IND vs ENG : ‘देशासाठी वेदना आणि अस्वस्थता विसरा’ : भारताचे दिग्गज माजी फलंदाज सुनील गावसकर यांचे परखड मत

भारत आणि इंग्लंड यांच्यातील पाच सामन्याची मालिका बरोबरीत सुटली आहे. या मालिकेत सिराजने शानदार कामगिरी केली, यावरून भारताचे माजी खेळाडू सुनील गावस्कर यांनी देशासाठी खेळताना वेदना विसरा असे म्हटले आहे.

सुनील गावसकर(फोटो-सोशल मीडिया)

Follow Us:

Follow Us:

• तेंडुलकर-अँडरसन ट्रॉफी २-२ अशी बरोबरीत सुटली आहे.
• मालिकेत मोहम्मद सिराजची शानदार गोलंदाजी.
• भारतीय क्रिकेटच्या शब्दकोशातून वर्कलोड मॅनेजमेंट गायब होईल, गावसकर यांना आशा

IND vs ENG : भारत आणि इंग्लंड यांच्यात पाच सामन्यांची कसोटी मालिका पार पडली. तेंडुलकर-अँडरसन ट्रॉफी २-२ अशी बरोबरीत सुटली आहे. या मालिकेत भारतीय संघाने शानदार कामगिरी केली आहे. या मालिकेतील पाचवा आणि शेवटच्या सामन्यात भारताने इंग्लंडचा ६ धावांनी पराभव केला. मोहम्मद सिराज या सामन्याचा हिरो ठरला आहे. त्याने पाचव्या सामन्याच्या दोन्ही डावात एकूण ९ बळी टिपले. त्याने संपूर्ण पाच सामने खेळले आहेत. यादरम्यान त्याने सर्वाधिक २३ विकेट्स घेतल्या आहेत. मोहम्मद सिराजच्या शानदार कामगिरीनंतर भारतीय क्रिकेटच्या शब्दकोशातून वर्कलोड मॅनेजमेंट हा शब्द कायमचा गायब होईल अशी आशा भारताचे दिग्गज फलंदाज सुनील गावस्कर यांनी व्यक्त केली.

हेही वाचा : IND vs ENG : रोहित शर्माला वनडे कर्णधारपदापासून धुवावे लागणार हात! गिल सांभाळणार कमान; माजी खेळाडूच्या विधानाने खळबळ

सिराजने इंग्लंडविरुद्धच्या पाचही कसोटी सामन्यांमध्ये एकूण १८५.३ षटके गोलंदाजी केली आणि २३ बळी घेतले. दुसरीकडे, मुख्य वेगवान गोलंदाज जसप्रीत बुमराह फक्त तीन सामन्यांसाठी उपलब्ध होता आणि त्याच्या वर्कलोड मॅनेजमेंटचा भाग म्हणून ओव्हलमधील पाचव्या कसोटीला तो मुकला.

गावस्कर यांनी स्पष्ट केले की, ते बुमराहवर टीका करत नव्हते. कारण हा इतर कोणत्याही गोष्टीपेक्षा दुखापती व्यवस्थापनाचा विषय होता. गावस्कर यांनी सांगितले, जेव्हा तुम्ही तुमच्या देशासाठी खेळत असता तेव्हा वेदना आणि अस्वस्थता विसरून जा. तुम्हाला वाटते का की सीमेवरील सैनिक थंडीबद्दल तक्रार करतील? ऋषभ पंतने तुम्हाला काय दाखवले? पायात फ्रैक्चर असूनही तो फलंदाजीला आ ला खेळाडूंकडून तुम्हाला हेच अपेक्षित आहे भारतासाठी क्रिकेट खेळणे हा सन्मान आहे. तुम्ही १४० कोटी लोकांचे प्रतिनिधित्व करत आहात आणि मोहम्मद सिराजमध्ये आम्ही हेच पाहिले. मला वाटते की सिराजने मनापासून गोलंदाजी केली आणि त्याने वर्कलोडसारख्या शब्दाचा कायमचा अंत केला.

हेही वाचा : Asia Cup 2025 India: आशिया कपसाठी भारतीय टीमची लवकरच घोषणा, शुभमन, यशस्वी आणि साई सुदर्शनला संधी?

पाच कसोटी सामन्यांमध्ये त्याने सतत ७-८ षटके टाकली कारण कर्णधार त्याच्याकडून ही अपेक्षा करत होता आणि देशालाही त्याच्याकडून ही अपेक्षा होती. गावस्कर म्हणाले की सर्वोत्तम उपलब्ध संघ निवडण्यात वर्कलोड व्यवस्थापन अडथळा ठरू शकत नाही. जर तुम्ही कामाच्या ताणाबद्दल बोलणाऱ्यांसमोर झुकलात तर देशासाठी तुमचे सर्वोत्तम खेळाडू कधीही मैदानावर दिसणार नाहीत. मला आशा आहे की आता कामाचे व्यवस्थापन हा शब्द भारतीय क्रिकेटच्या शब्दकोशातून कायमचा नाहीसा होईल.

Web Title: Ind vs eng forget the pain and discomfort for the country sunil gavaskars strong opinion

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com