IND vs PAK: दुबईच्या मैदानात पाकिस्तानविरुद्ध टीम इंडियाची कशी आहे कामगिरी? आकडेवारी एक नजर

आशिया कप २०२५ मध्ये टीम इंडियाची तयारी कशी आहे? सूर्यकुमार यादवच्या नेतृत्वाखाली भारत पाकिस्तानला हरवून विजेतेपद पटकावणार का? दुबईतील मैदानावर भारताचा रेकॉर्ड आणि हेड-टू-हेड आकडेवारी जाणून घ्या.

IND vs PAK (Photo Credit- X)

Follow Us:

Follow Us:

आशिया कपचा १७ वा सीझन सप्टेंबर २०२५ मध्ये सुरू होत आहे आणि यावर्षी स्पर्धेचे यजमानपद संयुक्त अरब अमिराती (UAE) भूषवत आहे. मागील वर्षीची विजेती असलेली भारतीय टीम यावर्षी देखील विजेतेपद कायम ठेवण्यासाठी सज्ज आहे. २०२३ च्या वनडे फॉरमॅटमधील आशिया कपमध्ये भारताने अंतिम सामन्यात श्रीलंकेला पराभूत करून विजेतेपद पटकावले होते. मात्र, यंदाचा आशिया कप टी-२० फॉरमॅटमध्ये खेळला जाणार आहे, ज्यामुळे लढती अधिक रोमांचक होणार आहेत. यावर्षी स्पर्धेत एकूण ८ संघ सहभागी होत असून, त्यांना प्रत्येकी चार संघांच्या दोन गटांमध्ये विभागले गेले आहे. आशियातील उदयोन्मुख क्रिकेट संघांना यामुळे एक मोठी संधी मिळणार आहे.

दुबईच्या मैदानावरील टीम इंडियाचा रेकॉर्ड

दुबई आंतरराष्ट्रीय क्रिकेट स्टेडियममध्ये भारतीय संघाने आतापर्यंत एकूण १५ सामने (वनडे आणि टी-२०) खेळले आहेत. यापैकी भारताने १० सामन्यांमध्ये विजय मिळवला आहे, तर ४ सामन्यांत पराभव पत्करला आहे. एक सामना टाय झाला होता. विशेष म्हणजे, दुबईच्या याच मैदानावर भारताने पाकिस्तानविरुद्ध खेळलेले तिन्ही टी-२० सामने जिंकले आहेत.

हे देखील वाचा: IND VS PAK : भारत-पाकिस्तान सामन्यात मुस्लिम क्रिकेटपटू टार्गेट का? मोहम्मद शमीच्या उत्तराने घेतला चाहत्यांच्या मनाचा ताबा

भारत-पाकिस्तान हेड-टू-हेड रेकॉर्ड

आशिया कप वनडे फॉरमॅट: आशिया कपमध्ये भारत आणि पाकिस्तान यांच्यात आतापर्यंत १५ वनडे सामने झाले आहेत. यामध्ये भारताने ८ सामने जिंकले आहेत, तर पाकिस्तानने ५ सामने जिंकले आहेत.

आशिया कप टी-२० फॉरमॅट: टी-२० फॉरमॅटमधील आशिया कपमध्ये दोन्ही संघांमध्ये ३ सामने झाले आहेत. यात भारताने २ सामने जिंकले आहेत, तर पाकिस्तानला केवळ एका सामन्यात विजय मिळाला आहे.

एकूण टी-२० सामन्यांचा विचार करता, भारत आणि पाकिस्तानमध्ये आतापर्यंत १३ सामने झाले आहेत. यात भारताने १०, तर पाकिस्तानने ३ सामने जिंकले आहेत.

एशिया कपमध्ये टीम इंडियाचा दबदबा

आशिया कपमध्ये भारतीय संघाचा दबदबा नेहमीच राहिला आहे. भारताने आतापर्यंत सर्वाधिक ८ वेळा विजेतेपद पटकावले आहे. त्यामुळे सूर्यकुमार यादवच्या नेतृत्वाखालील युवा भारतीय संघ यावर्षी विजेतेपदाची हॅटट्रिक करू शकतो का, हे पाहणे उत्सुकतेचे ठरेल.

Web Title: How is team india performing against pakistan in dubai a look at the statistics

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com