फोटो सौजन्य - सोशल मिडिया
आशिया कप 2025 च्या ट्राॅफीच्या वादावर राजकारण पेटले आहे. आशिया कप २०२५ च्या अंतिम सामन्यात भारताने पाकिस्तानचा पराभव केला. टीम इंडियाने स्पष्ट केले होते की ते पाकिस्तान बोर्डाचे प्रमुख आणि आशियाई क्रिकेट परिषदेचे अध्यक्ष मोहसिन नक्वी यांच्याकडून ट्रॉफी स्वीकारणार नाहीत. परिणामी नक्वी ट्रॉफी घेऊन पळून गेले आणि सोशल मीडियाने त्यांना ट्रॉफी चोर म्हटले. या उघड अपमानानंतरही, पाकिस्तानमध्ये त्यांचा सन्मान होणार आहे. आता ट्रॉफी घेऊन पळून गेल्याबद्दल त्यांना सुवर्णपदक मिळणार आहे. अनेक लोकप्रिय पाकिस्तानी नेते देखील या समारंभात सहभागी होतील.
द इंडिपेंडेंटने वृत्त दिले आहे की सिंध आणि कराची बास्केटबॉल असोसिएशनचे अध्यक्ष गुलाम अब्बास जमाल यांनी मोहसिन नक्वी यांचा सन्मान करण्याची घोषणा केली आहे. जमाल म्हणाले की, आशिया कप दरम्यान भारतासोबत तणाव निर्माण झाला असताना नक्वी यांच्या या निर्णयामुळे पाकिस्तानची प्रतिष्ठा पुन्हा निर्माण झाली आहे. नक्वी यांच्या या निर्णयामुळे पाकिस्तानच्या राजकीय आणि क्रीडा समुदायांना आनंद झाला आहे आणि परिणामी, त्यांना पाकिस्तानच्या सर्वोच्च सन्मानांपैकी एक मिळेल.
PCB and ACC chairman Mohsin Naqvi to receive Excellence Gold Medal for his so called ‘principled and courageous stance’. – He denied team India the Asia Cup trophy and ran away with the trophy. — Mufaddal Vohra (@mufaddal_vohra) October 4, 2025
पाकिस्तानचे गृहमंत्री मोहसीन नक्वी यांना आता ट्रॉफी घेऊन पळून जाण्यासाठी शहीद झुल्फिकार अली भुट्टो एक्सलन्स गोल्ड मेडल देण्यात येईल. वृत्तानुसार, हा कार्यक्रम कराची येथे होणार आहे आणि पीपीपीचे अध्यक्ष बिलावल भुट्टो झरदारी यांना प्रमुख पाहुणे म्हणून आमंत्रित करण्यात आले आहे. भुट्टो यांनी प्रतिसाद दिल्यानंतर कार्यक्रमाची तारीख जाहीर केली जाईल. या कार्यक्रमासाठी सिंध बास्केटबॉल असोसिएशनचे अध्यक्ष खालिद जमील शम्सी यांच्या अध्यक्षतेखाली कराची क्रीडा आयुक्त गुलाम मुहम्मद खान हे सचिव म्हणून एक विशेष समिती देखील स्थापन करण्यात आली आहे.
मोहसिन नक्वी ट्रॉफी सोबत घेऊन गेले आणि त्यानंतर बीसीसीआयने एक कठोर पाऊल उचलले. त्यांनी इतर क्रिकेट बोर्डांसह आशिया कप ट्रॉफी परत करण्याची मागणी केली. यावर बराच गोंधळ झाला आणि वृत्तानुसार, नक्वी यांनी ही ट्रॉफी एमिरेट्स क्रिकेट बोर्डाला सोपवली. नक्वी पूर्वी स्वतः ट्रॉफी सोपवण्याच्या बाजूने होते, परंतु आता ईसीबीकडे ट्रॉफी आहे. बीसीसीआय किंवा भारतीय संघाचा कर्णधार सूर्यकुमार यादव आता आशिया कपच्या विजेतेपदावर दावा करू शकतात.
