UP Crime : दारूच्या नशेत जन्मदात्या आईवर लैंगिक अत्याचार, बिजनौरमध्ये राक्षसी मुलाला मिळाली अशी भयानक शिक्षा

दारूच्या नशेत एका व्यक्तीने जन्मदाता आईसोबत केले भयंकर कृत्य केले आहे. या घटनेनंतर सर्वत्र खळबळ उडाली आहे. दारू पिऊन मुलगा आपल्या आईला वासनेचा बळी बनवल्याची घटना समोर आली.

दारूच्या नशेत जन्मदात्या आईवर लैंगिक अत्याचार, बिजनौरमध्ये राक्षसी मुलाला मिळाली अशी भयानक शिक्षा

Follow Us:

Follow Us:

उत्तर प्रदेशातील बिजनौर जिल्ह्यातून नातेसंबंध तोडणारी एक खळबळजनक घटना समोर आली आहे. या परिसरात एका ५६ वर्षीय महिलेने तिच्याच मुलाची धारदार शस्त्राने हत्या केली. कारण वाचून सर्वांना धक्का बसला आहे, दारू पिऊन मुलगा आपल्या आईला वासनेचा बळी बनवत होता. पोलिसांनी आरोपी आईला अटक केली आहे. गुन्ह्यात वापरलेला विळा जप्त करण्यात आला आहे.

Viral Video : रील्ससाठी काय पण ! रिक्षाच्या टपावर बसून बनवली रील; तुर्भे पोलीस ठाण्यात दोघांवर गुन्हे दाखल

नेमकं प्रकरण काय?

अतिरिक्त पोलिस अधीक्षक (एएसपी) संजीव वाजपेयी यांच्या मते, ही घटना ७ ऑगस्टच्या रात्री मांडवली उत्तर प्रदेशमधील पोलीस स्टेशन परिसरातील श्यामीवाला गावात घडली. मृताची ओळख पटली असून तो ३२ वर्षीय अशोक आहे, तो अविवाहित होता आणि त्याला दारूचे व्यसन होते. पोलीस तपासात असे दिसून आले आहे की, अशोकने त्याच्या आईवर दारू पिऊन अनेक वेळा लैंगिक अत्याचार केले होते, परंतु सामाजिक कलंकाच्या भीतीने महिलेने हे कधीही सार्वजनिक केले नाही.

पोलिस अधिकाऱ्यांच्या म्हणण्यानुसार, गुरुवारी रात्री अशोक त्याच्या घरात झोपला होता. त्यानंतर त्याच्या आईने त्याच्यावर विळ्याने हल्ला केला. धारदार हल्ल्यामुळे अशोकचा जागीच मृत्यू झाला. त्यानंतर आईने आरडाओरडा करून गावकऱ्यांना गोंधळात टाकण्याचा प्रयत्न करण्यास सुरुवात केली. तिने सांगितले की दरोडेखोर तिच्या घरात घुसले आहेत. परंतु पोलिसांना तिच्यावर संशय आला आणि कडक चौकशीत तिने हत्येची कबुली दिली.

घृणास्पद कृत्याने पीडित आईचा संयम तुटला

पोलीस चौकशीदरम्यान, आरोपी आईने उघड केले की घटनेच्या रात्री अशोकने पुन्हा तिच्यासोबत घृणास्पद कृत्य करण्याचा प्रयत्न केला, त्यानंतर तिचा संयम सुटला. रागाच्या भरात तिने तिच्या मुलावर विळ्याने हल्ला करून त्याची हत्या केली. आरोपीने दिलेल्या माहितीवरून पोलिसांनी रक्ताने माखलेले कपडे आणि हत्येत वापरलेला विळा जप्त केला आहे. त्याच्याविरुद्ध भारतीय दंड संहितेच्या (आयपीसी) संबंधित कलमांखाली गुन्हा दाखल करण्यात आला आहे.

क्रूर मुलाच्या कृत्याने लोक हादरले

या घटनेनंतर गावात खळबळ आणि शांतता दोन्हीचे वातावरण आहे. एकीकडे मुलाच्या कृत्याने लोक हादरले आहेत, तर दुसरीकडे आईच्या या भयानक कृतीचीही चर्चा होत आहे. काही लोकांचा असा विश्वास आहे की राक्षसी मुलाला धडा शिकवण्यासाठी आईने जे केले ते पूर्णपणे योग्य आणि न्याय्य आहे. दुसरीकडे, इतर लोक म्हणतात की स्वतःच्या हातात घेण्यापेक्षा कायद्याची मदत घेणे चांगले.

संतापजनक! भाडे देऊ नका, फक्त मला…; लिफ्ट देण्याच्या बहाण्याने तरूणीचा विनयभंग

Web Title: Woman held for killing son after he sexually assaulted her in bijnor uttar pradesh

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com