नवीन Harley-Davidson Street Bob भारतात लाँच, नव्या इंजिनसह मिळणार दमदार फीचर्स

भारतात Harley-Davidson अनेक वर्षांपासून हाय परफॉर्मन्स बाईक्स ऑफर करत आहे. नुकतेच कंपनीने देशात Harley-Davidson Street Bob लाँच केली आहे. चला याबद्दल अधिक माहिती जाणून घेऊयात.

नवीन Harley-Davidson Street Bob भारतात लाँच फोटो सौजन्य: @MoreMotorcycles (X.com)

Follow Us:

Follow Us:

भारतीय मार्केटमध्ये विविध दुचाकी उत्पादक कंपन्या दमदार बाईक ऑफर करीत आहे. भारतीय ग्राहक सुद्धा त्यांच्या आवशक्यतेनुसार विविध सेगमेंटच्या बाईक खरेदी करत असतात. खरंतर सर्वात जास्त मागणी बजेट फ्रेंडली बाईक्ससाठी असली तरी हाय परफॉर्मन्स बाईकसाठी भारतीयांच्या मनात एक वेगळेच कुतुहूल असते. अनेकांचे तर स्वप्न असते की त्यांच्याकडे प्रीमियम बाईक असावी.

देशात अनेक प्रीमियम बाईक उत्पादक कंपन्या आहेत. Harley-Davidson ही त्यातीलच एक कंपनी. कंपनीची Street Bob सुरुवातीपासूनच भारतात लोकप्रिय ठरली आहे. 2022 मध्ये ही बाईक भारतात बंद करण्यात आली होती. आता ही बाईक पुन्हा भारतात परतली आहे. या बाईकला अपडेटेड मॉडेल डिझाइन, नवीन इंजिन आणि अनेक उत्तम फीचर्ससह आणले गेले आहे. हार्ले-डेव्हिडसनच्या या बाईकबद्दल सविस्तर जाणून घेऊया.

Tata Nexon EV च्या बेस व्हेरिएंटसाठी 2 लाखांचं डाउन पेमेंट केल्यास किती असेल EMI?

दमदार बॉबर बाईक

Harley-Davidson Street Bob नेहमीच एक उत्तम बाईक राहिली आहे. लपलेले मोनोशॉक असो किंवा हँडलबारवरील टर्न इंडिकेटर असो किंवा कट फेंडर्स असो, प्रत्येक गोष्टीत ही बाईक लोकांचे लक्ष वेधून घेते. यात मिनी एप-हँगर स्टाईल हँडलबार आहे. हे अलॉय व्हील्ससह स्टॅंडर्ड येते, परंतु यात क्रॉस-स्पोक ट्यूबलेस व्हील्सचा पर्याय देखील उपलब्ध आहे. मागील मॉडेलच्या ड्युअल युनिटवर नवीन टू-इन-टू-वन एक्झॉस्ट देण्यात आला आहे.

ही बाईक बिलियर्ड ग्रे, विविड ब्लॅक, सेंटरलाइन, आयर्न हॉर्स मेटॅलिक आणि पर्पल अ‍ॅबिस डेनिम या पाच रंगांमध्ये उपलब्ध आहे.

नवीन इंजिन

भारतात Harley-Davidson Street Bob नवीन इंजिनसह लाँच करण्यात आली आहे. यात 1,923 सीसी व्ही-ट्विन एअर/ऑइल-कूल्ड इंजिन आहे, जे 91 पीएस पॉवर आणि 156 एनएम टॉर्क जनरेट करते. त्याचे इंजिन 6-स्पीड गिअरबॉक्ससह जोडलेले आहे.

3 लाखांपेक्षा जास्त घरांची फॅमिली मेंबर झाली Mahindra ची ‘ही’ कार, जाणून घ्या किंमत आणि फीचर्स

सस्पेन्शन आणि ब्रेकिंग सिस्टम

हार्ले-डेव्हिडसन स्ट्रीट बॉब दिसायला अगदी साध्या बॉबरसारखी दिसत आहे. यासोबतच, ही बाईक अनेक उत्तम फीचर्ससह येते. यात सेमी-डिजिटल कन्सोल आहे, जो फॅक्टरी कस्टमसारखा दिसतो. त्यात टर्न-बाय-टर्न नेव्हिगेशन आहे. त्यात IMU-आधारित रायडिंग एड्स देखील आहेत, जे बाईक आणि रायडरला सुरक्षित ठेवण्यासाठी काम करतात.

किंमत किती?

हार्ले-डेव्हिडसन स्ट्रीट बॉब 18.77 लाख रुपयांच्या एक्स-शोरूम किमतीत लाँच करण्यात आली आहे. ही पूर्णपणे इंपोर्टेड बाईक आहे. हार्ले-डेव्हिडसन लोगोसह खरा बॉबर अनुभव हवा असलेल्यांसाठी ही बाईक डिझाइन करण्यात आली आहे. ही बाईक Triumph Bonneville Bobber आणि Indian Scout Bobber सारख्या बाईकसोबत थेट स्पर्धा करते.

Web Title: Harley davidson street bob launch in india know price and features

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com