U19 Women’s T20 World Cup 2025 : विजेतेपदाचे रक्षण करण्यासाठी मैदानात उतरणार भारतीय संघ, आजपासून स्पर्धेला सुरुवात

निक्की प्रसादच्या नेतृत्वाखालील संघ या संधीचा फायदा घेण्याचा सर्वतोपरी प्रयत्न करेल. प्रमुख खेळाडूंमध्ये त्रिशा जी हीच संघामध्ये समावेश आहे, ज्यांनी गेल्या महिन्यात अंडर-१९ विश्वचषक स्पर्धेत भारताच्या विजयाचा पाया रचला.

फोटो सौजन्य - ICC सोशल मीडिया

Follow Us:

Follow Us:

U19 महिला T20 विश्वचषक 2025 : जागतिक स्तरावर आपला दबदबा कायम ठेवण्याचा प्रयत्न करणाऱ्या भारताच्या पुढच्या पिढीच्या क्रिकेटपटूंनी शनिवारपासून सुरू होणाऱ्या आयसीसी अंडर-१९महिला टी-२० विश्वचषकात प्रवेश करताना विजेतेपद राखण्याचे लक्ष्य असणार आहे. भारताला अ गटात वेस्ट इंडिज, श्रीलंका आणि यजमान मलेशिया हे संघ आहेत. भारतीय संघ रविवारी पहिला सामना वेस्ट इंडिजविरुद्ध खेळणार आहे. भारताने २०२३ मध्ये दक्षिण आफ्रिकेत झालेल्या पहिल्या विश्वचषक स्पर्धेच्या अंतिम सामन्यात इंग्लंडचा सात गडी राखून पराभव केला होता. २०२३ मध्ये शेफाली वर्माच्या नेतृत्वाखाली भारताने दक्षिण आफ्रिकेत ही स्पर्धा जिंकली होती. त्या संघात तीतास साधू, श्वेता सेहरावत, पार्श्वी चोप्रा आणि अर्चना देवी सारखे खेळाडू होते जे वरिष्ठ स्तरावर खेळत आहेत.

निक्की प्रसाद हिच्याकडे असणार कर्णधारपद

यावर्षी भारतात होणाऱ्या एकदिवसीय विश्वचषकाच्या पार्श्वभूमीवर, निक्की प्रसादच्या नेतृत्वाखालील संघ या संधीचा फायदा घेण्याचा सर्वतोपरी प्रयत्न करेल. प्रमुख खेळाडूंमध्ये त्रिशा जी हीच संघामध्ये समावेश आहे, ज्यांनी गेल्या महिन्यात अंडर-१९ विश्वचषक स्पर्धेत भारताच्या विजयाचा पाया रचला होता. फिरकीपटू पारुनिका सिसोदिया, सोनम यादव आणि आयुषी शुक्ला यांचाही संघात समावेश आहे. शनिवारी शेवटचा उपांत्य सामना खेळणाऱ्या ऑस्ट्रेलियाचा सामना ड गटात स्कॉटलंडशी होईल, तर २०२३ च्या उपविजेत्या इंग्लंडचा सामना आयर्लंडशी होणार आहे.

रविवारी होणाऱ्या इतर लढतींमध्ये समोआचा सामना क गटात नायजेरियाशी, ड गटात बांगलादेशचा सामना नेपाळशी, ब गटात पाकिस्तानचा सामना अमेरिकेशी तर क गटात न्यूझीलंडचा सामना दक्षिण आफ्रिकेशी होणार आहे. स्पर्धेत १६ संघांची प्रत्येकी चार गटात विभागणी करण्यात आली असून प्रत्येक गटातील अव्वल तीन संघ सुपर सिक्समध्ये प्रवेश करतील. अव्वल दोन संघ उपांत्य फेरीत जातील आणि अंतिम सामना २ फेब्रुवारीला होणार आहे.

💬 💬 “We want to create this legacy of winning the ICC trophies.”#TeamIndia Captain Niki Prasad shares her thoughts ahead of the ICC #U19WorldCup. pic.twitter.com/nex9g11k4s

— BCCI Women (@BCCIWomen) January 17, 2025

कुठे पाहता येणार लाईव्ह स्ट्रीमिंग?

आयसीसी अंडर-१९ महिला T२० विश्वचषक २०२५ सामन्यांचे थेट प्रक्षेपण भारतातील स्टार स्पोर्ट्स नेटवर्कवर उपलब्ध असेल. भारतीय महिला U-१९ संघाचे सामने चाहते Disney+Hotstar ॲप आणि वेबसाइटवर भारतात आयसीसी अंडर-१९ महिला T२० विश्वचषक २०२५ सामन्यांचे थेट प्रवाह पाहू शकतात.

U19 महिला T20 विश्वचषक 2025 गट

अ गट : भारत, मलेशिया, श्रीलंका, वेस्ट इंडिज
ब गट: इंग्लंड, आयर्लंड, पाकिस्तान, अमेरिका
क गट: न्यूझीलंड, नायजेरिया, सामोआ, दक्षिण आफ्रिका
ड गट: ऑस्ट्रेलिया, बांगलादेश, नेपाळ, स्कॉटलंड

Web Title: U19 womens t20 world cup 2025 cricket india team to defend title

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com