Top Marathi News Today Live : इस्त्रायल-लेबनॉन यांच्यातही अखेर युद्धविराम
17 Apr 2026 11:53 AM (IST)
शेतात घुसून जीव घेणा हल्ला केल्याप्रकरणी भाजप नेते, माजी नगरसेवक शिवाजी चुंबळे यांच्यासह सात जणांवर गुन्हा दाखल करण्यात आला आहे.
17 Apr 2026 11:48 AM (IST)
बारामतीची पोट निवडणूक सुरू आहे उपमुख्यमंत्री सुनीता पवार बारामती तालुक्याच्या दौऱ्यावर आहेत आज सकाळी त्यांनी बारामतीचे ग्रामदेवता सिद्धेश्वर मंदिरात दर्शन घेतले यावेळी त्यांच्या हस्ते पूजा करण्यात आली.
17 Apr 2026 11:39 AM (IST)
अमली पदार्थाविरोधात धुळ्यात मोठी कारवाई करण्यात आली आहे. धुळे जिल्हा पोलिस दलाने विविध गुन्ह्यांमध्ये जप्त केलेले 7 कोटी 47 लाख रुपयांचे अमली पदार्थ शिरपूर पोलिस ठाण्यामागे पुरून नष्ट केले
17 Apr 2026 10:55 AM (IST)
वानखेडे स्टेडियमवर एक असा IPL सामना खेळला गेला, ज्याने उत्साहाच्या सर्व मर्यादा ओलांडल्या. पंजाबचा कर्णधार श्रेयस अय्यरने सीमारेषेवर एक अशक्यप्राय झेल घेऊन हार्दिक पांड्याला बाद केले, तेव्हा सामन्यात एक वेगळीच ऊर्जा संचारली. अनुभवी खेळाडूंची चमक आणि नवोदित खेळाडूंचा उदय यांच्यामुळे हा सामना विक्रम आणि अतुलनीय खेळीचा संगम ठरला. प्रथम फलंदाजी करताना, क्विंटन डी कॉकच्या नाबाद ११२ धावा आणि नमन धीरच्या ५० धावांच्या जोरावर मुंबईने २० षटकांत ६ गडी गमावून १९५ धावा केल्या.
17 Apr 2026 10:45 AM (IST)
Oppo Smartphone Launched: टेक कंपनी ओप्पोने भारतात त्यांच्या F सीरीजचा विस्तार केला आहे. कंपनीने भारतीय स्मार्टफोन मार्केटमध्ये एक मोठा धमाका करत नवीन Oppo F33 Pro 5G लाँच केला आहे. कंपनीने हा नवीन हँडसेट स्टँडर्ड Oppo F33 5G सह लाँच केला आहे. देशातील ई कॉमर्स प्लॅटफॉर्म फ्लिपकार्ट आणि कंपनीच्या ऑनलाईन स्टोअरवरून ग्राहक हा स्मार्टफोन खरेदी करू शकतात. तीन कलर ऑप्शन आणि दोन रॅम आणि स्टोरेज व्हेरिअंटमध्ये हा स्मार्टफोन लाँच करण्यात आला आहे. कंपनीने या स्मार्टफोनमध्ये पावरफुल प्रोसेसर आणि तगडी बॅटरी दिली आहे.
17 Apr 2026 10:35 AM (IST)
फ्री फायर मॅक्समध्ये मिस्ट्री शॉप नावाचा एक नवीन इव्हेंट लाईव्ह झाला आहे. या नव्या इव्हेंटमध्ये प्लेयर्सना अनेक रिवॉर्ड्स मोफत क्लेम करण्याची संधी मिळणार आहे. त्यामुळे ज्या प्लेयर्सना गेममध्ये नवीन गेमिंग रिवॉर्ड्स जिंकण्याची इच्छा आहे असे प्लेअर्स या इव्हेंटमध्ये सहभागी होऊ शकतात. या इव्हेंटमध्ये तुम्हाला मोनो चार्म बंडल आणि पारांग मोनो एनिग्मा सारखे गेमिंग रिवॉर्ड्स क्लेम करण्याची संधी मिळणार आहे.
17 Apr 2026 10:25 AM (IST)
जागतिक तणावाच्या वातावरणात एक मोठी सकारात्मक बातमी समोर आली आहे. अमेरिकेचे अध्यक्ष डोनाल्ड ट्रम्प आणि भारताचे पंतप्रधान नरेंद्र मोदी (Prime Minister Narendra Modi) यांच्यात मंगळवारी सुमारे ४० मिनिटे प्रदीर्घ दूरध्वनी संवाद झाला. २८ फेब्रुवारी रोजी सुरू झालेल्या अमेरिका-इस्रायल-इराण युद्धानंतरचा हा या दोन महाशक्तींच्या नेत्यांमधील दुसरा संवाद आहे. या संवादाने केवळ भारत आणि अमेरिकेचे संबंध अधोरेखित केले नाहीत, तर पश्चिम आशियातील युद्धाला पूर्णविराम मिळण्याचे संकेतही दिले आहेत.
17 Apr 2026 10:15 AM (IST)
टेक कंपनी ओपनएआयच्या मालकीचे एआय चॅटबोट ChatGPT अचानक डाऊन झाले आहे. 17 एप्रिल रोजी सकाळी सुमारे 9.45 वाजण्याच्या सुमारास यूजर्सना चॅटजीपीटीचा वापर करण्यात समस्या येऊ लागल्या आहेत. मेसेज पाठवण्यात, प्रॉम्प्ट किंवा ईमेज क्रिएट करण्यात आणि रिफ्रेश करताना यूजर्सना काही समस्यांचा सामना करावा लागत आहे. यामुळे अनेकांची कामं देखील ठप्प झाली आहेत. कारण सध्याच्या काळात अशी अनेक लोकं आहेत ज्यांची बरीच कामं चॅटजीपीटीवर अवलंबून आहेत. मात्र चॅटजीपीटी अचानक डाऊन झाल्याने यूजर्स वैतागले आहेत.
17 Apr 2026 10:10 AM (IST)
शहरातील राजकारण पुन्हा एकदा चांगलेच तापले असून भाजप आणि शिवसेना यांच्यातील वाद आता अधिक तीव्र झाला आहे. परिवहन मंत्री प्रताप सरनाईक आणि माजी आमदार नरेंद्र मेहता यांच्यात सध्या जोरदार आरोप-प्रत्यारोपांची देवाणघेवाण सुरू असून, या वादाने खालची पातळी गाठल्याची चर्चा राजकीय वर्तुळात रंगली आहे. निवडणुकीनंतर काहीसा शांत झालेला राजकीय संघर्ष पुन्हा पेटला असून, दोन्ही बाजूंनी एकमेकांवर टीकेची झोड उठवली जात आहे. मंत्री प्रताप सरनाईक हे वारंवार ठाण्यावरून येऊन माझ्यावर आरोप करतात, असा पलटवार माजी आमदार नरेंद्र मेहता यांनी केला.
17 Apr 2026 10:00 AM (IST)
वाळूज एमआयडीसी परिसरातील साजापूर येथे भंगार साठवणूक असलेल्या गोदामाला गुरुवारी दुपारी अचानक भीषण आग लागली. या आगीत मोठे आर्थिक नुकसान झाले. सुदैवाने या घटनेत कोणतीही जीवितहानी झाली नसून आगीचे कारण शोधण्याचे काम सुरू आहे.
17 Apr 2026 09:50 AM (IST)
महाराष्ट्र राज्याच्या ऊर्जा क्षेत्राची यशस्वी वाटचाल सुरु आहे. त्यातच नावीन्य आणि हरित ऊर्जेवर लक्ष केंद्रित करून महाराष्ट्राने ऊर्जा क्षेत्रात केलेल्या जलद प्रगतीमुळे इतर राज्ये प्रभावित होत आहेत. महाराष्ट्र सरकारची मुख्य वीज वितरण कंपनी, महावितरण, आता मोठ्या तोट्यातून बाहेर पडली आहे. राजस्थानलाही हे यशस्वी ऊर्जा मॉडेल अवलंबायचे आहे. याबाबतच राजस्थानचे मुख्यमंत्री भजनलाल शर्मा यांनी महाराष्ट्र ऊर्जा विभागाच्या वरिष्ठ अधिकाऱ्यांशी चर्चा केली.
17 Apr 2026 09:40 AM (IST)
जागतिक तणावाच्या वातावरणात एक मोठी सकारात्मक बातमी समोर आली आहे. अमेरिकेचे अध्यक्ष डोनाल्ड ट्रम्प आणि भारताचे पंतप्रधान नरेंद्र मोदी (Prime Minister Narendra Modi) यांच्यात मंगळवारी सुमारे ४० मिनिटे प्रदीर्घ दूरध्वनी संवाद झाला. २८ फेब्रुवारी रोजी सुरू झालेल्या अमेरिका-इस्रायल-इराण युद्धानंतरचा हा या दोन महाशक्तींच्या नेत्यांमधील दुसरा संवाद आहे. या संवादाने केवळ भारत आणि अमेरिकेचे संबंध अधोरेखित केले नाहीत, तर पश्चिम आशियातील युद्धाला पूर्णविराम मिळण्याचे संकेतही दिले आहेत.
Marathi Breaking News Updates : गेल्या अनेक दिवसांपासून जागतिक स्तरावर अनेक महत्त्वाच्या घडामोडी घडत आहेत. अमेरिका आणि इस्त्रायल या दोन्ही देशांकडून इराणवर हल्ला केला जात आहे. तर दुसरीकडे इस्त्रायल आणि लेबनॉन या दोन्ही देशांतही युद्ध सुरु होते. असे असताना आता दिलासादायक बातमी समोर आली आहे. इस्त्रायल-लेबनॉन यांच्यातही अखेर युद्धविराम झाला असून, दोन्ही देशांत 10 दिवसांच्या शस्त्रसंधीवर सहमती झाला असल्याची माहिती दिली जात आहे.
इस्रायल आणि लेबनॉन यांच्यात शस्त्रसंधीवर सहमती झाली आहे, ज्याचे शांततेच्या दिशेने एक मोठे पाऊल म्हणून स्वागत केले जात आहे. मात्र, या करारामध्ये संपूर्ण लेबनॉनचा समावेश असावा, असा हिजबुल्लाहने आग्रह धरला आहे. इस्रायलचे पंतप्रधान बेंजामिन नेतन्याहू यांनी गुरुवारी सांगितले की, त्यांनी लेबनॉनमध्ये १० दिवसांच्या शस्त्रसंधीला सहमती दर्शवली आहे. लेबनॉनसोबत शांततेच्या प्रयत्नांना चालना देण्यासाठी हे पाऊल उचलण्यात आले आहे. या आठवड्यात, शांतता कराराचा मसुदा तयार करण्याच्या उद्देशाने इस्रायल आणि लेबनॉनने वॉशिंग्टनमध्ये थेट चर्चा केली.
.png "Videos"){kind=small}
