Surya Kumar Yadav (Photo Credit- X)
Asia Cup 2025: आशिया कप 2025 चा थरार काही तासांवर येऊन ठेपला आहे. या स्पर्धेत भारतीय संघाला विजेतेपदासाठी ‘फेव्हरेट’ मानले जात आहे. मात्र, भारतीय संघाचा कर्णधार सूर्यकुमार यादव (Suryakumar Yadav) या मताशी सहमत नाही. पत्रकार परिषदेत त्याने थेट प्रतिक्रिया देत आपल्या भावना व्यक्त केल्या आहेत.
पत्रकार परिषदेत जेव्हा भारतीय संघाला नंबर १ संघ म्हटले गेले, तेव्हा सूर्यकुमार यादवने हसत-हसत म्हटले, ‘कोणी सांगितले? मी तर ऐकलेच नाही.’ पुढे तो म्हणाला, “आम्ही हा फॉरमॅट खूप काळापासून खेळत आहोत. जर तुमची तयारी चांगली असेल, तर तुम्ही मैदानावर भरपूर आत्मविश्वासाने उतरता. हो, आम्ही बऱ्याच काळापासून खेळत आहोत. मात्र, आम्ही फक्त 3-4 दिवसांपूर्वीच येथे आलो आहोत. आमचे काही सराव सत्र चांगले झाले आहेत आणि त्यामुळेच आम्ही या स्पर्धेसाठी खूप उत्सुक आहोत.”
टीम इंडियाला ‘फेव्हरेट’ मानण्यावर पाकिस्तानचा कर्णधार सलमान अली आगा यानेही आपली प्रतिक्रिया दिली. त्याचे म्हणणे होते की, टी-20 फॉरमॅटमध्ये कोणताही संघ ‘फेव्हरेट’ नसतो. तो म्हणाला, “मला वाटत नाही की टी-20 मध्ये कोणताही संघ फेव्हरेट असतो, कारण कोणत्याही दिवशी कोणताही संघ चांगला खेळू शकतो. टी-20 हा खूप वेगवान खेळ आहे. एक-दोन षटकांत सामन्याचे चित्र बदलू शकते.”
Question to Suryakumar Yadav & Salman Ali Agha:
Considering the recent situation between the two countries, do you think that there is a need to give specific instructions to the players to keep their tempers in control?
Answers👇#AsiaCup2025 pic.twitter.com/VqQ8voZWla
— Nibraz Ramzan (@nibraz88cricket) September 9, 2025
आशिया कपसाठी निवडलेला भारतीय संघाचा 15 सदस्यीय स्क्वॉड खूप संतुलित दिसत आहे. फिरकीपासून ते वेगवान गोलंदाजीपर्यंत, संघाकडे अनेक पर्याय आहेत. याशिवाय, बहुतेक फलंदाज चांगल्या फॉर्ममध्ये आहेत.
टीम इंडियाचा आशिया कपसाठी संपूर्ण स्क्वॉड
