एकट्या कारने मिळवला 52 टक्के मार्केटवर कब्जा, 6 महिन्यात 99,335 युनिट्स विकले
भारतीय बाजारात SUV वाहनांना इतर वाहनांच्या तुलनेत मोठी मागणी मिळताना दिसते. हीच मागणी लक्षात घेत अनेक ऑटो कंपन्या दमदार कार्स ऑफर करत असतात. यातील काही एसयूव्हींना ग्राहकांचा इतका प्रचंड प्रतिसाद मिळतो की त्या कार त्यांच्या सेगमेंटमधील बादशाह बनतात. अशीच एक एसयूव्हीला ग्राहकांनी उदंड प्रतिसाद दिला आहे. ही एसयूव्ही म्हणजे Hyundai Creta.
Hyundai मोटर इंडियाची सर्वाधिक विक्री होणारी एसयूव्ही, Creta ने पुन्हा एकदा एकट्याने कंपनीच्या विक्री चार्टमध्ये वाढ केली आहे. FY2026 च्या पहिल्या सहामाहीत (एप्रिल-सप्टेंबर 2025) क्रेटाने रेकॉर्डब्रेक 99,335 युनिट्स विकल्या, ज्यामुळे ह्युंदाईच्या एकूण एसयूव्ही विक्रीत या कारचा वाटा 52% झाला. सर्वात महत्त्वाची गोष्ट म्हणजे या काळात एवढी वाढ दाखवणारी क्रेटा ही ह्युंदाईची एकमेव एसयूव्ही ठरली.
देशात Bharat Taxi Service केव्हा सुरु होणार? टॅक्सी चालकांना कशाप्रकारे होईल फायदा?
सप्टेंबर 2025 मध्ये, क्रेटाने 18,861 युनिट्सची आतापर्यंतची सर्वाधिक मासिक विक्री नोंदवली, जी एसयूव्हीसाठी आतापर्यंतची सर्वोत्तम मासिक विक्री आहे. यासह, क्रेटाने आर्थिक वर्ष 2026 च्या पहिल्या सहामाहीत मागील पूर्ण वर्षाच्या विक्रीच्या 51% विक्री आधीच गाठली आहे.
भारतातील मिड साइझ एसयूव्ही सेगमेंटमधील क्रेटा ही नंबर 1 एसयूव्ही ठरली आहे, जी तिच्या जवळच्या प्रतिस्पर्धी Mahindra Scorpio N/Classic (84,634 युनिट्स) ला 14,700 युनिट्सने मागे टाकत hyआहे.
ह्युंदाई क्रेटाच्या यशाचे एक मोठे कारण म्हणजे याचे तीन इंजिन पर्याय. यामध्ये 1.5-लिटर पेट्रोल इंजिन, 1.5-लिटर डिझेल इंजिन (ऑटोमॅटिक आणि मॅन्युअल दोन्ही) आणि 1.5-लिटर टर्बो पेट्रोल इंजिन समाविष्ट आहे, जिथे इतर कंपन्यांनी डिझेल इंजिनपासून स्वतःला दूर ठेवले आहे. ह्युंदाई कंपनीने ही कार तीन इंजिन पर्यायात आणली आहे.
New Hyundai Venue मध्ये मिळणार ‘हे’ अफलातून फीचर्स, सध्याच्या मॉडेलपेक्षा किती वेगळी असेल कार?
ह्युंदाईने या कारचे डिझेल सुरू ठेवून योग्य पाऊल उचलले आहे. म्हणूनच क्रेटाच्या डिझेल व्हेरिएंटची मागणी कायम आहे. शिवाय, ह्युंदाईने अलीकडेच क्रेटा इलेक्ट्रिक सादर केली आहे, ज्यामुळे ही एसयूव्ही पारंपारिक इंजिनांपासून ते ईव्हीपर्यंत प्रत्येक ग्राहक वर्गाला आकर्षक बनली आहे.
आर्थिक वर्ष २०२६ च्या पहिल्या सहामाहीत ह्युंदाईने एकूण 1,89,751 एसयूव्ही विकल्या, जे मागील वर्षाच्या तुलनेत 7% कमी आहे. मात्र, क्रेटाच्या मजबूत विक्रीमुळे कंपनीला 14% एसयूव्ही मार्केट शेअर राखण्यास मदत झाली.
