परतीच्या पावसामुळे तुमच्या कारमधील इंटिरिअरची लागू शकते वाट, आजच टाळा ‘या’ चुका

सध्या महाराष्ट्रात परतीच्या पावसाने अनेकांच्या नाकात दम आणलेत आहे. या पावसाचा फटका कार्सच्या इंटिरिअरला सुद्धा बसतो. जर तुम्ही तुमच्या कारबाबत निष्काळजीपणा करत असाल, तर वेळीच काळजी घेणे आवश्यक आहे अन्यथा तुमचे हजारो रुपयांचे नुकसान होईल.

फोटो सौजन्य: Freepik

Follow Us:

Follow Us:

महाराष्ट्रात हल्ली परतीच्या पावसाने धुमाकूळ घातला आहे. मुंबईसह अन्य मुख्य शहरांमध्ये परतीच्या पावसाने चांगलीच बॅटिंग केली आहे. याचा फटका प्रत्येक नागरिकाला बसला आहे. अनेक शहरात पाणी साचल्याने कित्येकांच्या गाड्या जागच्या जागीच बंद पडल्या आहेत. यातही जर कार असेल तर अजूनच समस्या उद्भवू शकतात. तसेच या पावसाच्या मोसमात आपण खालील चुका करणे टाळले पाहिजे अन्यथा आपल्या कारच्या इंटिरिअर त्याचा चांगलाच फटका बसू शकतो.

ओले कपडे किंवा छत्री घेऊन कारच्या आत बसणे

जर तुम्ही पावसात भिजलात किंवा ओली छत्री घेऊन गेलात, तर कारच्या सीट आणि फ्लोअर मॅट्स ओल्या होऊ शकतात. यामुळे सीट्सवर बुरशी, दुर्गंधी आणि डाग येऊ शकतात. कारमध्ये बसण्यापूर्वी तुमचे ओले कपडे आणि छत्री नेहमी प्लास्टिकच्या पिशवीत ठेवा.\

हे देखील वाचा:कारला दुसऱ्या रंगाचा पेंट दिल्याने भरावा लागतो दंड? जाणून घ्या काय सांगतात नियम

घाणेरडे शूज घालून कारमध्ये प्रवेश करू नका

पावसात, शूज चिखल किंवा पाण्याने घाण होऊ शकतात, ज्यामुळे कारच्या फ्लोअर मॅट्स आणि कार्पेट खराब होऊ शकते. यामुळे कार तर घाण होईलच पण त्यामुळे बॅक्टेरिया आणि बुरशीही कारमध्ये पसरली जाईल. अशा परिस्थितीत, कारमध्ये प्रवेश करण्यापूर्वी शूज स्वच्छ करा किंवा कारमध्ये रबरी फ्लोअर मॅट वापरा जी स्वच्छ करणे सोपे होईल.

एअर कंडिशनरचा योग्य वापर न करणे

पावसादरम्यान, कारमध्ये जास्त ओलावा असू शकतो, ज्यामुळे कारच्या काचेवर धुके येऊ लागतात. जर तुम्ही एअर कंडिशनरचा योग्य वापर केला नाही तर त्यामुळे धुकं अजून वाढतील आणि बुरशीची निर्मिती होऊ शकते. नेहमी एसी योग्य मोडमध्ये ठेवा जेणेकरून आतील भाग कोरडे राहील आणि काच स्वच्छ राहील.

हे देखील वाचा: जर्मनी, स्पेन, इटलीमध्ये होणार मेड इन इंडिया इलेक्ट्रीक बाईकचा बोलबाला, ‘या’ कंपनीने सुरु केली निर्यात

कारमधील ओलावा काढून टाकण्यासाठी उपाय न करणे

पावसाळ्यात कारच्या आत ओलावा राहिल्यास इंटिरिअरला बुरशीची लागण होऊ शकते. यासाठी तुम्ही कारमध्ये सिलिका जेलची पॅकेट किंवा ओलावा शोषणारी उत्पादने ठेवू शकता जे ओलावा शोषून घेतात.

पाणी साचण्याकडे दुर्लक्ष करणे

जर कारच्या आतून कोठूनही पाणी येत असेल तर ताबडतोब त्याची तपासणी करा, कारण सतत पाणी साचल्याने कारच्या फरशीचे आणि इलेक्ट्रॉनिक्सचे नुकसान होऊ शकते.

Web Title: Your cars interior may suffer due to rain avoid these mistakes today

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com