भारत- बांगलादेशमध्ये होणार बोलणी; एकीकडे युनूस सरकारने रोहिंग्यांचा प्रवेश रोखला, तर दुसरीकडे सीमेवर कुंपणाची समस्या

बांगलादेशने म्यानमार सीमेवर कडक बंदोबस्त ठेवला आहे. यानंतर रोहिंग्यांना बांगलादेशात आश्रय घेता येणार नाही. सत्तापालटानंतर बांगलादेशातील परिस्थिती सामान्य नाही.

भारत- बांगलादेशमध्ये होणार बोलणी; एकीकडे युनूस सरकारने रोहिंग्यांचा प्रवेश रोखला, तर दुसरीकडे सीमेवर कुंपणाची समस्या ( फोटो सौजन्य : सोशल मीडिया)

Follow Us:

Follow Us:

ढाका : सत्तापालटानंतर बांगलादेशातील परिस्थिती सामान्य नाही. बांगलादेशचे युनूस सरकारही सतत वादात सापडले आहे. एकीकडे बांगलादेश सरकार भारताकडून सीमेवर कुंपण घालण्यास विरोध करत असताना दुसरीकडे म्यानमारसोबतची बांगलादेश सीमा बंद करण्यात व्यस्त आहे. बांगलादेशने म्यानमार सीमेवर कडक बंदोबस्त ठेवला आहे. यानंतर रोहिंग्यांना बांगलादेशात आश्रय घेता येणार नाही. सत्तापालटानंतर बांगलादेशातील परिस्थिती सामान्य नाही. बांगलादेशातील सत्तापालटानंतर बांगलादेश सीमेवरून भारतात अवैध घुसखोरीच्या घटनांमध्ये सातत्याने वाढ होत आहे. ही घुसखोरी रोखण्यासाठी भारत सरकारकडून सीमेवर कुंपण घालण्याचे काम सुरू करण्यात आले.

बांगलादेश रोहिंग्यांना अटक करून परत पाठवत आहे

बांगलादेश सरकारने सीमेवर कुंपण घालण्याबाबत कठोर वृत्ती दाखवली होती. याप्रकरणी त्यांनी भारतीय राजदूताला बोलावून आपली चिंता व्यक्त केली होती. बांगलादेशने हे 1975 च्या सीमा कराराचे उल्लंघन असल्याचे म्हटले होते. त्याचवेळी बांगलादेश आपल्या देशात येणाऱ्या रोहिंग्यांना अटक करत आहे. बॉर्डर गार्ड बांगलादेशने (बीजीबी) 5 जानेवारीला सुमारे 36 रोहिंग्यांना अटक करून म्यानमारला परत पाठवले होते.

याशिवाय 11 जानेवारी रोजी किमान 58 रोहिंग्या शरणार्थी म्यानमार सीमा ओलांडण्याचा प्रयत्न करत असताना पकडले गेले. रोहिंग्या अनेक दिवसांपासून बांगलादेशात आश्रय घेत आहेत. बांगलादेशात सध्या सुमारे 10 लाख रोहिंग्या आहेत. म्यानमारमधून सीमा ओलांडून येणाऱ्या रोहिंग्यांना रोखण्यासाठी युनूस सरकार सातत्याने कठोर पावले उचलत आहे.

जागतिक घडामोडी संबंधित बातम्या वाचण्यासाठी येथे क्लिक करा : ‘या’ मुस्लिम देशाला मिळाला अब्जावधी डॉलर्सचा खजिना; जमिनीखाली सापडले निळ्या सोन्याचे साठे

सीमेवरील कुंपण मुद्द्यावर बोलण्यासाठी बीजीबी प्रमुख भारतात येत आहेत

बांगलादेशचे बॉर्डर गार्ड फोर्सचे प्रमुख फेब्रुवारी महिन्यात भारतीय अधिकाऱ्यांसोबत बैठक घेऊ शकतात. बांगलादेशातील सत्तापालटानंतरची ही पहिलीच बैठक असेल. यामध्ये सीमेवर कुंपण घालणे आणि सीमेपलीकडील गुन्ह्यांना सामोरे जाणे या प्रमुख मुद्द्यांवर चर्चा होऊ शकते. बॉर्डर गार्ड बांगलादेश (BJB) चे महासंचालक मेजर जनरल मोहम्मद अशरफझमान सिद्दीकी आणि सीमा सुरक्षा दल (BSF) प्रमुख दलजित सिंग चौधरी यांच्यात 16-19 फेब्रुवारी दरम्यान बैठक होण्याची शक्यता आहे.

जागतिक घडामोडी संबंधित बातम्या वाचण्यासाठी येथे क्लिक करा : किती वेळात बनवता येतो अणुबॉम्ब? फक्त ‘या’ पाच देशांना माहित आहे योग्य प्रक्रिया

रोहिंग्यांच्या अडचणी वाढल्या

म्यानमार सीमेवर वाढत्या कडकपणामुळे रोहिंग्यांच्या अडचणी वाढत आहेत. ‘द गार्डियन’शी बोलताना एका रोहिंग्या नागरिकाने सांगितले की, “आम्हाला जगण्यासाठीही संघर्ष करावा लागत आहे. आम्हाला अन्न मिळत नाही. आम्हाला पिण्यासाठी शुद्ध पाणी मिळत नाही. दररोज आम्हाला आमच्या जगण्यासाठी संघर्ष करावा लागतो. आम्ही सर्व आशा गमावल्या आहेत. बांगलादेशात आपल्या लोकांचे काय होत आहे.

Web Title: India bangladesh talks in 3 weeks yunus government blocks rohingya entry while border fence issue persists nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com