सीरियामध्ये अमेरिकन सैन्याने केला हवाई हल्ला; अल कायदाशी संबंधित दहशतवादी गटाचा वरिष्ठ कमांडर ठार

अमेरिकेच्या सेंट्रल कमांडने वायव्य सीरियामध्ये केलेल्या अचूक हवाई हल्ल्यात अल-कायदाशी संबंधित दहशतवादी संघटनेच्या एका वरिष्ठ अधिकाऱ्याला ठार मारले.

सीरियामध्ये अमेरिकन सैन्याने केला हवाई हल्ला; अल कायदाशी संबंधित दहशतवादी गटाचा वरिष्ठ कमांडर ठार ( फोटो सौजन्य : सोशल मीडिया)

Follow Us:

Follow Us:

दमास्कस : अमेरिकेच्या सेंट्रल कमांडने वायव्य सीरियामध्ये केलेल्या अचूक हवाई हल्ल्यात अल-कायदाशी संबंधित दहशतवादी संघटनेच्या एका वरिष्ठ अधिकाऱ्याला ठार मारले. या अधिकाऱ्याकडे वित्त आणि रसद खात्याची महत्त्वाची जबाबदारी होती. हा हल्ला या प्रदेशातील दहशतवादाला उध्वस्त करण्यासाठी अमेरिकन सैन्याच्या सुरू असलेल्या प्रयत्नांचा एक भाग होता.

अमेरिकन सैन्याने सीरियामध्ये केलेल्या हवाई हल्ल्यात अल-कायदाशी संबंधित दहशतवादी गटाच्या एका वरिष्ठ कमांडरला ठार मारले आहे. अमेरिकेच्या सेंट्रल कमांडने रविवारी सांगितले की, शनिवारी वायव्य सीरियामध्ये झालेल्या हवाई हल्ल्यात अल-कायदाशी संबंधित दहशतवादी गट हुर्र-अल-दीनचा एक वरिष्ठ अधिकारी ठार झाला. अमेरिकन सैन्याने सांगितले की, हा दहशतवादी गटातील एक वरिष्ठ वित्त आणि रसद अधिकारी होता.

हा हल्ला या प्रदेशातील दहशतवादाला उध्वस्त करण्यासाठी अमेरिकन सैन्याच्या सुरू असलेल्या प्रयत्नांचा एक भाग होता. सेंट्रल कमांडने म्हटले आहे की, हा हवाई हल्ला अमेरिकेच्या नागरिक आणि लष्करी कर्मचाऱ्यांवर, आमच्या सहयोगी देशांवर आणि संपूर्ण प्रदेशात आणि त्यापलीकडे असलेल्या आमच्या भागीदारांवर हल्ल्यांचे नियोजन, आयोजन आणि आचरण करण्याच्या दहशतवाद्यांच्या प्रयत्नांना अडथळा आणण्याच्या आणि त्यांना निष्प्रभ करण्याच्या चालू वचनबद्धतेचा एक भाग होता.

जागतिक घडामोडी संबंधित बातम्या वाचण्यासाठी येथे क्लिक करा : बांग्लादेशात होणार मोठी राजकीय उलाढाल? युनूस सरकारचे अस्तित्व धोक्यात

अमेरिका दहशतवाद्यांचा पाठलाग करेल

“आम्ही आमच्या मातृभूमीचे आणि अमेरिकेचे, मित्र राष्ट्रांचे आणि या प्रदेशातील भागीदार कर्मचाऱ्यांचे रक्षण करण्यासाठी दहशतवाद्यांचा अथक पाठलाग करत राहू,” असे सेंट्रल कमांडचे कमांडर जनरल मायकेल कुरिला म्हणाले. इराकमधील रावा परिसरात इराकी सुरक्षा दलांनी केलेल्या हवाई हल्ल्यात पाच आयसिस दहशतवादी ठार झाल्यानंतर तीन दिवसांनी अमेरिकेचा हा हल्ला झाला आहे.

जागतिक घडामोडी संबंधित बातम्या वाचण्यासाठी येथे क्लिक करा : बांगलादेशला भारतासोबत ‘असा’ घ्यायचा होता बदला; दिल्ली अजूनही धोक्यात

अमेरिकन सैन्याने हल्ले वाढवले

अलिकडच्या काळात, अमेरिकन सैन्याने सीरियातील दहशतवादी अड्ड्यांवर अनेक हल्ले केले आहेत. याआधी ३० जानेवारी रोजी अमेरिकन सैन्याने वायव्य सीरियामध्ये हवाई हल्ला केला होता, ज्यामध्ये अल-कायदाशी संबंधित दहशतवादी गट हुर अल-दीनचा वरिष्ठ कमांडर मुहम्मद सलाह अल-जबीर ठार झाला होता.

Web Title: Us airstrike in syria eliminates senior commander of al qaeda linked terrorist group nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com