फोटो सौजन्य – Youtube (England & Wales Cricket Board)
इंग्लंड विरुद्ध भारत U19 कसोटी मालिका : भारताचा सीनियर पुरुष संघ इंग्लंडविरुद्ध कसोटी मालिका खेळत आहे या मालिकेचा तिसरा चा सामना सुरू आहे तर भारतीय महिला संघाची नुकतीच t20 मालिका संपली आता भारतीय महिला संघ आता इंग्लंड विरुद्ध एक दिवसीय मालिका खेळताना दिसणार आहे. भारताचा युवा अंडर 19 संघ हा इंग्लंड दौऱ्यावर आहे या दोन संघांमध्ये एक दिवसीय मालिका संपली पाच सामन्यांच्या एकदिवसीय मालिकेमध्ये भारताच्या संघाने तीन सामन्यांमध्ये विजय मिळवून मालिका नावावर केली.
सध्या या दोन संघांमध्ये दोन सामन्यांची कसोटी मालिका खेळवली जात आहे या कसोटी मालिकेचा पहिला सामना सुरू आहे. या सामन्यांमध्ये इंग्लंडच्या संघाचा डाव सध्या सुरू आहे. भारताच्या संघाने पहिल्या डावांमध्ये 540 धावा केला होता. दुसरा डावामध्ये इंग्लंडच्या संघाने 60 ओव्हर मध्ये पाच विकेट गमावून होऊन 230 धावा केल्या आहेत. ज्यामध्ये टीम इंडियाची पकड खूप मजबूत असल्याचे दिसून येत आहे.
या सामन्याच्या पहिल्या डावात वैभव सूर्यवंशी फलंदाजीमध्ये अपयशी ठरला असला तरी, त्याने गोलंदाजीत चमकदार कामगिरी करून संघाला सर्वात मोठे यश मिळवून दिले. दुसऱ्या दिवसाच्या खेळाच्या अखेरीस, इंग्लंड अंडर-१९ संघाने ५ विकेट गमावून २३० धावा केल्या होत्या. दुसऱ्या दिवशी, इंग्लंडचा कर्णधार हमजा शेख आणि रॉकी फ्लिंटॉफ यांच्यात शतकी भागीदारी दिसून आली, दोघांनीही शानदार फलंदाजी करताना अर्धशतके झळकावली. ही भागीदारी तोडण्यात वैभव सूर्यवंशीने योगदान दिले, ज्याने टीम इंडियासाठी हमजा शेखची मोठी विकेट घेतली.
दुसऱ्या दिवशी कर्णधार हमजा ८४ धावा करून पॅव्हेलियनमध्ये परतला. दुसऱ्या दिवशी गोलंदाजी करताना वैभवने ६ षटकांत १० धावा देऊन १ बळी घेतला. दुसरीकडे, दुसऱ्या दिवशी इंग्लंडकडून रॉकी फ्लिंटॉफने ९३ धावांची सर्वाधिक खेळी केली.
पहिल्या युवा कसोटीच्या पहिल्या डावात टीम इंडियाने शानदार फलंदाजी करत ५४० धावा केल्या. टीम इंडियाकडून आयुष मतेने पहिल्या डावात शानदार शतक झळकावले, आयुष १०२ धावा करून बाद झाला. याशिवाय अभिज्ञानने ९० धावा, राहुल कुमारने ८५ धावा, विहान मल्होत्राने ६७ धावा केल्या. वैभव सूर्यवंशी पहिल्या डावात काही खास कामगिरी करू शकला नाही, त्याच्या बॅटमधून फक्त १४ धावा आल्या. ज्यामध्ये ३ चौकारांचा समावेश होता.
