शनिवार, 17 ऑक्टोबर 2026
बाबा वांगाचे भाकीत खरं ठरणार का (फोटो सौजन्य - इन्स्टाग्राम)
ट्रम्प यांनी अलीकडेच अनेक देशांशी व्यापार करार केले, परंतु सरासरी सुमारे २० टक्के कर देखील लादला. त्याच वेळी, त्यांनी ब्राझील आणि भारतासाठी थेट ५० टक्के कर दर निश्चित केला, ज्यामुळे जागतिक बाजारपेठेत घबराट निर्माण झाली. दरम्यान भारताने याला विरोध दर्शवला आहे आणि सध्या अमेरिका आणि भारत यांच्यामध्ये यामुळे तणाव निर्माण झाला आहे (फोटो सौजन्य – Instagram)
ट्रम्प यांचा भारतावर मोठा हल्ला
स्वतःला भारताचा ‘मित्र’ म्हणवून घेणारे ट्रम्प असे असले तरीही ट्रम्प यांनी आता भारताच्या बाबतीत कठोर भूमिका स्वीकारली आहे. त्यांनी केवळ ५० टक्के कर लादण्याची घोषणा केली नाही तर रशियाकडून तेल खरेदी करण्यावर दंड आकारण्याची धमकीही दिली आहे. या हालचालीचा भारताच्या ऊर्जा पुरवठा आणि निर्यात-आयात संतुलनावर मोठा परिणाम होऊ शकतो.
ब्रिक्स देशांवरही ट्रम्पचे मोठे विधान
ट्रम्प यांचे तीक्ष्ण विधान ब्रिक्स देशांवरही करण्यात आले आहे. त्यांनी या देशांच्या आर्थिक धोरणांवर आणि व्यावसायिक क्रियाकलापांवर वारंवार प्रश्नचिन्ह उपस्थित केले आहे. अशा वृत्तीमुळे जागतिक व्यापार वातावरण अधिक तणावपूर्ण होऊ शकते असे तज्ज्ञांचे मत आहे.
यामुळे बाजारपेठेत गोंधळ आणि अनिश्चितता निर्माण झाली आहे आणि या उचललेल्या पावलांनंतर, आंतरराष्ट्रीय शेअर बाजारात गोंधळ दिसून येत आहे. गुंतवणूकदार सावध झाले आहेत आणि अनेक देशांच्या चलनांवर दबाव आहे. विश्लेषकांचे म्हणणे आहे की जर हा संघर्ष असाच पुढे गेला तर तो जगाला २०२६ मध्ये संभाव्य आर्थिक संकटाकडे ढकलू शकतो, ज्याबद्दल बाबा वांगा यांनी आधीच इशारा दिला होता.
भाकितं खरी ठरतील का?
बाबा वांगा यांच्या अनेक भाकिते यापूर्वीही चर्चांमध्ये आली होती. आता ट्रम्पच्या टॅरिफ वॉर दरम्यान आर्थिक संकटाची त्यांची भाकिते किती प्रमाणात खरी ठरते हे पाहणे बाकी आहे. दरम्यान यासाठी पुढील वर्ष उजाडणार असलं तरीही त्याचा पाया रचायला मात्र यावर्षीच सुरूवात झाली असल्याचे गेले १-२ महिने दिसून येत आहे. दरम्यान ट्रम्पच्या या निर्णयाला नक्की कोण थांबवणार हे आता बघावे लागेल.
