे.

लीग कधी सुरू होणार?
युरोपियन T20 प्रीमियर लीग ही एक स्पर्धा आहे जिला आंतरराष्ट्रीय क्रिकेट परिषदेने (ICC) मान्यता दिली आहे. यामध्ये आयर्लंड, स्कॉटलंड, नेदरलँडसह जगभरातील अव्वल खेळाडू खेळताना दिसणार आहेत. ही लीग 15 जुलै ते 3 ऑगस्ट 2025 पर्यंत चालणार आहे. त्याचे सामने डब्लिन आणि रॉटरडॅम येथे होणार आहेत. तसेच हे पाहण्यासाठी चाहते खूप उत्सुक आहेत.

Emergency Trailer: कंगनाच्या ‘इमर्जन्सी’ ट्रेलरला चाहत्यांचा मिळाला प्रतिसाद, लोकांनी सोशल मीडियावर म्हटले मास्टर क्लास!

अभिषेक बच्चनने आनंद व्यक्त केला
अभिनेता अभिषेक बच्चनने ईटीपीएलमध्ये सामील झाल्याबद्दल आनंद व्यक्त केला आहे. ते म्हणाले, ‘क्रिकेट हा केवळ खेळ नाही, तर जगभरातील देशांना एकत्र आणण्याचे व्यासपीठ आहे. ईटीपीएल हे एक व्यासपीठ आहे जे क्रिकेटच्या वाढत्या मागणीला उत्तम प्रकारे प्रतिबिंबित करेल. 2028 च्या ऑलिम्पिकमध्ये क्रिकेटचा समावेश झाल्यामुळे, ही लीग या खेळाची लोकप्रियता वाढवण्यासाठी खूप उपयुक्त ठरेल. आयर्लंड, स्कॉटलंड आणि नेदरलँड्सच्या क्रिकेट मंडळांमधील अशा प्रकारच्या पहिल्या सहकार्याबद्दल मी खूप उत्साहित आणि कृतज्ञ आहे.’ असे म्हणून अभिनेत्याने आपला आनंद व्यक्त केला आहे.

संघावर विश्वास व्यक्त केला
अभिषेक बच्चन पुढे म्हणाला, ‘हा कार्यक्रम यशस्वी करण्यासाठी मला माझ्या टीमवर पूर्ण विश्वास आहे. मी सर्वांचे अभिनंदन करतो, ते गेल्या एक वर्षापासून खूप मेहनत घेत आहेत. ईटीपीएल यशस्वी करण्याचा आमचा प्रयत्न आहे. संपूर्ण युरोपातील लाखो लोकांमध्ये क्रिकेटला लोकप्रियता मिळाली. ही तर सुरुवात आहे. आमचा सर्वोत्तम खेळ दाखवण्याची आणि गेम सुरू करण्याची वेळ आता जवळ आली आहे.’ असे अभिनेत्याने म्हटले आहे.

Yuzvendra Chahal : घटस्फोटाच्या बातम्यांदरम्यान युझवेंद्र चहलची सोशल मीडियावर भावुक पोस्ट

आयर्लंड क्रिकेट बोर्डाचे सीईओ यांनी स्वागत केले
आयर्लंड क्रिकेट बोर्डाचे सीईओ आणि ईटीपीएल चेअरपर्सन वॉरेन ड्युट्रोम यांनी अभिषेक बच्चनचे स्वागत केले आहे. ते म्हणाले, ‘अभिषेक बच्चन ईटीपीएलचे सह-मालक झाल्याचे जाहीर करताना आम्हाला आनंद होत आहे. त्याचे खेळावरील प्रेम आणि आवड युरोपीय क्रिकेटला नव्या उंचीवर नेण्यास मदत करेल.’ असे ते म्हणाले आहेत. या लीगपूर्वीही अभिनेता अभिषेक बच्चनने अनेक लीगमध्ये पैसे गुंतवले असल्याची माहिती आहे. तो जयपूर पिंक पँथर्सचा मालक आहे, तसेच अभिनेता भारतात खेळल्या गेलेल्या प्रो कबड्डी लीग (PKL) मध्ये 2 वेळा चॅम्पियन झाला आहे. इंडियन सुपर लीगमध्ये चेन्नईयिन एफसीमध्येही त्याचा हिस्सा आहे.

Web Title: Abhishek bachchan invested in european t20 premier league as co owner says this is just the beginning

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com