काका… काका आहेत का? कावळा बोलतोय मधुर वाणी, बोलणारा कावळा कधी पाहिला आहे का? मजेदार Video Viral

Talking Crow Video: माणसांप्रमाणे बोलणाऱ्या कावळ्याचा व्हिडिओ सध्या सोशल मीडियावर धुमाकूळ घालत आहे. व्हिडिओमध्ये एक काका कावळा चक्क काका, काका अशी हाक मारताना दिसून आला.

(फोटो सौजन्य – Instagram)

Follow Us:

Follow Us:

सोशल मीडियावर नेहमीच अनेक वेगवेगळ्या प्रकारचे व्हिडीओज व्हायरल होत असतात. हे व्हिडिओ बऱ्याचदा आपला थक्क करतात, काही व्हिडिओ खळखळून हसवतात तर काही आश्चर्याचदा धक्का देऊन जातात. आताही इथे असाच एक व्हिडिओ व्हायरल झाला आहे ज्यातील दृश्ये तुम्हाला अचंबित करतील. प्राण्यांसंबंधीचे अनेक व्हिडिओ सोशल मीडियावर शेअर होत असतात. नुकताच इथे एका कावळ्याचा व्हिडिओ व्हायरल झाला आहे ज्यात कावळा चक्क माणसांप्रमाणे बोलताना दिसून आला.

मालकाने चक्क आपल्या हत्तीचा साजरा केला वाढदिवस! फळांपासून बनवला केक, गजराजने फुक मारत विझवली कँडल; Video Viral

तुम्ही आजवर पोपटाला माणसांप्रमाणे बोलताना पाहिले असेल मात्र तुम्ही कधी कोणत्या कावळ्याला बोलताना पाहिले आहे का? तुम्हाला जाणून आश्चर्य वाटेल पण पालघर जिल्ह्यातील एका गावात माणसांप्रमाणे बोलणारा एक कावळा आढळून आला आहे. या बोलक्या कावळ्याचा व्हिडीओ सोशल मीडियावर मोठ्या प्रमाणात व्हायरल होत आहे. या गावातील मंगल्या मुकणे यांच्या घरात हा कावळा राहतो. तीन वर्षांपूर्वी त्यांना हा कावळा सापडला, तेव्हा तो काही दिवसांचा होता.

काय आहे व्हिडिओत?

व्हायरल व्हिडिओमध्ये तुम्ही पाहू शकता, यात एका घरातील दृश्य दिसून येते. इथे एक कावळा बाकड्यावर बसून काका, काका अशी हाक मारत होता. हाक देऊनही जेव्हा कोणी उत्तर देत नाही तेव्हा तो काका आहेत का? असा प्रश्न विचारू लागतो. त्याची ही बोली ऐकून सर्वच थक्क झाले आणि वेगाने हा व्हिडिओ शेअर करू लागले. बोलणारा कावळा आता सोशल मीडियावर चर्चेचा विषय बनला आहे. हा कावळा हुबेहूब माणसांप्रमाणे बोलतो जे पाहून तुम्हालाही आश्चर्याचा धक्का बसेल.

 

View this post on Instagram

 

A post shared by Sanjay Landge (@sanjay.landge.71)

नोएडातील गर्ल्स हॉस्टेलला लागली आग, तरुणींनी चक्क दुसऱ्या मजल्यावरून मारली उडी; थरारक घटनेचा Video Viral 

बोलणाऱ्या कावळ्याचा हा व्हिडिओ @sanjay.landge.71 नावाच्या इंस्टाग्राम अकाऊंटवरून शेअर करण्यात आला आहे. व्हिडिओच्या कॅप्शनमध्ये, ‘काका तुमच्या घरात ड्रम आहे बर का जरा जपून’ असे लिहिले आहे. व्हिडिओला आतापर्यंत लाखो युजर्सने पाहिले असून अनेकांनी यावर कमेंट्स करत आपल्या प्रतिक्रिया व्यक्त केल्या आहेत. एका युजरने लिहिले आहे, “काका घाबरून बसलाय, आता काय येत नाय बाहेर” तर दुसऱ्या युजरने लिहिले आहे, “खूप छान अतिशय दुर्लभ प्रकार नशीबवान आहात आपण तुम्ही”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत योग्य नाही वा आमचा कोणताही दावा नाही.

Web Title: Crow started talking like a human netizens shocked video goes viral on social media viral news in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com