Delhi Capitals Retention List IPL 2025 : क्रिकेट चाहते IPL 2025 च्या मेगा लिलावाची आतुरतेने वाट पाहत आहेत. विशेषत: BCCI ने जाहीर केलेल्या राखीव यादीमुळे लिलावाबाबत सर्वांचीच उत्सुकता वाढली आहे. आता दिल्ली कॅपिटल्सने कायम ठेवलेल्या खेळाडूंबाबत एक नवीन अपडेट समोर आली आहे. ऋषभ पंत आणि अक्षर पटेल यांसारख्या प्रसिद्ध खेळाडूंना दिल्लीने कायम ठेवल्याचे वृत्त आहे, परंतु या फ्रँचायझीने एका युवा ऑस्ट्रेलियन खेळाडूवरही आपले डोळे लावले आहेत.
एवढी रक्कम देऊन खेळाडूंना ठेवणार कायम
आयपीएलच्या एका सूत्राने सांगितले की, दिल्ली कॅपिटल्स ऋषभ पंतला 18 कोटी रुपयांमध्ये, अक्षर पटेलला 14 कोटी रुपयांमध्ये आणि कुलदीप यादवला 11 कोटी रुपयांमध्ये कायम ठेवू शकते. याशिवाय ऑस्ट्रेलियाचा 22 वर्षीय स्फोटक खेळाडू जेक फ्रेजर मॅकगर्कवरही दिल्लीची नजर आहे. अहवालानुसार, दिल्ली व्यवस्थापन मॅकगुर्कवर राईट टू मॅच कार्ड (RTM कार्ड) वापरू शकते.
15 चेंडूत अर्धशतक केले
मॅकगर्कने IPL 2024 मध्ये 36.67 च्या सरासरीने 330 धावा केल्या. मॅकगर्क त्याच्या स्ट्राइक रेटमुळे सर्वाधिक चर्चेत होता. गेल्या हंगामात, त्याने सुमारे 234 च्या जबरदस्त स्ट्राइक रेटने धावा केल्या आणि मोसमात एकूण 28 षटकारही मारले. मॅकगर्कवरही दिल्लीची नजर असेल कारण गेल्या मोसमात त्याने एकदा नव्हे तर दोनदा 15 चेंडूत अर्धशतक केले होते. त्याने एकदा सनरायझर्स हैदराबादविरुद्ध आणि एकदा मुंबई इंडियन्सविरुद्ध अवघ्या 15 चेंडूत अर्धशतक झळकावून दिल्ली संघाला चांगली सुरुवात करून दिली.
ऑस्ट्रेलियासाठी टी -20 मध्ये पदार्पण
आयपीएल 2024 नंतर, त्याने या वर्षी ऑस्ट्रेलियासाठी टी -20 पदार्पण केले, परंतु आत्तापर्यंत कांगारू संघासाठी 4 टी -20 सामन्यांमध्ये तो केवळ 66 धावा करू शकला आहे. याशिवाय त्याने 2 एकदिवसीय सामने देखील खेळले आहेत, ज्यामध्ये त्याच्या नावावर 51 धावा आहेत. मॅकगर्कची खेळण्याची शैली अतिशय आक्रमक आहे आणि त्याच्या दिवशी तो कोणत्याही संघासाठी ट्रम्प कार्ड ठरू शकतो.
