16 जानेवारीला बंद राहणार इंटरनेट? संपूर्ण जगात असेल Digital Shutdown? काय आहे व्हायरल व्हिडीओमागील सत्य

सोशल मीडियावर एक व्हिडिओ मोठ्या प्रमाणावर व्हायरल होत आहे, ज्यामध्ये असा दावा केला जात आहे की उद्या म्हणजेच 16 जानेवारी रोजी संपूर्ण जगाचे इंटरनेट बंद राहणार आहे. पण हे खरं आहे का की हा फक्त दावा आहे? सत्य जाणून घ्या.

16 जानेवारीला बंद राहणार इंटरनेट? संपूर्ण जगात असेल Digital Shutdown? काय आहे व्हायरल व्हिडीओमागील सत्य

Follow Us:

Follow Us:

सोशल मीडियावर अनेक व्हिडीओ व्हायरल होत असतात. काही व्हिडीओ खरे असतात तर काही व्हिडी फेक असतात. तर अनेक व्हिडीओमध्ये असे दावे केले जातात, ज्यांच्यावर विश्वास ठेवणं फार कठीण असतं. आता देखील सोशल मीडियावर असाच एक व्हिडीओ व्हायरल होत आहे, ज्याच्यावर विश्वास ठेवणं फार कठीण आहे.

Tech Tips: Instagram वर ब्लू टिक मिळवणं आता अगदी सोपं! 6 स्टेप्समध्ये व्हेरिफाईड होईल तुमचं अकाऊंट

सध्या सोशल मीडियावर एक व्हिडिओ मोठ्या प्रमाणावर व्हायरल होत आहे, ज्यामध्ये असा दावा केला जात आहे की उद्या म्हणजेच 16 जानेवारी रोजी संपूर्ण जगाचे इंटरनेट बंद राहणार आहे. प्रसिद्ध ॲनिमेटेड शो ‘द सिम्पसन्स’ ने 16 जानेवारी 2025 रोजी जागतिक इंटरनेट बंद होण्याची भविष्यवाणी केली होती. सध्या त्यांच्या या भविष्यवाणीचाच व्हिडीओ व्हायरल होत आहे. व्हिडिओमध्ये दाखवण्यात आले आहे की, एक विशाल शार्क समुद्राखाली टाकलेल्या इंटरनेट केबल्स कापतो, त्यामुळे जगभरात इंटरनेट सेवा बंद आहे. indepthnotion नावाच्या इंस्टाग्राम अकाऊंवर याबाबतचा व्हिडीओ देखील शेअर करण्यात आला आहे. (फोटो सौजन्य – Pinterest)

 

View this post on Instagram

 

A post shared by In Depth Notion || Facts (@indepthnotion)

डोनाल्ड ट्रम्प यांच्या उद्घाटनाशी संबंधित दावा

या व्हिडीओमध्ये 16 जानेवारी 2025 रोजी डोनाल्ड ट्रम्प यांच्या उद्घाटनाशी संबंधित दावा करण्यात आला आहे. व्हिडीओमध्ये हा कार्यक्रम होणार असल्याचे सांगितले जात आहे आणि तो डोनाल्ड ट्रम्प यांच्या राष्ट्राध्यक्षपदाच्या शपथविधीशी संबंधित आहे, परंतु वास्तविकता अशी आहे की ट्रम्प यांचा शपथविधी 20 जानेवारी 2025 रोजी होणार आहे. जे या दाव्याची सत्यता सिद्ध करते पण त्यावरही प्रश्न उपस्थित होत आहेत.

सत्य काय आहे?

हा व्हिडीओ पूर्णपणे एडिट केलेला असल्याचे तज्ज्ञ आणि तथ्य तपासणाऱ्या संस्थांचे म्हणणे आहे. ‘द सिम्पसन्स’ने अशी भविष्यवाणी कधीच केली नव्हती. आम्ही तुम्हाला सांगतो की ‘द सिम्पसन्स’ त्याच्या व्यंग्य आणि काल्पनिक अंदाजांसाठी ओळखला जातो, परंतु व्हायरल व्हिडिओमध्ये दाखवलेले दृश्य शोच्या कोणत्याही अधिकृत भागाशी जुळत नाही, असं तज्ज्ञांचं म्हणणं आहे.

व्हिडिओ का व्हायरल झाला?

खरं तर, बनावट किंवा खळबळजनक मजकूर सोशल मीडियावर वेगाने पसरतो. हा व्हिडिओ ‘द सिम्पसन्स’ची विश्वासार्हता आणि डोनाल्ड ट्रम्प यांच्या राजकीय प्रभावाशीही जोडला गेला आहे, ज्यामुळे तो अधिक व्हायरल होत आहे. यासोबतच इंटरनेट बंद सारख्या काल्पनिक परिस्थितीमुळे लोकांची उत्सुकता आणखी वाढली आहे.

खरं तर, ‘द सिम्पसन्स’ शोने अनेक वेळा अशा घटना दाखवल्या आहेत ज्या नंतर वास्तव बनल्या, जसे की स्मार्ट घड्याळे किंवा ट्रम्प 2016 मध्ये राष्ट्राध्यक्ष बनले. पण या प्रकरणात शोचा अंदाज पूर्णपणे खोटा ठरणार असल्याचं सांगितलं जात आहे.

Gen Z किड्समध्ये वाढतोय ‘टेलिफोनोफोबिया’! कॉल येताच वाटते भिती, नेमकं प्रकरण आहे तरी काय?

16 जानेवारी 2025 रोजी जागतिक इंटरनेट बंद झाल्याचा दावा केवळ एडीट व्हिडिओवर आधारित आहे. यात काही तथ्य नाही, असं तज्ज्ञांचं म्हणणं आहे. ‘द सिम्पसन्स’ शोच्या नावाने ही एक काल्पनिक आणि बनावट कथा आहे. त्यामुळे अशा व्हायरल मजकूराची सत्यता न तपासता त्यावर विश्वास ठेवून अजिबात घाबरू नका. भविष्यातही, असा कोणताही खळबळजनक व्हिडिओ तुम्हाला आढळल्यास, त्याची सत्यता न तपासता तो शेअर करणे टाळा. सोशल मीडियावर पसरणाऱ्या अफवांपासून सावध राहा.

Web Title: Tech news there will be digital shutdown on 16 january what is truth behind the viral video

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com