ICC चे नियम बदलणार! 17 जूनपासून कसोटी, 2 जुलैपासून एकदिवसीय आणि 10 जुलैपासून T20 सामन्यांमध्ये हे नियम बदलतील… वाचा सविस्तर

आयसीसी पुरुष समितीने जारी केलेले बदल कसोटी सामन्यात १७ जून, एकदिवसीय सामन्यात २ जुलै आणि टी२० सामन्यात १० जुलैपासून लागू होणार आहेत अशी माहिती दिली आहे.

फोटो सौजन्य : BCCI

Follow Us:

Follow Us:

आयसीसीच्या नियमांमध्ये होणार बदल : आयसीसी टेस्ट चॅम्पियनशिप फायनलचा सामना काल संपला आहे, यामध्ये दक्षिण आफ्रिकेच्या संघाने बाजी मारली आहे. आयसीसीने पुरुष क्रिकेटच्या तिन्ही फॉरमॅट्स – एकदिवसीय, कसोटी आणि टी-२० इंटरनॅशनलच्या खेळण्याच्या परिस्थितीत बदल करण्याचा निर्णय घेतला आहे. या बदलांमध्ये कन्कशन सब्स्टिट्यूटपासून ते एकदिवसीय सामन्यांमध्ये दोन नवीन चेंडू वापरण्यापर्यंतचे नियम अपडेट करणे समाविष्ट आहे. आयसीसी पुरुष समितीने जारी केलेले बदल कसोटी सामन्यात १७ जून, एकदिवसीय सामन्यात २ जुलै आणि टी२० सामन्यात १० जुलैपासून लागू होणार आहेत अशी माहिती दिली आहे.

आतापर्यंत एकदिवसीय क्रिकेटमध्ये दोन नवीन चेंडू वापरण्यात येत होते, दोन्ही टोकांवरून २५-२५ षटकांसाठी एक नवीन चेंडू वापरला जात होता, ज्यामध्ये आता थोडा बदल दिसून येणार आहे. याचा फायदा गोलंदाजांना होणार आहे. तिन्ही फॉरमॅटमध्ये हे नियम कधी बदलतील याची तारीखही जाहीर करण्यात आली आहे.

SA vs AUS : दक्षिण आफ्रिकेचा संघ चॅम्पियन झाल्यानंतर केशव महाराजच्या डोळ्यात अश्रू! म्हणाला – मी खूप भाग्यवान…. 

या नियमांमध्ये बदल करण्याची तारीखही जाहीर करण्यात आली आहे. हे सुधारित नियम १७ जूनपासून कसोटी, २ जुलैपासून एकदिवसीय आणि १० जुलैपासून टी-२० स्वरूपात लागू केले जातील. एकदिवसीय क्रिकेटमध्ये अजूनही २ नवीन चेंडू वापरले जातील, परंतु ते २५ व्या षटकापर्यंत नव्हे तर ३४ व्या षटकापर्यंत वापरले जातील. याशिवाय, दोन्ही संघांना ३५ ते ५० षटकांपर्यंत गोलंदाजी सुरू ठेवण्यासाठी त्या २ चेंडूंपैकी एक निवडावा लागेल. तर जर सामना ५० ओव्हरवरून २५ ओव्हरपर्यंत कमी केला गेला तर फक्त एकच चेंडू वापरला जाणार आहे.

अजून किती परिक्षा घेणार? संघामध्ये सर्वात्तम कामगिरी करुनही BCCI चं दुर्लक्ष, वाचा इंट्रा स्कॉड सामन्यातील खेळाडूंची कामगिरी

आतापर्यंतच्या नियमांनुसार, गोलंदाजांना शेवटच्या षटकांमध्ये चेंडू उलटवणे खूप कठीण होते. त्यामुळे एकदिवसीय सामन्यांमध्ये खूप मोठे धावसंख्या पाहायला मिळत होती, परंतु आता गोलंदाजांची चिंता दूर करण्यासाठी आयसीसीने हा नियम बदलला आहे, ज्यामुळे गोलंदाजांना खूप मदत होणार आहे.

आता कर्णधारांना नाणेफेकीपूर्वी त्यांच्या ५ कन्कशन सबस्टिट्यूट खेळाडूंची नावे द्यावी लागणार आहेत. आतापर्यंत असे नव्हते आणि सामन्यादरम्यान कोणताही खेळाडू कन्कशन सबस्टिट्यूट म्हणून खेळू शकत होता. आता कर्णधारांना या ५ खेळाडूंमधून एक फलंदाज, एक ऑलराउंडर, एक विकेटकीपर, एक स्पिनर आणि एक वेगवान गोलंदाज निवडावा लागेल.

Web Title: Icc rules to change these rules will change in tests odis and t20 matches read in detail

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com