EFP Rate: ईपीएफ खातेधारकांना Holi पूर्वी मिळणार बक्षीस, Provident Fund वर व्याज वाढण्याची शक्यता?

चालू आर्थिक वर्षात ईपीएफओला त्यांच्या गुंतवणुकीवर उत्कृष्ट परतावा मिळाला आहे असे मानले जात आहे. २०२४-२५ मध्ये, ईपीएफवर ८.२५ टक्के व्याज मंजूर केले जाऊ शकते अशी शक्यता वर्तविण्यात येत आहे

ईपीएफओचे व्याजदर वाढण्याची शक्यता (फोटो सौजन्य - iStock)

Follow Us:

Follow Us:

होळीपूर्वी सुमारे ७ कोटी ईपीएफ खातेधारकांना मोठी भेट मिळू शकते अशी शक्यता आता समोर आली आहे. कर्मचारी भविष्य निर्वाह निधी संघटनेच्या (EPFO) केंद्रीय विश्वस्त मंडळाची बैठक २८ फेब्रुवारी २०२५ रोजी होण्याची शक्यता आहे, ज्यामध्ये २०२४-२५ या आर्थिक वर्षात EPF वर ८.२५ टक्के व्याज देण्याचा निर्णय घेतला जाऊ शकतो. याआधी २०२३-२४ या आर्थिक वर्षातही कर्मचाऱ्यांना भविष्य निर्वाह निधीवर ८.२५ टक्के व्याज देण्यात आले होते.

कर्मचारी भविष्य निर्वाह निधी संघटनेच्या गुंतवणूक वित्त आणि लेखापरीक्षण समितीची बैठक पुढील आठवड्यात होणार आहे, ज्यामध्ये चालू आर्थिक वर्ष २०२४-२५ साठी ईपीएफओचे उत्पन्न आणि खर्च विचारात घेतला जाईल. या बैठकीत कर्मचारी भविष्य निर्वाह निधीवर किती व्याज द्यावे हे ठरवले जाईल आणि त्यानंतर कामगार आणि रोजगार मंत्री मनसुख मांडवीय यांच्या अध्यक्षतेखाली होणाऱ्या केंद्रीय विश्वस्त मंडळाच्या बैठकीत व्याजदरावर अंतिम शिक्कामोर्तब केले जाईल. केंद्रीय विश्वस्त मंडळाच्या बैठकीत व्याजदर अंतिम झाल्यानंतर, तो मंजुरीसाठी अर्थ मंत्रालयाकडे पाठवला जाईल.

EPFO चा परतावा 

२०२३-२४ या आर्थिक वर्षासाठी, ईपीएफ खातेधारकांना ८.२५ टक्के, २०२२-२३ मध्ये ८.१५ टक्के आणि २०२१-२२ मध्ये ८.१० टक्के दराने व्याज मिळाले. चालू आर्थिक वर्षात, ईपीएफओला त्यांच्या गुंतवणुकीवर उत्कृष्ट परतावा मिळाला आहे असे मानले जाते. त्याच वेळी, भविष्य निर्वाह निधी दाव्याच्या निपटाराबाबत ईपीएफओने इतिहास रचला आहे. 

२०२४-२५ या आर्थिक वर्षात, कर्मचारी भविष्य निर्वाह निधी संघटनेने ५ कोटींहून अधिक दावे निकाली काढले आहेत जे एक विक्रम आहे. २०२४-२५ या आर्थिक वर्षात, ईपीएफओने २,०५,९३२.४९ कोटी रुपयांचे ५.०८ कोटी दावे निकाली काढले आहेत, जे २०२३-२४ या आर्थिक वर्षात १,८२,८३८.२८ कोटी रुपयांच्या ४.४५ कोटी दाव्यांपेक्षा खूपच जास्त आहे.

वाढू शकतो PF चा व्याजदर? सरकार देणार का अजून एक मोठं गिफ्ट

७ कोटीपेक्षा अधिक ग्राहक 

सध्या, ईपीएफओचे ७ कोटींहून अधिक ग्राहक आहेत. संघटित क्षेत्रात काम करणाऱ्यांसाठी, विशेषतः खाजगी क्षेत्रात, ईपीएफओकडे जमा होणारे पैसे ही सर्वात मोठी सामाजिक सुरक्षा योजना मानली जाते. दरमहा खाजगी क्षेत्रातील कर्मचाऱ्यांच्या पगारातून पीएफच्या नावाने एक निश्चित भाग कापला जातो. पीएफमध्ये योगदान नियोक्ता करतो आणि त्याची अनेक कारणे आहेत. 

नोकरी गेल्यास, घर बांधणे किंवा खरेदी करणे, लग्न करणे, मुलांचे शिक्षण किंवा निवृत्ती अशा परिस्थितीत कर्मचारी पीएफचे पैसे काढू शकतात. यामुळे अनेकांचा नक्कीच फायदा होऊ शकतो आणि वेगवेगळ्या परिस्थितीत ईपीएफओच्या वाढत्या व्याज दरामुळे हातभारही लागू शकतो अशीही चर्चा सुरू झाली आहे. 

3 दिवसांत काढू शकाल पीएफमधून 1 लाख रुपये; तुम्हाला माहितीये का ‘हे’ नियम!

Web Title: Epfo may hike interest rate on provident fund for 7 crore subscribers in cbt meeting business good news for workers

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com