Sheikh Mehra: घटस्फोटानंतर राजकुमारीचा धमाका! दुबईच्या शहजादीने रॅपरसोबत केला साखरपुडा

दुबईची राजकुमारी शेखा महरा पुन्हा चर्चेत! पतीला घटस्फोट दिल्यानंतर तिने प्रसिद्ध रॅपर फ्रेंच मोंटानासोबत साखरपुडा केला आहे. जाणून घ्या तिच्या घटस्फोटाबद्दल आणि नवीन नात्याबद्दल सर्वकाही.

Photo Credit- X

Follow Us:

Follow Us:

Dubai Princess Sheikha Mahra Engaged: संयुक्त अरब अमिरातीचे पंतप्रधान आणि दुबईचे शासक शेख मोहम्मद बिन राशिद अल मकतूम यांची मुलगी शेखा महरा (Sheikh Mehra) पुन्हा एकदा चर्चेत आहे. शेखा महराने प्रसिद्ध मोरोक्कन-अमेरिकन रॅपर फ्रेंच मोंटानासोबत साखरपुडा केल्याची बातमी आहे. मिळालेल्या माहितीनुसार, या जोडप्याने याच वर्षी जूनमध्ये पॅरिस फॅशन वीकदरम्यान आपल्या नात्याला अधिकृत स्वरूप दिले. या वर्षाच्या सुरुवातीला त्यांचे प्रेमप्रकरण पहिल्यांदा सार्वजनिक झाले होते, जेव्हा हे जोडपे पॅरिसमधील एका फॅशन कार्यक्रमात हातात हात घालून दिसले होते.

इंस्टाग्रामवर पतीला दिला होता घटस्फोट

शेखा महराने गेल्या वर्षी एका इंस्टाग्राम पोस्टद्वारे तिचा पती मोहम्मद बिन राशिद बिन माना अल मकतूमला घटस्फोट दिला होता. मे 2023 मध्ये दोघांनी लग्न केले होते आणि त्यांना एक मुलगीही आहे. शेखा महराने इन्स्टाग्राम पोस्टद्वारे घटस्फोटाची घोषणा केल्याने बरीच चर्चा झाली होती. तिने तिच्या माजी पतीवर धोका केल्याचा आरोप केला होता.

 

View this post on Instagram

 

A post shared by ज़िन्दगी गुलज़ार है ! (@zindagi.gulzar.h)

काय आहे UAE चा गोल्डन व्हिसा? कोण आणि कसे करु शकतात अर्ज? जाणून घ्या सर्वकाही 

‘डिवोर्स’ नावाने परफ्यूम ब्रँड लॉन्च

दुबईच्या राजकुमारीने इंस्टाग्राम पोस्टमध्ये लिहिले होते, “प्रिय पती, तुम्ही तुमच्या इतर साथीदारांमध्ये व्यस्त असल्यामुळे, मी माझ्या घटस्फोटाची घोषणा करते. मी तुम्हाला घटस्फोट देते, तुमची काळजी घ्या. तुमची माजी पत्नी.” घटस्फोटानंतर तिने ‘महारा एम1’ या ब्रँड अंतर्गत ‘डिवोर्स‘ (Divorce) नावाची परफ्यूम लाइनही लॉन्च केली.

गेल्या वर्षी झाली होती रॅपरसोबत भेट

31 वर्षीय महरा आणि 40 वर्षीय रॅपरची भेट 2024 च्या शेवटी झाली होती, जेव्हा राजकुमारीने मोंटानाला दुबईची सफर घडवली होती. तिने याचे फोटोही शेअर केले होते. त्यानंतर ते दुबई आणि मोरोक्कोमध्ये अनेकदा एकत्र दिसले आहेत. ते महागड्या रेस्टॉरंटमध्ये जेवतात, मशिदींना भेट देतात आणि पॅरिसमधील पॉन्ट डेस आर्ट्स ब्रिजवर एकत्र फिरतात.

Web Title: Dubai princess sheikha mahra engaged to rapper french montana

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com