आज होणार दिल्ली कॅपिटल्सच्या कॅप्टनची घोषणा, कोणाला मिळणार कर्णधारपद? Video शेअर करून दिली माहिती

दिल्ली कॅपिटल्सचा पहिला सामना २४ मार्च रोजी होणार आहे, पण दिल्लीने अद्याप आपला कर्णधार जाहीर केलेला नाही. दिल्लीच्या नवीन कर्णधाराची घोषणा कधी आणि किती वाजता केली जाईल हे आज समजणार आहे.

फोटो सौजन्य - X सोशल मीडिया

Follow Us:

Follow Us:

Who will be the captain of Delhi Capitals in IPL 2025 : इंडियन प्रीमियर लीग २०२५ चा शुभारंभ ८ दिवसांमध्ये होणार आहे. यामध्ये दिल्ली कॅपिटल्सने अद्याप आयपीएल २०२५ साठी त्यांचा नवीन कर्णधार जाहीर केलेला नाही. आयपीएल २०२५ च्या लिलावानंतर आतापर्यंत सर्व ९ संघांनी त्यांच्या कर्णधारांची नावे जाहीर केली आहेत. पण दिल्लीने अद्याप आपला कर्णधार जाहीर केलेला नाही. दिल्ली कॅपिटल्सचा पहिला सामना २४ मार्च रोजी होणार आहे, हा सामना लखनौ सुपर जायंट्सविरुद्ध खेळवला जाणार आहे. तथापि, आता चाहत्यांची प्रतीक्षा संपणार आहे, कारण दिल्लीने आपल्या नवीन कर्णधाराबद्दल एक मोठी अपडेट दिली आहे आणि दिल्लीच्या नवीन कर्णधाराची घोषणा कधी आणि किती वाजता केली जाईल हे देखील सांगितले आहे.

IML 2025 : युवराज सिंगने ठोकले ७ षटकार, कांगारूंचा घाम गाळला! इंडियाने सेमीफायनलच्या सामन्यात ऑस्ट्रेलियाला दाखवला बाहेरचा रस्ता

कधी होणार दिल्ली कॅपिटल्सचा कर्णधारांचे नाव जाहीर?

१३ मार्च रोजी, दिल्ली कॅपिटल्सने त्यांच्या नवीन कर्णधाराबद्दल एक मोठी अपडेट दिली. सोशल मीडियावर एक व्हिडीओ शेअर करण्यात आला आहे. यामध्ये त्यांनी असे दाखवले आहे की CID मधील कलाकार DCP अभिजित हे दिल्ली कॅपिटल्सचा शोध घेताना दिसत आहेत. फ्रँचायझीने सांगितले की, नवीन कर्णधाराची घोषणा १४ मार्च रोजी भारतीय वेळेनुसार सकाळी ९:३० वाजता केली जाईल. फ्रँचायझीने असेही सांगितले की नवीन कर्णधार निवडण्यात आला आहे. फक्त त्याची अधिकृत घोषणा होणे बाकी आहे.

Bohot ho gaye leaks, ab aur nahi 🔒🛑

Thank you, Captain Investigation Department 🥹🙏 pic.twitter.com/k2OAy9Y2IM

— Delhi Capitals (@DelhiCapitals) March 13, 2025

हे खेळाडू कर्णधार पदाच्या शर्यतीत

कर्णधारपदाच्या शर्यतीत फाफ डू प्लेसिस, केएल राहुल आणि अक्षर पटेल हे खेळाडू असल्याचे मानले जात आहे. राहुल आणि फाफ यांना कर्णधारपदाचा भरपूर अनुभव आहे, तर अक्षर पटेल हा एक तरुण खेळाडू आहे. अशा परिस्थितीत, फ्रँचायझी त्याच्याकडे लांब शर्यतीचा घोडा म्हणून पाहू शकते. मात्र, आता कोणत्या खेळाडूला कर्णधारपद दिले जाईल हे पाहणे बाकी आहे. यासाठी चाहत्यांना थोडी वाट पहावी लागेल.

Web Title: Delhi capitals captaincy announcement to be made today who will get the captaincy

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com