Tech Tips: पॅन कार्डसाठी ऑनलाईन अप्लाय करताना घ्या ही काळजी; नाहीतर होईल लाखोंची फसवणूक

स्कॅमर्सनी पिडीत व्यक्तिकडून संपूर्ण माहिती गोळा केली आणि त्याच्या बँक अकाऊंटमध्ये प्रवेश केला. यानंतर काही क्षणातच त्याच्या खात्यातून 7.7 लाख रुपये कापले गेले. अशावेळी काही महत्त्वाच्या गोष्टी लक्षात ठेवणं गरजेचं आहे.

Tech Tips: पॅन कार्डसाठी ऑनलाईन अप्लाय करताना घ्या ही काळजी; नाहीतर होईल लाखोंची फसवणूक

Follow Us:

Follow Us:

भारतीयांसाठी पॅन कार्ड आणि आधार कार्ड हे महत्त्वाचे डॉक्युमेंट आहेत. आपल्या सरकारी आणि महत्त्वाच्या कामांसाठी पॅन कार्ड आणि आधार कार्ड हे महत्त्वाचे पुरावे मानले जातात. हे डॉक्युमेंट तयार करण्यासाठी किंवा ते अपडेट करण्यासाठी अनेकदा ऑनलाईन अप्लाय केलं जातं. कोणत्याही डॉक्युमेंटसाठी ऑनलाईन अप्लाय करताना योग्य काळजी घेणं गरजेचं आहे. अन्यथा आपली लाखोंची फसवणूक होऊ शकते. अशीच एक घटना देखील अलीकडे समोर आली आहे.

स्मार्टफोनसंबंधित बातम्या वाचण्यासाठी इथे क्लिक करा

कानपूरमध्ये घडली घटना

डिजिटल युगात, घोटाळे आणि स्कॅमच्या घटनांमध्ये मोठ्या प्रमाणात वाढ होत आहे. लोकांना लुटण्यासाठी घोटाळेबाज रोज नवनवीन पद्धती अवलंबत आहेत. अलीकडेच, कानपूरमध्ये असेच एक प्रकरण समोर आले आहे, जिथे एका व्यक्तीने आपल्या नातवाच्या पॅन कार्डसाठी ऑनलाइन अर्ज करण्याचा प्रयत्न केला. मात्र तो ही सर्व प्रोसेस करत असताना काही क्षणातच त्याच्या खात्यातून 7.7 लाख रुपये कापले गेले. (फोटो सौजन्य – Pinterest)

कस्टमर केअर हेल्पलाइन नंबरवरून झाली फसवणूक

वास्तविक, हा घोटाळा तेव्हा घडला जेव्हा ती व्यक्ती आपल्या नातवाच्या पॅन कार्डसाठी ऑनलाइन अप्लाय करण्याचा प्रयत्न करत होती. यावेळी त्याला वेबसाईटवर एक कस्टमर केअर हेल्पलाइन नंबर मिळाला. संबंधित व्यक्तिने तो डायल केला. यानंतर फोनवरील व्यक्तिने आधारकार्ड, पॅनकार्ड आणि बँकिंग डिटेल्स मागितले. यानंतर काही वेळातच कानपूरमधील व्यक्तिच्या अकाऊंटमधून 7 लाखांहून अधिक रक्कम कापण्यात आली.

7 लाखांहून अधिक रक्कमेचं नुकसान

स्कॅमर्सनी पिडीत व्यक्तिकडून संपूर्ण माहिती गोळा केली आणि त्याच्या बँक अकाऊंटमध्ये प्रवेश केला. त्यानंतर संबंधित व्यक्तिच्या अकाऊंटमधून 1,40,071 आणि 6,30,071 रुपयांचे नुकसान झाले. म्हणजेच या व्यक्तीचे एकूण 7.7 लाख रुपयांचे नुकसान झाले आहे. फसवणूक झाल्याचे लक्षात आल्यानंतर त्या व्यक्तीने सायबर सेलकडे तक्रार केली. या सर्व घटनांचा विचार करता तुम्ही पॅन कार्ड तयार करण्यासाठी किंवा अपडेट करण्यासाठी ऑनलाईन अप्लाय करण्याचा विचार करत असाल, तर अशावेळी काही महत्त्वाच्या गोष्टी लक्षात ठेवणं गरजेचं आहे.

टेकसंबंधित बातम्या वाचण्यासाठी इथे क्लिक करा

या गोष्टी लक्षात ठेवणे महत्त्वाचे

• कोणत्याही वेबसाइट किंवा ग्राहक सेवा क्रमांकांची सत्यता पूर्णपणे तपासा.
• कार्ड संबंधित सेवांसाठी केवळ NSDL किंवा UTIITSL सारख्या अधिकृत सरकारी पोर्टलचा वापर करा.
• आधार किंवा पॅन कार्ड तपशील आणि बँकिंग क्रेडेन्शियल यांसारखी माहिती कोणत्याही व्यक्तिसोबत शेअर करू नका.
• कस्टमर सपोर्ट असल्याचा दावा करणाऱ्या कॉल्स किंवा संदेशांपासून सावध रहा.
• संशय आल्यास पोलीस किंवा सायबर क्राईम रिपोर्टिंग पोर्टल cybercrime.gov.in वर तक्रार करा .
• पासवर्ड, कार्ड पिन, CVV सारखी माहिती कोणत्याही व्यक्तिसोबत शेअर करू नका.
• OTP सह बनावट संदेश ओळखा आणि त्यांना त्वरित ब्लॉक करा.

Web Title: Tech tips how to stay secure while applying for pan card online know some important tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com