फोटो सौजन्य - actormaddy (Instagram)
क्रिकेट विश्वातील दिग्गज खेळाडू भारतीय क्रिकेटसाठी ऑल टाइम ग्रेट कॅप्टन एम एस धोनीने मैदानावर केलेल्या कामगिरीवर त्याने स्वत:ची ओळख निर्माण केली आहे. त्याने फक्त भारतामध्येच नाही जगभरामध्ये चाहते कमावले आहेत, संघासाठी केलेल्या कामगिरीमुळे चाहते त्याला पसंत करतात. तुम्ही कधी धोनीला चित्रपटामध्ये एखाद्या भूमिकेत इमॅजिन केले आहे का? नसेल केले तर आता करायला सुरुवात करा.
आता लवकरच धोनी तुम्हाला आर माधवनच्या चित्रपटामध्ये पाहायला मिळणार आहे. रविवारी बॉलिवूड अभिनेता आर माधवनने त्याच्या सोशल मीडिया हँडलवर एक व्हिडिओ शेअर केला. त्याने त्याला वासन बाला यांच्या ‘द चेस’ या चित्रपटाचा टीझर म्हटले. टीझरमध्ये एमएस धोनी आर माधवनसोबत पूर्ण भूमिकेत दिसत आहे. तो आर माधवनसोबत टास्क फोर्स ऑफिसर म्हणून दिसत आहे. तथापि, हा चित्रपट आहे की वेब सिरीज आहे की आणखी काही.
View this post on Instagram
सध्या माधवनने त्याच्या पोस्टमध्ये स्पष्टीकरण दिलेले नाही. टीझरमध्ये माधवन आणि धोनी क्रूर टास्क फोर्स अधिकाऱ्यांच्या भूमिकेत दाखवले आहेत. दोघेही गोळ्या झाडताना दिसत आहेत. दोघेही सारखेच गणवेश परिधान केलेले आहेत. टीझरमध्ये दावा केला आहे की हा एक मजेदार अॅक्शन थ्रिलर शो असणार आहे. टीझर शेअर करताना आर माधवनने लिहिले की एक मिशन. दोन लढाऊ. बकल अप – एक जंगली, स्फोटक पाठलाग सुरू होतो. द चेस, हा टीझर प्रदर्शित झाला आहे. दिग्दर्शक वासन बाला लवकरच येत आहेत.
माधवनने हा व्हिडिओ सोशल मीडियावर पोस्ट करताच तो व्हायरल झाला. युजर्स त्यावर जोरदार कमेंट करत आहेत. या टीझरमुळे अनेकांना गोंधळात टाकले आहे की हा चित्रपट आहे, वेब सिरीज आहे की जाहिरात आहे. युजर्स कमेंट सेक्शनमध्ये प्रश्नांचा भडिमार करत आहेत. धोनीच्या बाबतीत बोलायचे झाले तर, त्याने यापूर्वी अनेक जाहिरातींमध्ये काम केले आहे. तो तमिळ चित्रपट ‘द गोट’ मध्ये स्पेशल अपियरन्स म्हणून दिसला आहे.
१५ ऑगस्ट २०२० रोजी आंतरराष्ट्रीय क्रिकेटमधून निवृत्ती घेतलेल्या एमएस धोनीने अद्याप आयपीएलमधून निवृत्ती घेतलेली नाही. तो अजूनही सीएसकेकडून खेळत आहे. आयपीएल २०२६ मध्येही तो सीएसकेकडून खेळताना दिसेल अशी अपेक्षा आहे.
