इराण-इस्रायल संघर्षात हुकूमशाहाची उडी! उत्तर कोरियाची तिखट प्रतिक्रिया, डोनाल्ड ट्रम्प यांचा संयम संपला

Iran-israel Conflict : मध्य पूर्वेतील इराण-इस्रायल संघर्षाने आता आंतरराष्ट्रीय स्वरूप धारण केले आहे. या संघर्षात उत्तर कोरियाने उडी घेतली असून, इस्रायली हल्ल्यांचा निषेध करत अमेरिकेवरही थेट आरोप केले आहेत.

इराण-इस्रायल संघर्षात हुकूमशाहाची उडी! उत्तर कोरियाची तिखट प्रतिक्रिया, डोनाल्ड ट्रम्प यांचा संयम संपला ( फोटो सौजन्य : सोशल मीडिया)

Follow Us:

Follow Us:

Iran-israel Conflct : मध्य पूर्वेतील इराण-इस्रायल संघर्षाने आता आंतरराष्ट्रीय स्वरूप धारण केले आहे. या संघर्षात उत्तर कोरियाने उडी घेतली असून, इस्रायली हल्ल्यांचा निषेध करत अमेरिकेवरही थेट आरोप केले आहेत. उत्तर कोरियाच्या परराष्ट्र मंत्रालयाने जारी केलेल्या निवेदनात म्हटले आहे की, “इराणवरील हल्ले हे मानवतेविरुद्धचे अक्षम्य गुन्हे आहेत आणि संपूर्ण प्रदेशाला विनाशाच्या मार्गावर ढकलत आहेत.”

उत्तर कोरियाची तिखट प्रतिक्रिया

उत्तर कोरियाचे सर्वोच्च नेता किम जोंग उन यांच्या सरकारने इस्रायलने इराणच्या नागरी, अणु आणि ऊर्जा केंद्रांवर केलेल्या हल्ल्यांचा तीव्र शब्दांत निषेध केला आहे. प्योंगयांगने इस्रायलवर “राज्य-प्रायोजित दहशतवाद” करण्याचा आरोप करताना, अमेरिका आणि युरोपीय देशांनाही या गुन्ह्यात भागीदार ठरवले आहे.

“हे देश इराणसारख्या संप्रभु राष्ट्राचा स्वसंरक्षणाचा अधिकार नाकारत आहेत. ते मध्यपूर्वेतील शांततेसाठी कर्करोग ठरत आहेत,” असे उत्तर कोरियाच्या परराष्ट्र मंत्रालयाच्या प्रवक्त्याने म्हटले आहे. उत्तर कोरियाचे हे वक्तव्य केवळ इस्रायल नव्हे तर अमेरिका आणि पश्चिमी जगाला उद्देशून असल्याचे स्पष्ट आहे. हे वक्तव्य इराणला स्पष्ट पाठिंबा दर्शवणारे असून, आंतरराष्ट्रीय स्तरावर नव्या ध्रुवीकरणाचा संकेत देणारे आहे.

जागतिक घडामोडी संबंधित बातम्या वाचण्यासाठी येथे क्लिक करा : ‘हे’ आहेत जगातील टॉप 5 सर्वात घातक ड्रोन; 50 हजार फूट उंचीवरून शत्रूला करतात नेस्तनाबूत

ट्रम्प यांचा इशारा आणि जागतिक चिंता

दरम्यान, अमेरिकेचे अध्यक्ष डोनाल्ड ट्रम्प यांनी अलीकडेच इराणविषयी तिखट प्रतिक्रिया दिली आहे. त्यांनी म्हटले की, “इराणबाबतचा माझा संयम आता संपला आहे. आम्ही कधीच माफ करणार नाही.” या विधानामुळे आधीच तणावपूर्ण वातावरण असलेल्या मध्यपूर्वेतील परिस्थिती अधिक स्फोटक झाली आहे. वॉल स्ट्रीट जर्नलच्या अहवालानुसार, ट्रम्प यांनी त्यांच्या सल्लागारांना सांगितले की, त्यांनी इराणवर लष्करी कारवाई करण्याच्या योजनेला सुरुवातीची मान्यता दिली होती. मात्र, इराणने अणुकार्यक्रम थांबवला नाही तरच ही योजना पुढे नेली जाईल, अशी अट ठेवण्यात आली होती.

आंतरराष्ट्रीय समुदायाची चिंता वाढली

इराण आणि इस्रायलमधील हा संघर्ष आता केवळ दोन देशांपुरता मर्यादित न राहता, मोठ्या प्रमाणावर आंतरराष्ट्रीय प्रभाव पाडू शकतो. विशेषतः उत्तर कोरिया सारखा बंदिस्त देश जर उघडपणे सहभागी होऊ लागला, तर जागतिक अस्थिरता अधिक तीव्र होण्याची शक्यता आहे. याशिवाय, रशिया आणि चीनसारख्या देशांची भूमिकाही या संघर्षात महत्त्वाची ठरू शकते. किम जोंग उन यांचा हा उग्र विरोध इराणसाठी राजनैतिक बळ देतो, पण जागतिक शांतता आणि आण्विक युद्धाच्या शक्यतेकडेही इशारा करतो.

जागतिक घडामोडी संबंधित बातम्या वाचण्यासाठी येथे क्लिक करा : युद्धाचा नवा टप्पा सुरू! इराणचा इस्रायलवर बॅलिस्टिक हल्ला; बेअरशेबातील मायक्रोसॉफ्ट ऑफिसजवळ स्फोट

 संघर्षाच्या छायेत जागतिक तणाव

इराण-इस्रायल संघर्ष आता केवळ प्रादेशिक नाही, तर जागतिक चिंता बनू लागला आहे. उत्तर कोरियाचा निषेध, ट्रम्प यांचा इशारा आणि इराणच्या अणुकार्यक्रमाबाबतच्या चर्चा हे सर्व घटक एका मोठ्या धोक्याची चाहूल देत आहेत. या पार्श्वभूमीवर, जागतिक नेत्यांनी संयम बाळगून शांततेच्या दिशेने प्रयत्न करण्याची गरज आहे. अन्यथा, यामुळे संपूर्ण मानवजातीला भोगावे लागणारे परिणाम उग्र स्वरूप घेऊ शकतात.

Web Title: Dictator joins iran israel clash n korea slams trump netanyahu warn

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com