Top Marathi News Today Live : बिहार निवडणुकीच्या पहिल्या टप्प्यासाठी मतदानाला सुरुवात; 121 जागांसाठी 1314 उमेदवार मैदानात
06 Nov 2025 11:46 AM (IST)
दरभंगा जिल्ह्यातील कुशेश्वरस्थान विधानसभा मतदारसंघातील सुघ्रैन पंचायतीत आज मतदान पूर्णपणे थांबविण्यात आले. सतत दुर्लक्ष आणि रस्त्याअभावी ग्रामस्थांनी मतदान प्रक्रियेवर बहिष्कार टाकला.
06 Nov 2025 11:36 AM (IST)
अनेक दिवसांपासून बिग बॉस मराठीच्या पाचव्या पर्वाचा विजेता सूरज चव्हाण लग्न करणार असल्याची चर्चा सुरु आहे. काही दिवसांपूर्वी त्याच्या होणाऱ्या बायकोसोबतचा फोटो शेअर केला होता. या पोस्टनंतर सूरजची बायको कोण असेल,हे जाणून घेण्यासाठी चाहते उत्सुक झाले. त्यानंतर अंकिता वालावलकरसुद्धा सूरजच्या गावी गेली आणि तिने सूरजच्या होणाऱ्या बायकोची भेट घेतलेली. अंकितानेही तिच्यासोबतचा फोटो शेअर केला होता. पण, तिचा चेहरा दाखवला नव्हता. अशातच आता अंकिताने सूरजच्या केळवणाचा व्हिडिओ सोशल मीडियावर शेअर केला आहे. आणि तिची झलक शेअर केली आहे.
06 Nov 2025 11:26 AM (IST)
भारतीय महिला संघाचे अनेक मालिका खेळवल्या जात आहेत, पुरुषांचा टी20 संघ सध्या ऑस्ट्रेलिया दौऱ्यावर आहे तर भारताचा अ संघ हा दक्षिण आफ्रिकेविरुद्ध कसोटी मालिका खेळत आहे. आगामी दिवसांमध्ये भारताचे खेळाडू हे दक्षिण आफ्रिकेविरुद्ध एकदिवसीय मालिका देखील खेळताना दिसणार आहेत. दक्षिण आफ्रिका अ संघाविरुद्धच्या तीन सामन्यांच्या एकदिवसीय मालिकेसाठी भारत अ संघाची घोषणा करण्यात आली आहे. तिलक वर्मा यांची कर्णधार म्हणून नियुक्ती करण्यात आली आहे, तर ऋतुराज गायकवाड यांची उपकर्णधार म्हणून नियुक्ती करण्यात आली आहे.
06 Nov 2025 11:16 AM (IST)
मुंबईतील छत्रपती शिवाजी महाराज आंतरराष्ट्रीय विमानतळावर सीमाशुल्क विभागाने मोठी कारवाई केली आहे. या कारवाईत ड्रग्स आणि परकीय चलनाचा मोठा साठा जप्त केला आहे. चार दिवसांच्या ड्युटीदरम्यान मुंबई सीमाशुल्क झोन ३ च्या अधिकाऱ्यांनी पाच मुख्य गुन्हे दाखल केले आहेत. ज्यामध्ये एकूण १३ किलोहून अधिक हायड्रोपोनिक वीड सापडले आहे. जप्त केलेल्या ड्रग्सची एकूण किंमत साधारण १३ कोटींच्या जवळपास आहे. याशिवाय एका प्रवाशाकडून ८७ लाखांचं परकीय चलन जप्त करण्यात आलं आहे. ही कारवाई सीमाशुक्ल विभागाने ३१ ऑक्टोबर ते ३ नोव्हेंबर २०२५ या कालावधीत कारवाई केली आहे.
06 Nov 2025 11:06 AM (IST)
लालू यादवांचे कुटुंब मतदानासाठी पोहोचले, तेजस्वी यादव यांच्या राघोपूर मतदारसंघात आज मतदान, गायिका मैथिली ठाकूर हिच्या अलीनगर मतदारसंघातही आज होणार मतदान, 18 जिल्ह्यांतील 121 जागांसाठी आज मतदान, उर्वरित 122 जागांसाठी 11 नोव्हेंबरला मतदान, 14 नोव्हेंबरला होणार मतमोजणी
06 Nov 2025 10:59 AM (IST)
06 Nov 2025 10:48 AM (IST)
दोन्ही संघांच्या चाहत्यांसाठी काहीसा दिलासा आहे: चौथ्या टी-२० आंतरराष्ट्रीय सामन्यासाठी पावसाचा धोका नाही. सामन्याच्या दिवशी क्वीन्सलँडमधील हवामान पूर्णपणे स्वच्छ राहण्याची अपेक्षा आहे. याचा अर्थ प्रेक्षक ४० षटकांचा पूर्ण आणि रोमांचक सामना पाहण्याची अपेक्षा करू शकतात. मालिकेतील पहिला सामना पावसामुळे रद्द करण्यात आला होता हे लक्षात घेण्यासारखे आहे. मेलबर्नमध्ये हवामानामुळे काही अडथळे निर्माण झाले असले तरी, यावेळी क्वीन्सलँडमध्ये आकाश निरभ्र राहण्याची अपेक्षा आहे, ज्यामुळे हा सामना क्रिकेट चाहत्यांसाठी संस्मरणीय ठरेल.
06 Nov 2025 10:46 AM (IST)
मुख्यमंत्री पदाचे उमेदवार तेजस्वी यादव माध्यमांशी संवाद साधताना म्हणाले की, "आपण सर्व मिळून बिहारला नंबर वन बनवायचे आहे, एक नवीन बिहार निर्माण करायचा आहे जिथे शिक्षण, औषध, उत्पन्न, सिंचन, सुनावणी आणि कृती देणारे सरकार असेल, भ्रष्टाचार आणि गुन्हेगारीपासून मुक्त सरकार असेल. आपण असे सरकार स्थापन करायला हवे जे तरुणांवर लाठीमार करणार नाही किंवा पेपर लीक करणार नाही, असे तेजस्वी यादव म्हणाले आहेत.
06 Nov 2025 10:39 AM (IST)
लातूर शहरातून एक धक्कदायक घटना समोर आली आहे. व्याजासह पैसे परत करून देखील अतिरिक्त व्याजाची मागणी पूर्ण न केल्याने एका तरुणावर तलवार, काठी आणि दगडांनी हल्ला केला. यात तरुण गंभीर जखमी झाला आहे. ही संपूर्ण घटना सीसीटीव्हीत स्पष्टपणे कैद झाली आहे. ही घटना शिवाजीनगर पोलीस ठाण्याच्या हद्दीत असलेल्या नाईक चौकात घडली आहे.
06 Nov 2025 10:31 AM (IST)
जर तुम्ही वारंवार विमानाने प्रवास करत असाल आणि तुम्हाला तिकीट रद्द करावे लागले असेल, तर ही बातमी तुमच्यासाठी दिलासा देणारी आहे. आता, विमान तिकीट रद्द करण्याचे मोठे शुल्क भरण्याचा त्रास दूर होऊ शकतो. नागरी विमान वाहतूक महासंचालनालय (DGCA) एका नवीन नियमावर काम करत आहे ज्यामुळे प्रवाशांना बुकिंग केल्यानंतर ४८ तासांच्या आत कोणतेही शुल्क न घेता तिकीट रद्द करण्याची किंवा बदलण्याची परवानगी मिळेल.
06 Nov 2025 10:23 AM (IST)
सलमान खानच्या “बिग बॉस १९” या रिॲलिटी शोमध्ये आणखी एक मोठा ट्विस्ट आला आहे. वीकेंड का वारमधून बाहेर पडल्यानंतर, एक बलाढ्य स्पर्धक पुन्हा घरात प्रवेश करणार आहे. यामुळे सोशल मीडियावर बरीच चर्चा रंगली आहे. त्याच्या परतण्याने, या स्पर्धकाला पाहून सर्व घरातील सदस्यांना आनंद होणार आहे. त्याच्या बाहेर पडल्यापासून, प्रेक्षक त्याला खूप मिस करत आहेत. आता, तुम्ही विचार करत असाल की आपण कोणत्या स्पर्धकाबद्दल बोलत आहोत. स्टँड-अप कॉमेडियन प्रणित मोरे शोमध्ये परतत आहे. महाराष्ट्रीयन भाऊच्या या बातमीमुळे चाहते खूप आनंदी झाले आहेत.
06 Nov 2025 10:06 AM (IST)
भारतीय महिला संघाचे अनेक मालिका खेळवल्या जात आहेत, पुरुषांचा टी20 संघ सध्या ऑस्ट्रेलिया दौऱ्यावर आहे तर भारताचा अ संघ हा दक्षिण आफ्रिकेविरुद्ध कसोटी मालिका खेळत आहे. आगामी दिवसांमध्ये भारताचे खेळाडू हे दक्षिण आफ्रिकेविरुद्ध एकदिवसीय मालिका देखील खेळताना दिसणार आहेत. दक्षिण आफ्रिका अ संघाविरुद्धच्या तीन सामन्यांच्या एकदिवसीय मालिकेसाठी भारत अ संघाची घोषणा करण्यात आली आहे. तिलक वर्मा यांची कर्णधार म्हणून नियुक्ती करण्यात आली आहे, तर ऋतुराज गायकवाड यांची उपकर्णधार म्हणून नियुक्ती करण्यात आली आहे.
06 Nov 2025 09:59 AM (IST)
बीड पोलिसांनी पुण्यातून बनावट सोनाराला अटक केली आहे. बनावट सोने चांदी बँकेत गहाण ठेवून बँकेची फसवणूक केली होती. या आरोपीने अवघ्या दोन महिन्यात तब्बल अडीच कोटी रुपयांचे घबाड जमा केले होते. अटक करण्यात आलेल्या आरोपीचे नाव विलास उदावंत असे आहे. तो बीडमध्ये विलास ज्वेलर्स नावाने दुकान चालवत होता. झटपट श्रीमंत होण्यासाठी त्याने स्वतः १६ बनावट ग्राहक तयार केले. या ग्राहकांना बनावट सोने देऊन त्याने ते बँक ऑफ बडोदा बँकेत गहाण ठेवले.
06 Nov 2025 09:51 AM (IST)
नगरपरिषद, नगरपंचायत यांसारख्या निवडणुका जाहीर झाल्या आहेत. त्यातच आता राष्ट्रवादी काँग्रेस (अजित पवार) चे प्रदेशाध्यक्ष खासदार सुनील तटकरे यांनी नगरपरिषद आणि नगर पंचायत निवडणुकीसाठी तळागाळातील कार्यकर्ते तयार आहेत. ‘आम्ही महायुती म्हणून एकत्र निवडणुका लढवण्याचा विचार करत आहोत’, असे सुनील तटकरे यांनी म्हटले आहे.
06 Nov 2025 09:42 AM (IST)
अमेरिकेचे अध्यक्ष डोनाल्ड ट्रम्प (Donald Trump) यांनी पुन्हा एकदा एक मोठा निर्णय घेतला आहे. यामुळे संपूर्ण जगभरात खळबळ उडाली आहे. ट्रम्प यांनी जाहीर केले आहे की, ते नोव्हेंबर महिन्याच्या अखेरीस दक्षिण आफ्रिकेत होणाऱ्या G-20 परिषदेत सहभागी होणार नाहीत. त्यांच्या या निर्णयाने अनेकजण आश्चर्यचकित झाले आहेत.
06 Nov 2025 09:31 AM (IST)
बिहार विधानसभा निवडणुकीच्या पहिल्या टप्प्यासाठी मतदान प्रक्रिया सुरु झाली आहे. आज (दि.06) पहिल्या टप्प्यात १८ जिल्ह्यांमधील १२१ जागांसाठी मतदान होणार आहे. सूर्यगढ विधानसभा मतदारसंघातील ५६ बूथवर सकाळी ७ ते सायंकाळी ५ वाजेपर्यंत मतदान पार पडणार आहे. बोगस मतदार, दुबार मतदार आणि मतदार याद्यांमधील प्रचंड घोळ यामुळे विरोधी कॉंग्रेस (Congress) पक्ष आक्रमक झाला आहे. याच पार्श्वभूमीवर बिहारमध्ये (Bihar) होत असलेल्या निवडणुकीमध्ये काय होणार याकडे संपूर्ण देशाचे लक्ष लागले आहे. याच पार्श्वभूमीवर लोकसभेचे विरोधी पक्षनेते राहुल गांधी यांनी सोशल मीडियाच्या माध्यमातून बिहारी जनतेला खास आवाहन केले आहे.
06 Nov 2025 09:23 AM (IST)
जालनामधून हृदयद्रावक घटना समोर आली आहे. सोशल मीडियाच्या ट्रोलिंगला बळी पडत एका २८ वर्षीय तरुणाने विहिरीत उडीघेत आत्महत्या केल्याचे समोर आले आहे. छत्रपती संभाजीनगर नामफलकाच्या बोर्डखाली लघुशंका करतानाचा दोन मित्रांचा व्हिडीओ व्हायरल झाला होता. या वायरल व्हिडीओमुळे नेटीझन्सकडून धमक्याही येऊ लागल्या. त्यामुळे, या तरुणांनी माफीनाम्याचा देखील एक व्हिडीओ बनवला होता. त्याच्या माध्यमातून माफ़ू मागण्यात आली. तरीही धमक्या काही थांबल्या नाही. यालाच कंटाळून २८ वर्षीय महेश आडे याने आत्महत्या केली.
06 Nov 2025 09:15 AM (IST)
एक धक्कादायक व्हिडिओ सोशल मीडियावर व्हायरल होत आहे. मेक्सिकन (Mexico) राष्ट्राध्यक्ष क्लॉडिया शेनबाम यांच्यासोबत गैरवर्तनाचा प्रकार घडला आहे. यामुळे संपूर्ण देशभरात संतापाची लाट उसळली आहे. तसेच संबंधित व्यक्तीवर कारावईची मागणी केली केली जात आहे. या घटनने संपूर्ण जगभरातही खळबळ उडाली आहे. मिळालेल्या माहितीनुसार, शेनबाम यांनी देखील यावर तीव्र संताप व्यक्त केला आहे.
06 Nov 2025 09:13 AM (IST)
दक्षिणेतील सुपरस्टार रजनीकांत यांच्या १७३ व्या चित्रपटाची घोषणा करण्यात आली आहे. ते कमल हासन यांच्यासोबत मुख्य भूमिकेत दिसणार आहेत. चाहते या चित्रपटाच्या घोषणेची आतुरतेने वाट पाहत होते. आता, निर्मात्यांनी ‘थलाईवर १७३’ (तात्पुरते शीर्षक) बद्दल त्याच्या दिग्दर्शकापासून ते त्याच्या प्रदर्शन तारखेपर्यंतची संपूर्ण माहिती उघड केली आहे. कमल हासन यांनी सोशल मीडियावर चित्रपटाबद्दल उत्सुकता व्यक्त केली आहे. तसेच या दोन्ही सुपरस्टार पुन्हा मोठ्या पडद्यावर पाहण्यासाठी चाहते आतुर आहेत.
06 Nov 2025 08:40 AM (IST)
महाराष्ट्र राज्य परीक्षा परिषदेच्या वतीने घेतली जाणारी टीईटी म्हणजेच शिक्षक पात्रता परीक्षा यंदा २३ नोव्हेंबर रोजी राज्यभर एकाच दिवशी होणार आहे. यावेळी परीक्षेत गैरप्रकारांना आळा घालण्यासाठी अत्याधुनिक तंत्रज्ञानाचा वापर केला जाणार आहे. त्याच बरोबर दिव्यांग बांधवांसाठी विशेष अशी बैठक व्यवस्था शासनाने करावी अशी मागणी पवित्र पोर्टल शिक्षक भरती संघटना महाराष्ट्र संघटनेने केली
06 Nov 2025 08:25 AM (IST)
भाजप निवडणूक आयोगाच्या मदतीने मतचोरी करून सरकारच चोरत आहे. लोकसभेतील विरोधी पक्षनेते राहुल गांधी यांनी पुन्हा एक बॉम्ब टाकून भाजप व निवडणूक आयोग लोकशाहीचा खून कसा करत आहेत, हे देशाला दाखवून दिले. हरियाणात मतचोरी कशी केली याचे पुरावे देऊन निवडणूक आयोगाला उघडे पाडले. पण ‘निर्लज्जम सदा सुखी’ या उक्तीप्रमाणे निवडणूक आयोगाच्या कामात काहीच सुधारणा होत नाही. निवडणूक आयोग सरकारच्या हातातली कठपुतली बनले आहे, असे आरोप काँग्रेस प्रदेशाध्यक्ष हर्षवर्धन सपकाळ यांनी केला.
06 Nov 2025 08:15 AM (IST)
निवडणुकीच्या पहिल्या टप्प्यात दरभंगाच्या १० विधानसभा मतदारसंघांमध्ये मतदान सुरू झाले आहे. २.८९ दशलक्ष मतदार ईव्हीएममध्ये १२३ उमेदवारांचे भवितव्य ठरवतील. त्यापैकी ११५ पुरुष उमेदवार आणि ८ महिला उमेदवार आहेत. एकूण ६३००० मतदार पहिल्यांदाच मतदान करणार आहेत.
06 Nov 2025 08:05 AM (IST)
केंद्रीय मंत्री गिरीराज सिंह यांनी लखीसराय येथे मतदान केले. त्यांनी सर्वांना मतदान करण्याचे आवाहन केले. १२१ पैकी ९५ जागा आम्ही जिंकू, असा विश्वास व्यक्त केला. उपमुख्यमंत्री विजय सिन्हा यांनीही मतदान केले. भाजपने त्यांना लखीसराय विधानसभा मतदारसंघातून उमेदवारी दिली आहे. त्यांनी विरोधकांवर टीका करताना म्हटले की, विरोधी पक्ष मतदारांना धमकावत आहेत, पण मतदार घाबरत नाहीत.
Marathi Breaking News Updates : बिहार विधानसभा निवडणुकीच्या पहिल्या टप्प्यासाठी आज मतदान होत आहे. 18 जिल्ह्यांमधील 121 विधानसभा जागांसाठी सकाळी सातपासून मतदानाला सुरुवात झाली. यामध्ये एकूण 1314 उमेदवार निवडणूक लढवत आहेत, ज्यात 1192 पुरुष तर 122 महिला उमेदवारांचा समावेश आहे. पहिल्या टप्प्यातील 102 जागा सर्वसाधारण प्रवर्गासाठी राखीव आहेत, तर 19 जागा अनुसूचित जातींसाठी राखीव आहेत.
पहिल्या टप्प्यात एकूण ३७.५१३ दशलक्ष मतदार आपला मतदानाचा हक्क बजावतील. यामध्ये १९.८३५ दशलक्ष, ३२५ पुरुष, १७.६७ दशलक्ष, २१९ महिला आणि ७५८ तृतीयपंथी मतदारांचा समावेश आहे. मतदान केंद्रांवर अपंग आणि वृद्ध मतदारांसाठी विशेष सुविधाही देण्यात आल्या आहेत. ३२२०७७ अपंग मतदार आणि ५३१४२३ ज्येष्ठ नागरिक मतदार (८० वर्षांवरील ५२४6८७ मतदार आणि १०० वर्षांवरील ६७३६ मतदारांसह) आपला मतदानाचा हक्क बजावणार आहेत.
.png "Videos"){kind=small}
