हमासने स्वीकारला गाझा युद्धबंदी आणि ओलिसींवर मसुदा करार; इस्त्रायल अजूनही विचारात

Israel-Hamas Ceasefire: इस्रायल-हमास संघर्षावर महत्त्वपूर्ण पाऊल उचलले गेले आहे. हमासने संघर्षविराम आणि ओलिसींच्या मुद्द्यावर तयार केलेला मसुदा मान्य केला असून इस्त्रायल अद्याप कोणताही निर्णय घेतला नाही.

हमासने स्वीकारला गाझा युद्धबंदी आणि ओलिसींवर मसुदा करार; इस्त्रायल अजूनही विचारात(फोटो सौजन्य: सोशल मीडिया)

Follow Us:

Follow Us:

जेरुसेलम: गाझामध्ये सुरू असलेल्या इस्रायल-हमास संघर्षावर तोडगा काढण्यासाठी महत्त्वपूर्ण पाऊले उचलण्यात आली आहेत. मिळालेल्या माहितीनुसार, हमासने संघर्षविराम आणि ओलिसींच्या मुद्द्यावर तयार केलेला मसुदा मान्य केला आहे. मात्र, इस्रायलकडून अद्याप या मसुद्याचा विचार सुरू असून अंतिम निर्णय झालेला नाही. या संदर्भात माहिती देत असताना अधिकाऱ्यांनी सांगितले की, या चर्चेत प्रगती झाली आहे आणि येणारे काही दिवस गेल्या 15 महिन्यांपासून सुरू असलेल्या या युद्धाला थांबवण्यासाठी निर्णायक ठरतील.

अमेरिका आणि कतरची मध्यस्थी

अधिकाऱ्यांनी दिलेल्या माहितीनुसार, अलीकडेच चर्चा झाली असून संघर्षविरामाचा प्रस्तावित मसुदा तयार करण्यात आला आहे. हा मसुदा आता हमास आणि इस्रायलच्या नेत्यांकडे अंतिम मंजुरीसाठी पाठवण्यात आला आहे. मध्यस्थ म्हणून कतरने हमासवर दबाव टाकत त्यांना हा मसुदा मान्य करण्यासाठी राजी केले आहे. त्याचबरोबर, अमेरिकेचे नवनिर्वाचित अध्यक्ष डोनाल्ड ट्रम्प यांचे दूत स्टीव्ह विटकॉफ यांनी इस्रायलला चर्चेसाठी तयार होण्यासाठी प्रोत्साहन दिले आहे. विटकॉफ सध्या चर्चेचा भाग आहेत आणि या भागात सक्रियपणे कार्यरत आहेत.

जागतिक घडामोडी संबंधित बातम्या- ‘आम्ही तुम्हाला चिरडून टाकू’; पाक लष्करप्रमुख जनरल मुनीर यांची TTP ला उघड धमकी

करार होण्यास काही दिवसांचा कालावधी

मिस्रच्या एका अधिकाऱ्याने सांगितले की, चर्चा योग्य पद्धतीने प्रगती झाली आहे, परंतु अंतिम करार होण्यासाठी काही दिवसांचा कालावधी लागू शकतो. तसेच, दोन्ही पक्षांचा प्रयत्न 20 जानेवारीपूर्वी हा करार अंतिम करण्याचा आहे, कारण त्या दिवशी डोनाल्ड ट्रम्प अधिकृतपणे अमेरिकेच्या राष्ट्रपती पदाची शपथ घेणार आहेत. गेल्या 15 महिन्यांपासून चाललेल्या इस्रायल-हमास युद्धामुळे पश्चिम आशिया क्षेत्र प्रचंड अस्थिर झाले आहे. या युद्धामुळे मोठ्या प्रमाणावर जीवितहानी आणि वित्तहानी झाली आहे. संघर्षविरामाचा मसुदा मंजूर झाल्यास, हा या प्रदेशातील शांततेसाठी मोठे पाऊल ठरेल.

आंतरराष्ट्रीय दबावाचा परिणाम

या संघर्षाला थांबवण्यासाठी कतरसह अनेक आंतरराष्ट्रीय शक्ती सक्रिय भूमिका घेत आहेत. विशेषतः अमेरिकेने या प्रक्रियेत महत्त्वाची भूमिका बजावली आहे. जर हा मसुदा मान्य झाला, तर इस्रायल-हमास संघर्षावर सकारात्मक परिणाम होऊ शकतो आणि या क्षेत्रात स्थिरता येण्याची शक्यता आहे. मात्र, अद्याप या चर्चेचा अंतिम निर्णय होणे बाकी आहे आणि पुढील काही दिवस निर्णायक ठरणार आहेत.

जागतिक घडामोडी संबंधित बातम्या- यंदा हज यात्रेला किती भारतीय भाविकांना मिळणार लाभ? सौदीसोबतच्या करारत ठरला आकडा

Web Title: Hamas accepts draft agreement on gaza ceasefire and hostages

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com