रविवार, 8 नोव्हेंबर 2026
फोटो सौजन्य: iStock
आपली स्वतःची कार असावी असे प्रत्येक व्यक्तीचे स्वप्न असते. कालांतराने काही लोकं हे स्वप्न पूर्ण देखील करतात. आणि लगेच आपली हक्काची कार घेऊन लॉंग ड्राईव्हवर फिरायला सुद्धा जातात. त्यातही काही लोकांना खिडक्या उघड्या ठेवून कार चालवण्याची सवय देखील असते. यामुळे कारमध्ये हवा खेळती राहते आणि ड्रायव्हिंगचा अनुभव देखील वेगळ्या लेव्हलवर जाऊन पोहोचते.
तुम्ही अनेक लोकांना कारच्या खिडक्या उघड्या ठेवून गाडी चालवताना पाहिले असेल. खिडक्या उघड्या ठेवून कार चालवण्याचे मुख्य कारण म्हणजे एसी वापरावा लागत नाही आणि चांगले मायलेज देखील मिळते. खरंतर, कारमध्ये एसी वापरल्याने मायलेजवर परिणाम होतो, म्हणूनच लोक असे करतात. हे लक्षात घेऊन, आज आपण खिडक्या उघड्या ठेवून कार चालवल्याने मायलेज किती कमी होते? तसेच, खिडक्या उघड्या ठेवून गाडी चालवल्याने कोणते नुकसान होते त्याबद्दल जाणून घेणार आहोत.
Petrol Vs CNG: आजच्या काळात कोणती कार खरेदी करणे ठरेल बेस्ट डील? किमतीत असेल ‘इतका’ फरक
प्रत्येक कारचे डिझाइन आणि स्ट्रक्चर एरोडायनॅमिक्स लक्षात घेऊन तयार केले जाते. जेव्हा तुम्ही खिडक्या उघड्या ठेवून कार चालवता तेव्हा कारच्या एरोडायनॅमिक्सवर परिणाम होतो. यामुळे कारला अतिरिक्त हवेच्या प्रतिकाराचा सामना करावा लागतो. यामुळे इंजिनला जास्त पॉवरची आवश्यकता असते. याचा परिणाम केवळ कारच्या वेगावरच होत नाही तर तिच्या मायलेजवरही होतो.
सनरूफ असणाऱ्या कारची मार्केटमध्ये वेगळीच क्रेझ, खरेदी करण्यापूर्वी जाणून घ्या याचे फायदे आणि तोटे
जेव्हा तुम्ही उघड्या खिडक्या ठेवून कार चालवता तेव्हा एअर कंडिशनरला (एसी) जास्त काम करावे लागते. खिडकी उघडी असताना बाहेरून गरम हवा आत येते, ज्यामुळे एसीला हवा थंड करण्यासाठी जास्त काम करावे लागते. यामुळे एसीला फक्त जास्त काम करावे लागत नाही तर कारच्या इंजिनवर देखील अतिरिक्त दबाव येतो. त्यामुळे फ्युएल एफिशियंसीवर परिणाम होतो.
जेव्हा तुम्ही खिडक्या उघड्या ठेवून कार चालवता तेव्हा इंजिन आणि कारच्या इतर मेकॅनिकल पार्ट्सवर अतिरिक्त दबाव येतो. हवेचा प्रवाह वाढल्याने इंजिनला जास्त इंधन लागते, ज्यामुळे इतर पार्ट्सना जास्त काम करावे लागते. यामुळे कारच्या भागांवर जास्त घर्षण होऊ शकते व त्यांचे आयुष्य कमी होऊ शकते.
जेव्हा तुम्ही खिडक्या उघड्या ठेवून कार चालवता तेव्हा कारच्या हवेच्या प्रवाहावर परिणाम होतो. यामुळे, हवेचा प्रतिकार वाढतो, ज्यामुळे इंजिनला अधिक पॉवर जनरेट करावी लागते आणि अधिक पॉवर जनरेट करण्यासाठी, इंजिनला जास्त इंधन वापरावे लागते, ज्यामुळे मायलेजमध्ये घट होते. जर तुम्ही खिडक्या बंद करून कार चालवली तर हवेचा प्रवाह सुधारतो आणि कमी वीज वापरली जाते, ज्यामुळे मायलेज चांगले राहते.
