पत्नीच्या विवाहबाह्य संबंधाला कंटाळून एका नेत्याने संपवले आयुष्य, आत्महत्या करण्यापूर्वी बनवले व्हिडीओ

बुलंदशहर येथून एक धक्कादायक घटना समोर आली आहे. पत्नीच्या वर्तनाला आणि मानसिक छळाला कंटाळून एका नेत्याने आत्महत्या केल्याचे समोर आले आहे. आत्महत्या करणाऱ्या तरुणाचे नाव सोहित असे आहे.

Follow Us:

Follow Us:

बुलंदशहर येथून एक धक्कादायक घटना समोर आली आहे. पत्नीच्या वर्तनाला आणि मानसिक छळाला कंटाळून एका नेत्याने आत्महत्या केल्याचे समोर आले आहे. आत्महत्या करणाऱ्या तरुणाचे नाव सोहित असे आहे. तो समाजवादी पक्षाचा आंबेडकर वाहिनीचा राज्य सचिव होता. आत्महत्या करण्यापूर्वी सोहितने एक व्हिडीओ बनवला. त्या व्हिडिओमध्ये त्याने पत्नीवर आणि तिच्या कुटुंबावर गंभीर आरोप केले आहे.

पिस्तूल बाळगणाऱ्या दोघांना ठोकल्या बेड्या; पुण्यातील कात्रज भागात सापळा रचून पकडले

सोहितने व्हिडिओमध्ये काय म्हंटले?

सोहितने आपल्या व्हिडिओमध्ये म्हंटले की, ‘मी लवकरच आत्महत्या करणार आहे. माझ्या पत्नीने आणि तिच्या कुटुंबाने मला खूप त्रास दिला आहे, हे मी आता सहन करु शकत नाही. मरण्यापूर्वी मी माझ्या पत्नीच्या अवैध संबंधांबद्दल सांगू इच्छितो. मी माझी पत्नी तमन्नासोबत तीन वर्षांपासून राहत आहे. आमचे कोर्ट मॅरेज झाले. आम्ही दोघेही कायदेशीररित्या पती-पत्नी होतो. तिच्याकडे ट्यूशन फी भरण्यासाठी पैसे नव्हते, मात्र मला तिचे वागणे आवडले त्यामुळे मी तिला स्वीकारले.जेव्हा घरात एखादा कार्यक्रम असायचा तेव्हा तमन्ना त्यात सहभागी व्हायची.

मी आणि माझ्या कुटुंबाने तमन्नाचा आदर करण्याचा प्रयत्न केला. पण मला समजले नाही की तिचे तिच्या आत्याच्या मुलाशी अवैध संबंध आहेत. मला तिच्यावर संशय आल्यानंतर मी ही माहिती बाहेर समजू दिली नाही. तिने सांगितले की बाहेर शिक्षण घ्यायचे आहे. पण तिच्या आत्याचा मुलगा दिल्लीत शिकत होता, म्हणून मी तिला दिल्लीला जाऊ दिले नाही. त्यानंतर तिने घटस्फोट मागायला सुरुवात केली. कुटुंब तुटू नये म्हणून आम्ही वेगळं राहत होतो, मात्र तरीही तिचे प्रेमसंबंध सुरूच होते असं म्हणत सोहितने जीवन संपवलं.

भाजप नेत्याने प्रेयसीसाठी केली पत्नीची हत्या; नंतर मृतदेहाजवळ बसून रडला…

राजस्थानमधील अजमेर येथे एका भाजप नेत्याला त्याच्या पत्नीची हत्या केल्याबद्दल अटक करण्यात आली आहे. ही घटना 10 ऑगस्ट रोजी घडली आणि ती दरोडा म्हणून दाखवण्याचा प्रयत्न करण्यात आला होता परंतु पोलिसांनी ती हत्या असल्याचे उघड केले. २४ तासांत हत्येचे गूढ उकलले आहे.

पोलिसांच्या म्हणण्यानुसार, भाजप नेते रोहित सैनी यांनी त्यांची प्रेयसी रितू सैनी हिच्या सांगण्यावरून पत्नी संजुची हत्या केली. सुरुवातीला रोहितने पोलिसांना सांगण्याचा प्रयत्न केला होता की, काही अज्ञात दरोडेखोर घरात घुसले, संजुची हत्या केली आणि मौल्यवान दागिने घेऊन पळून गेले. परंतु जेव्हा पोलिसांनी सखोल चौकशी सुरु केली तेव्हा रोहितचे जबाब वारंवार बदलू लागले. या विरोधाभासानंतर पोलिसांचा त्याच्यावरील संशय बळावला. अज्ञाताने घरात दरोडा टाकून पत्नीची हत्या केली, असं त्याने पोलिसांना सांगितलं. रचलेली स्टोरी खरी वाटावी, यासाठी आरोपी भाजप नेता बराच वेळ पत्नीच्या मृतदेहाजवळ रडत बसला. पण त्याचा हा बनाव फार काळ टिकला नाही.

दबावाखाली हत्या

आरोपीची काटेकोरपणे चौकशी केली असता त्याने गुन्ह्याची कबुली दिली. रोहितने सांगितले की, त्याचे त्याची प्रेयसी रितूसोबत दीर्घकालीन संबंध होते आणि पत्नी संजू त्यांच्या नात्यात सर्वात मोठा अडथळा होती. संजूला रस्त्यावरून हटवण्यासाठी रितूनेच त्याच्यावर दबाव आणला आणि या दबावाखाली रोहितने त्याच्या पत्नीची निर्घृण हत्या केली.

हत्या केल्यानंतर, रोहितने संपूर्ण घटनेला दरोड्यासारखे बनवण्याची योजना आखली जेणेकरून पोलिसांची दिशाभूल होईल, परंतु हा कट उघडकीस आला. या प्रकरणात, मुख्य आरोपी रोहित सैनीला पोलिसांनी आधीच अटक केली होती. आता तपासादरम्यान त्याची प्रेयसी रितूचा सहभाग उघडकीस आल्याने पोलिसांनी तिलाही अटक केली आहे. पोलीस आता दोन्ही आरोपींची कसून चौकशी करत आहेत आणि या घटनेत आणखी कोणी सहभागी आहे का हे शोधण्याचा प्रयत्न करत आहेत.

Nashik Crime : डिजिटल अरेस्टच्या नावाखाली नामांकित महिला डॉक्टरची कोट्यवधीची लूट, व्हिडीओ कॉलवर अटक वॉरंट…

Web Title: A leader ended his life after being fed up with his wifes extramarital affair

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com