फोटो सौजन्य: iStock
कार खरेदी करणे हे कोणत्याही व्यक्तीचे एक मोठे स्वप्न असते. हेच स्वप्न साकार करण्यासाठी अनेक जण दिवरात्र कष्ट करत असतात. मात्र, कार खरेदी केल्यानंतर तिच्याकडे योग्यप्रकारे लक्ष दिले नाही. तर, मात्र नवीन कार काही वेळातच जुनी होऊन जाते. कार चालण्यासाठी टायरची स्थिती योग्य असणे खूप महत्वाची आहे.
चांगल्या कार ड्रायव्हिंगसाठी, सर्वात महत्वाची गोष्ट असते ती टायर्सची स्थिती योग्य असणे. बरेचदा लोक टायर्स पंक्चर झाल्यावर किंवा त्यात कमी हवा असतानाच तपासतात. त्याऐवजी, तुम्ही नेहमी टायर्सची स्थिती तपासली पाहिजे.
Tata Nexon की Hyundai Venue, कोणती SUV ठरेल तुमच्यासाठी एकदम परफेक्ट
जेव्हा टायर्सची स्थिती योग्य असेल तेव्हाच तर कार चांगला परफॉर्मन्स देईल. टायरची सर्वात महत्वाची गोष्ट म्हणजे त्याची ट्रेड डेप्थ म्हणजेच टायर्सवर बनवलेले खोल खोबणी. यामुळे कारला रस्त्यावर चांगली पकड राखण्यास मदत होते, विशेषतः जेव्हा रस्ता ओला किंवा निसरडा असेल. आज आपण जाणून घेऊयात की तुम्ही टायरची ट्रेड डेप्थ कशी सहजपणे तपासू शकता. यासाठी एक अतिशय सोपा आणि प्रभावी मार्ग म्हणजे तुमच्या खिशातील एक रुपयाचे नाणे. चला याबद्दल अधिक माहिती जाणून घेऊयात.
टायरची स्थिती तपासण्याची अनेक सोप्या पद्धती आहेत. यातीलच एक म्हणजे 1 रुपयांच्या नाण्याने टायरची कंडिशन चेक करणे. यासाठी, सर्वप्रथम तुम्हाला तुमची कार सपाट पृष्ठभागावर पार्क करावी लागेल आणि त्याचे इंजिन बंद करावे लागेल. त्यानंतर, तुम्हाला टायरच्या कोणत्याही खोबणीत एक रुपयाचे नाणे सरळ ठेवावे लागेल. नाण्यावरील अशोक स्तंभाचे चिन्ह आत असले पाहिजे. आता अशोक स्तंभाचा सिंहाचा भाग किती दिसतो ते काळजीपूर्वक पहा. हे तुमच्या टायरचे लाइफ सांगेल.
टायरच्या खांबात एक रुपयाचे नाणे टाकल्यानंतर, जर अशोक स्तंभाचा सिंहाचा भाग छोट्याश्या फटीतून आत गेला आणि तुम्हाला तो पूर्णपणे दिसत नसेल, तर याचा अर्थ असा की तुमच्या टायरचा ट्रेड अजूनही खूप खोल आहे. अशा परिस्थितीत, तुमचे टायर चांगल्या स्थितीत आहेत.
जर अशोक स्तंभाचा सिंहाचा भाग बाहेर पूर्णपणे दिसत असेल आणि तो फटीच्या आत जात नसेल, तर हा धोक्याचा संकेत आहे. याचा अर्थ असा की तुमचे टायर खूप जीर्ण झाले आहेत. अशा टायरने कार चालवणे अत्यंत धोकादायक ठरू शकते. अशावेळी शक्य तितक्या लवकर टायर बदलणे महत्वाचे.
