Delhi Crime: भयावह! ३६ महिने, ९१ मृतदेह…, दिल्लीतील रक्तरंजित कालवा, मृतदेह येतात तरी कुठून? पोलीसही अचंबित

Delhi Crime News : दिल्लीतील असा एक कालवा जिथे मृतदेहांचा एक छावणी असतो, म्हणूनच या कालव्याला रक्तरंजित कालवा असं देखील म्हणतात. या कालव्यात कधी डोकं नसलेला मृतदेह तर कधी हात पाय नसणारे मृतदेह दिसून येतात.

३६ महिने, ९१ मृतदेह..., दिल्लीतील रक्तरंजित कालवा, मृतदेह येतात तरी कुठून? पोलीसही अचंबित (फोटो सौजन्य-X)

Follow Us:

Follow Us:

Delhi Crime News in Marathi: दिल्लीतील असा एक कालवा ज्याला दिल्लीची जलजीवनरेषा मानला जातो. परंतु या कालव्याने अनेक लोकांचे रक्त प्यायले आहे. त्यामुळे या कालव्याला दिल्लीतील रक्तरंजित कालवा म्हणूनही ओळख निर्माण झाली. या बवाना कालव्यात दररोज मृतदेहांचा एक छावणी असतो. या कालव्यातील मृतदेहांना डोके नव्हते तर काहींना पाय नव्हते. हे मृतदेह इतके भयानक अवस्थेत आहेत की कधीकधी त्यांची ओळख पटत नाही. अलिकडेच या कालव्यात आणखी एक मृतदेह आढळला ज्याचे डोके गायब होते आणि हात आणि पाय धडापासून वेगळे होते. म्हणूनच या भागातील स्थानिकां मृतदेह पाहण्याची सवय झाली आहे. नेमकं कालव्याचे काय आहे रहस्य …

दिल्लीत रात्रीचे साधारण १० वाजले होते. रोहिणी सेक्टर १३ मधील हैदरपूर वॉटर प्लांटमधील एक कर्मचारी त्याची नियमित तपासणी करत असताना अचानक त्याला लोखंडी चाळणीवर काहीतरी अडकलेले दिसले. तो एका मृत शरीराचा भाग होता, पण त्याचे डोके, हात आणि पाय गायब होते. पण जेव्हा मृतदेह सापडला तेव्हा कोणताही आरडाओरडा नव्हता, गोंधळ नव्हता, का? कारण या वर्षी येथे सापडलेला हा दहावा मृतदेह होता. दिल्लीच्या या जलशुद्धीकरण केंद्रात मृतदेह सापडणे आता ‘सामान्य’ झाले आहे. २०२२ ते २७ एप्रिल २०२५ पर्यंत या कालव्यात एकूण ९१ मृतदेह सापडले आहेत. दरवर्षी हा आकडा सरासरी २५ ते ३० पर्यंत वाढत आहे.

पुण्यात घरफोड्यांचे सत्र सुरुचं, दोन दिवसात तब्बल ‘इतके’ फ्लॅट फोडले; लाखोंच्या ऐवजावर मारला डल्ला

मृतदेह कुठून येतात?

मृतदेह कुठून येतात? या गूढतेचे उत्तर म्हणजे मुनक कालवा. हरियाणातील कर्नाल येथून उगम पावणारा हा कालवा १०२ किलोमीटर लांबीचा आहे आणि सिमेंटेड सीएलसी आणि कच्चा डीएसबी या दोन भागांमधून दिल्लीच्या हैदरपूर वॉटर प्लांटपर्यंत पोहोचतो. वाटेत सुरक्षा नाही, प्रतिबंध नाही, देखरेख नाही. यामुळे हरियाणा किंवा दिल्लीच्या वेगवेगळ्या भागात कालव्यात टाकलेले मृतदेह शेवटी येथे पोहोचतात.

मृतदेहांची ओळख पटू शकली नाही

याप्रकरणी केएन काटजू मार्ग पोलिस स्टेशनचे वरिष्ठ पोलिस अधिकारी यांनी सांगितले की, हत्येनंतर मृतदेहाची विल्हेवाट लावण्याव्यतिरिक्त, पुरावे नष्ट करण्यासाठी शस्त्रे आणि वाहने देखील या कालव्यात टाकली जातात. डीसीपी रोहिणी अमित गोयल म्हणतात, ‘दर महिन्याला दोन-तीन अशा घटना घडतात ज्यात मृतदेह आढळतात. पोलिसांनाही पीडितांची ओळख पटवणे, त्यांच्या कुटुंबियांना शोधणे, मृत्यूचे कारण शोधणे, खुन्याला अटक करणे आणि अंत्यसंस्कार करणे ही जबाबदारी घेतात. अनेक प्रकरणांमध्ये मृतदेहांची ओळख पटू शकत नाही.

शेवटचा ओळख पटलेला मृतदेह २३ एप्रिल २०२५ रोजी सापडला. मृतदेहाची ओळख २७ वर्षीय अनुप म्हणून झाली. होळीच्या दुसऱ्या दिवशी बवाना पोलिस ठाण्यात अनुपच्या बेपत्ता झाल्याची तक्रार दाखल करण्यात आली. त्याच्या कपड्यांमध्ये सापडलेल्या दोन आधार कार्डच्या मदतीने पोलिसांनी कुटुंबाला बोलावले आणि मृतदेहाची ओळख पटवण्यात आली. शवविच्छेदन अहवालात असे दिसून आले की तो सुमारे ४० दिवसांपूर्वी बुडाला होता आणि त्यामुळेच त्याचे शरीर खूपच कुजले होते. गेल्या तीन वर्षांत सापडलेल्या एकूण ९१ मृतदेहांपैकी फक्त २८ मृतदेहांची ओळख पटली आहे.

मृतदेहांची ओळख का पटत नाही?

याप्रकरणी एसएचओ प्रमोद आनंद यांनी सांगितले की, ‘खूनाच्या प्रकरणांमध्ये, आरोपी मृतदेहाची ओळख पुसण्यासाठी वेगवेगळ्या युक्त्या वापरतात, कधीकधी चेहरा विद्रूप करतात, शरीराचे अवयव बांधतात, जड वस्तूला बांधतात आणि बुडवून मारतात.’ बऱ्याचदा मृतदेहाचे डोके गायब असते आणि सापडलेली डोके देखील ओळखता येत नाहीत. आत्महत्या करणारे बहुतेक लोक त्यांचे ओळखपत्र जपून ठेवत नाहीत. यामुळेच बऱ्याचदा या मृतदेहांची ओळख पटत नाही, अशी माहिती पोलिसांकडून देण्यात आली.

रांजणगावात खळबळ! महिला आणि दोन चिमुकल्यांचा सापडला अर्धवट जळालेला मृतदेह, हातावर ‘जयभीम’….

Web Title: Delhi bawana canal why is it called bloody canal dead bodies are found here every sixth day

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com