शुक्रवार, 25 सप्टेंबर 2026
जादूटोण्याच्या संशयातून वृद्धाची हत्या (संग्रहित फोटो)
गोंदिया : मुंडीपार एमआयडीसी येथे रात्रपाळीच्या कामावर जात असलेल्या व्यक्तीची धारदार शस्त्राने हत्या केल्याच्या घटनेचा स्थानिक गुन्हे शाखेच्या पथकाने अवघ्या २४ तासात उलगडा केला. जादूटोण्याच्या संशयातून हा खून केल्याचे पोलिसांच्या तपासात समोर आले आहे. याप्रकरणी जितेंद्र कोहळे (वय ४५) आणि कमलेश अशोक नेवारे (वय १९, दोघेही रा. टॉवरटोली, मुंडीपार) यांना ताब्यात घेण्यात आले. दोन विधिसंघर्षग्रस्त बालकांनाही ताब्यात घेण्यात आले आहे. ही कारवाई गुरुवारी करण्यात आली.
याबाबत विक्की रविशंकर रहांगडाले (वय ३१, रा. मुंडीपार) यांनी गंगाझरी पोलिस ठाण्यात तक्रार दाखल केली होती. त्यांचे वडील रविशंकर (वय ५८) हे रविवारी रात्रपाळीच्या कामासाठी दुचाकीने व्यंकटेश राईस मिल, एमआयडीसी मुंडीपार येथे जात होते. दरम्यान, चमडा फॅक्टरीजवळील रस्त्यावर रात्री ७.४५ ते ८.१५ वाजताच्या सुमारास अज्ञात व्यक्तीने त्यांच्या डोक्यावर भारदार हत्याराने चार करून त्यांची हत्या केली. याप्रकरणी गंगाझरी पोलिस ठाण्यात गुन्हा दाखल करण्यात आला होता.
दरम्यान, जादूटोण्याच्या संशयातून कमलेश, जितेंद्र आणि दोन विधिसंघर्षग्रस्त चालकांनी रविशंकर यांचा खून करण्याचा कट रचला. रविवारी सायंकाळी आरोपींनी रविशंकरचा पाठलाग करून कुन्हाडीने डोक्यावर वार करून त्यांची हत्या केली.
गावातील चर्चेतून संशयितांपर्यंत धागा
स्थानिक गुन्हे शाखेचे पोलिस निरीक्षक रेवचंद सिगनजुडे यांच्या मार्गदर्शनाखाली पथकाने तपास सुरू तपासादरम्यान पोलिसांना मृत रविशंकर हे जादूटोणा करत असल्याची गावात चर्चा असल्याची माहिती मिळाली. या कारणावरून काही जणांचा त्याच्यावर आरोप असल्याचेही समोर आले. या माहितीच्या आधारे पोलिसांनी कमलेशला ताब्यात घेऊन चौकशी केली.
जादूटोणा खरंच कारणीभूत?
चौकशीत त्याने दिलेल्या माहितीनुसार, त्याच्या कुटुंबातील दोन व्यक्तीच्या मृत्यूला तसेच कुटुंबातील सदस्यांच्या वारंवार बिघडणाऱ्या प्रकृतीला रविशंकरने केलेला जादूटोणा कारणीभूत असल्याचा त्याचा समज होता. त्याचप्रमाणे गावातील अन्य कुटुंबांतील मृत्यू आणि आजारपणासाठीही रविशंकरला जबाबदार धरले जात असल्याचे तपासात समोर आले.
