iPhone पासून Vivo V50 पर्यंत, पुढील आठवड्यात लाँच होणार हे ढासू स्मार्टफोन्स! वाचा संपूर्ण यादी
येणारा आठवडा स्मार्टफोन प्रेमींसाठी खूप खास असणार आहे. कारण या आठवड्यात अनेक ब्रँड न्यू स्मार्टफोन लाँच केले जाणार आहेत. आयफोनपासून विवोपर्यंत अनेक कंपन्या त्यांचे स्मार्टफोन या आठवड्यात लाँच करणार आहे. त्यामुळे जर तुम्ही नवीन स्मार्टफोन खरेदी करण्याचा किंवा तुमचा स्मार्टफोन अपग्रेड करण्याचा विचार करत असाल तर जरा थांबा. कारण येणाऱ्या आठवड्यात लाँच होणारे स्मार्टफोन प्रत्येकाला भुरळ घालणार आहेत.
वर्षातील पहिल्या आयफोनपासून ते अनेक अद्भुत अँड्रॉइड स्मार्टफोन्सपर्यंत पुढील आठवडा भारतातील स्मार्टफोन प्रेमींसाठी खास असणार आहे. अशा परिस्थितीत, जर तुम्ही नवीन फोन खरेदी करण्याचा विचार करत असाल तर हे आगामी स्मार्टफोन तुमच्यासाठी बेस्ट डील घेऊन येऊ शकतात. कारण फर्स्ट सेलमध्ये कंपनी त्यांच्य स्मार्टफोनवर धमाकेदार डिस्काऊंट ऑफर करते, त्यामुळे यावेळी स्मार्टफोनची खरेदी करणं तुमच्यासाठी फायद्याचं ठरू शकतं. चला तर मग या आठवड्यात कोणते स्मार्टफोन्स लाँच केले जाणार आहेत, त्यावर एक नजर टाकूया. (फोटो सौजन्य – Pinterest)
Vivo V50: हा Vivo फोन 17 फेब्रुवारी रोजी लाँच होत आहे, ज्यामध्ये उत्तम वैशिष्ट्ये असतील. या आगामी फोनमध्ये 120 हर्ट्झ रिफ्रेश रेटसह 6.7 इंचाचा AMOLED डिस्प्ले असेल. ज्यामध्ये स्नॅपड्रॅगन 7 जनरल 3 प्रोसेसर आणि 12 जीबी रॅम उपलब्ध असेल, जे उत्कृष्ट कामगिरी देईल. याशिवाय, या स्मार्टफोनमध्ये 50 एमपी प्रायमरी कॅमेरा आणि 50 एमपी अल्ट्रा-वाइड लेन्ससह आयओएस सपोर्ट उपलब्ध असेल, ज्यामुळे फोटोग्राफीचा अनुभव आणखी चांगला होईल. या डिव्हाइसला पॉवर देण्यासाठी, त्यात 6000mAh बॅटरी दिली जाऊ शकते.
Realme P3x आणि Realme P3 Pro: Realme चा हा फोन 18 फेब्रुवारी रोजी लाँच होणार आहे आणि हे स्मार्टफोन गेमिंग आणि परफॉर्मन्स प्रेमींसाठी उत्तम पर्याय असतील. प्रो मॉडेलमध्ये Snapdragon 7s Gen 3 प्रोसेसर आणि GT Boost गेमिंग टेक्नोलॉजी आहे, जे गेमिंग अनुभवाला पुढील स्तरावर घेऊन जाईल.
तसेच एयरोस्पेस ग्रेड VC कूलिंग सिस्टम आणि 6000mAh बॅटरी दीर्घ बॅटरी लाइफ सुनिश्चित करेल आणि स्मार्टफोनचं ओवरहीटिंगपासून संरक्षण करेल. दोन्ही फोन IP68 रेटिंगसह येतील आणि धूळ आणि पाणी प्रतिरोधक देखील असतील, त्यामुळे ते कोणत्याही हवामानात वापरता येतील.
या दिवशी लाँच होणार Apple चा नवीन फॅमिली मेंबर, टिम कुक ने जारी केली टीझर! युजर्सची उत्सुकता शिगेला…
iPhone SE 4: iPhone SE 4 देखील 19 फेब्रुवारी रोजी लाँच होऊ शकतो आणि हा स्मार्टफोन त्याच्या आधुनिक लूक आणि प्रगत वैशिष्ट्यांसह धमाल करण्यास सज्ज आहे. यात A18 चिपसेट, 48MP कॅमेरा, फेसआयडी आणि फुल-स्क्रीन डिझाइन असेल, ज्यामुळे ते खूप शक्तिशाली होईल. यूएसबी-सी पोर्ट आणि अ‍ॅपल इंटेलिजेंस सपोर्टसह, हा फोन कमी किमतीत उपलब्ध होईल, जो अँड्रॉइडच्या प्रीमियम सेगमेंटशी स्पर्धा करण्यास सक्षम असेल. हा कंपनीचा स्वस्त आयफोन असणार आहे.
