Top Marathi News Today Live : दोन्ही राष्ट्रवादी काँग्रेसचे विलीनीकरणावर रोहित पवार आज बोलणार
19 Feb 2026 12:55 PM (IST)
मराठी चित्रपटसृष्टीत सध्या जोरदार चर्चेत असलेल्या ‘सुपर डुपर’ या आगामी चित्रपटातील ‘नाचा दणाना’ हे गाणे प्रदर्शित होताच सोशल मीडियावर चांगलेच व्हायरल झाले आहे. हळदी समारंभाच्या पार्श्वभूमीवर साकारलेले हे गाणे धमाल संगीत, भव्य सेट्स आणि उत्साहाने भरलेल्या सादरीकरणामुळे हे गाणं ऐकल्याबरोबरच प्रेक्षकांना थिरकायला भाग पडेल हे नक्की.
19 Feb 2026 12:50 PM (IST)
आरटीई प्रवेश प्रक्रियेसाठी ऑनलाईन अर्ज प्रक्रियेला सुरुवात झाली आहे. 10 मार्चपर्यंत पालकांना अर्ज करता येणार आहे. यंदा शिक्षण परिषदेने महत्त्वपूर्ण बदल केले आहेत. एकाचवेळी लॉटरी व पालकांना प्रथम अर्जासाठी शैक्षणिक व आवश्यक दस्तावेज अपलोड करावे लागणार आहे. जिल्हा परिषदेच्या शिक्षण विभागामार्फत आरटीई प्रवेश अर्जासाठी यावर्षी 640 शाळांची नोंद केली आहे.
19 Feb 2026 12:45 PM (IST)
जुना भंडारा रस्ता रुंदीकरणाची दोन दिवसांपासून सुरू असलेली कारवाई बुधवारीही सुरूच होती. जिल्हा आणि महानगरपालिका प्रशासनाच्या आदेशानंतर अतिक्रमणविरोधी विभागाने सुमारे २० घरांवर बुलडोजर चालवला. याशिवाय विभागाने शहराच्या विविध भागांत अवैध अतिक्रमणे आणि ताब्याविरोधात मोठी कारवाई केली. यावेळी सतरंजीपुरा, धरमपेठ, लक्ष्मीनगर आणि गांधीबागसारख्या प्रमुख भागांतील रस्ते आणि फुटपाथ अतिक्रमणमुक्त केले.
19 Feb 2026 12:40 PM (IST)
सूर्य आणि चंद्राच्या विशेष स्थितीमुळे वैधृति योग तयार होणार आहे. हा योग ज्योतिषशास्त्रामध्ये अशुभ मानला जातो. या योगामुळे काही राशीच्या लोकांवर नकारात्मक प्रभाव पडू शकतो. मेष रास, कर्क रास, तूळ रास, या राशीच्या लोकांनी सावध राहावे.
19 Feb 2026 12:35 PM (IST)
एक धुरंधर चित्रपटातील गाणे सोशल मीडियावर प्रचंड ट्रेंड होत आहे.एक व्हिडिओ सोशल मीडियावर व्हायरल होत आहे. ज्यामध्ये एका आजींनी आपल्या नातवासोबत या कच्ची कली गाण्यावर भन्नाट डान्स केला आहे. व्हायरल होत असलेल्या व्हिडिओत तुम्ही पाहू शकता की, आजी आणि नातू घराच्या हॉलमध्ये डान्स करत आहेत. नातावने आजीला सर्व स्टेप्स शिकवल्या आहेत. आजी अगदी हुबेहुब गाण्याती डान्सर्स सारख्या स्टेप्स करत आहेत. त्यांची अदा, त्यांची एनर्जीही भन्नाट आहे.
19 Feb 2026 12:30 PM (IST)
सुपर 8 साठी आधीच पात्र ठरलेले श्रीलंका आणि झिम्बाब्वे १९ फेब्रुवारी रोजी टी२० विश्वचषक सामन्यात आमनेसामने येतील, ज्यांचे उद्दिष्ट ग्रुप बी मध्ये अव्वल स्थान मिळवणे आहे. सुपर 8 चे सामने हे 21 फेब्रुवारीपासून सुरू होणार आहेत. श्रीलंकेने स्थानिक परिस्थितीचा पुरेपूर फायदा घेत ओमान आणि आयर्लंडचा पराभव केला आणि नंतर ऑस्ट्रेलियाला आठ विकेट्सने हरवून जेतेपदाचे प्रबळ दावेदार म्हणून स्वतःला स्थापित केले.
19 Feb 2026 12:25 PM (IST)
दिल्लीत होणाऱ्या AI Summit बाबत वाईट बातमी समोर आली आहे. बिल गेट्स, ज्यांनी काही कारणास्तव या समिटमध्ये बोलू नये असा निर्णय घेतला आहे. बिल अँड मेलिंडा गेट्स फाउंडेशनने एक्स (पूर्वीचे ट्विटर) वर याची घोषणा केली. गेट्स फाउंडेशनचे आफ्रिका आणि भारत प्रमुख अंकुर व्होरा त्यांच्या जागी बोलतील.
19 Feb 2026 12:20 PM (IST)
बॉलीवूडचे प्रसिद्ध पटकथा लेखक सलीम खान यांना लीलावती रुग्णालयात दाखल करण्यात आले आहे. दरम्यान, त्यांचे कुटुंब, त्यांचे काम आणि त्यांची कामगिरी चर्चेचा विषय बनली आहे. सलीम यांच्या मुलांबद्दल सर्वांना माहिती आहे, परंतु त्यांचे वडील कोण होते आणि त्यांनी काय केले याचा उल्लेख क्वचितच केला जातो. सलमान खानचे आजोबा अब्दुल रशीद खान हे ब्रिटिश काळात सरकारशी संबंधित काम करत होते. सलीमचे वडील अब्दुल रशीद खान हे इंडियन इंपीरियल पोलिसात सामील झाले. ते इंदूरमध्ये डीआयजी बनले. ब्रिटिश भारतात, हे एका भारतीयाला मिळू शकणारे सर्वोच्च पोलिस पद मानले जात असे.
19 Feb 2026 12:15 PM (IST)
गेल्या काही दिवसांपासून सोने आणि चांदीच्या किमतींमध्ये सातत्याने चढ-उतार होत आहेत. तज्ज्ञांचा असा विश्वास आहे की अमेरिका आणि इराणमधील वाढत्या तणावाचा सोने आणि चांदीच्या किमतींवर परिणाम होऊ शकतो. तणाव वाढत असताना, गुंतवणूकदार सुरक्षित आश्रय घेण्याचा प्रयत्न करतात, ज्यामुळे सोने आणि चांदीच्या किमती वाढू शकतात.
19 Feb 2026 12:10 PM (IST)
अमेरिका इराण तणावाने आता युद्धाचे रुप घेतले आहे. दोन्ही देशांत कोणत्याही क्षणी युद्धाला सुरुवात होऊ शकते. अमेरिकेने इराणव संभाव्या हल्ल्यासाठी तयारी देखील पुर्ण केली असल्याची माहिती समोर आली आहे.
19 Feb 2026 12:04 PM (IST)
बिहारमधील मुजफ्फरपूर येथे प्रेमप्रकरणातून 16 वर्षीय मुलीची प्रियकराने निर्घृण हत्या केली. घटनेनंतर आरोपी स्वतः पिस्तूलसह पोलीस ठाण्यात जाऊन आत्मसमर्पण केले. प्रेयसीने धोका दिल्याच्या संशयातून गुन्हा केल्याची कबुली दिली.
19 Feb 2026 12:00 PM (IST)
जया बच्चन नेहमीच त्यांच्या स्पष्टवक्त्या शैलीमुळे सोशल मीडियावर अनेकदा चर्चेत असतात. त्यांच्या रागाचे व्हिडिओ विशेषतः सामान्य आहेत. आता, मुंबईतील एका कार्यक्रमात, ज्येष्ठ अभिनेत्री जया बच्चन यांनी पुन्हा एकदा पापाराझींला फटकारले. या व्हायरल व्हिडिओमध्ये चित्रपट निर्माता करण जोहर देखील त्यांच्यासोबत दिसत आहे.
19 Feb 2026 11:50 AM (IST)
मध्यपूर्वेत अमेरिका (America) आणि इराण (Iran) तणाव आता एक निर्णयाक वळणावर येऊ पोहोचला आहे. अमेरिकेने इराणवर हल्ल्याची तयारी पूर्ण केली आहे. इराणवर मोठ्या लष्करी हल्ल्याची शक्यता व्यक्त केली जात आहे. यामुळे मध्यपूर्वेत अस्थिरतेचे वातावारण निर्माण झाले आहे. रशिया टुडे, वॉल स्ट्रिट जनरलने दिलेल्या अहवालानुसार, अमेरिकेचे राष्ट्राध्यक्ष डोनाल्ड ट्रम्प (Donald Trump) यांना इराणवरील हल्ल्याची माहिती देण्यात आली आहे. यामुळे इराणवर कोणत्याही क्षणी हल्ल्या होण्याची शक्यता निर्माण झाली आहे.
19 Feb 2026 11:40 AM (IST)
भारतीय महिला क्रिकेट संघ आणि ऑस्ट्रेलिया महिला क्रिकेट संघ यांच्यात तीन सामन्यांची टी २० मालिका खेळली जात आहे. पहिल्या सामन्यात भारताने विजय मिळवला आहे. तर दूसरा सामना कॅनबेरा येथे गुरुवारी येथे होणार आहे. या दुसऱ्या टी-२० आंतरराष्ट्रीय सामन्यात भारतीय महिला क्रिकेट संघ ऑस्ट्रेलियाचा सामना करताना पहिल्या सामन्यातील त्यांच्या वेगवान गोलंदाजांच्या उत्कृष्ट कामगिरीपासून प्रेरणा घेण्याचा प्रयत्न करेल.
19 Feb 2026 11:30 AM (IST)
पाकिस्तान आणि नामिबिया यांच्यातील सामना १८ फेब्रुवारी रोजी खेळला गेला. पाकिस्तानने १०२ धावांनी विजय मिळवला. पाकिस्तानकडून साहिबजादा फरहानने १०० धावांची शानदार खेळी केली. सलमान अली आगा यांनीही फरहानला साथ दिली. मात्र, तो ३८ धावांवर बाद झाला. यानंतर, डगआउटमध्ये बसलेला असताना, माइक हेसन त्याला काहीतरी समजावून सांगण्याचा प्रयत्न करत होता. या दरम्यान त्याने पाण्याची बाटली फेकली आणि मोठ्याने ओरडतानाही दिसला. या संपूर्ण घटनेचा व्हिडिओ सोशल मीडियावर व्हायरल होत आहे.
19 Feb 2026 11:20 AM (IST)
सुदानमध्ये पुन्हा एकदा गृहयुद्धाला (Sudan Civil war) सुरुवात झाली आहे. नुकतेच सुदानच्या कोर्डोफान प्रांतात भीषण ड्रोन हल्ले सुरु आहेत. या हल्ल्यांमुळे परिस्थिती अत्यंत बिकट झाली आहे. सूदान डॉक्टर्स नेटवर्क या संस्थेने दिलेल्या माहितीनुसार, गेल्या काही दिवसांपासून सुदानमध्ये युद्धाची आग धगधगत आहे. आतापर्यंत ड्रोन हल्ल्यात ७७ जणांचा मृत्यू झाला आहे, तर अनेकजण जखमी झाले आहेत. या संघर्षामुळे तीव्र ड्रोन युद्धाची परिस्थिती निर्माण झाली आहे. यामुळे आंतरराष्ट्रीय स्तरावर गंभीर चिंतेचे वातावरण निर्माण झाले आहे.
19 Feb 2026 11:10 AM (IST)
भारताचा स्टार ऑलराउंडर हार्दिक पंड्याने त्याची प्रेयसी माहिका शर्माचा वाढदिवस साजरा करण्यासाठी सोशल मीडियावर एक रोमँटिक फोटो पोस्ट केला. माहिकाचा २५ वा वाढदिवस गुरुवार, १९ फेब्रुवारी रोजी आहे आणि या अष्टपैलू खेळाडूने सोशल मीडियावर तिच्यावरील प्रेम व्यक्त केले. हार्दिक बुधवार, १८ फेब्रुवारी रोजी नेदरलँड्सविरुद्धच्या टी२० विश्वचषक २०२६ च्या सामन्यात अॅक्शन करताना दिसला. अहमदाबादमधील नरेंद्र मोदी स्टेडियमवर भारताने १७ धावांनी सामना जिंकला.
19 Feb 2026 10:05 AM (IST)
इंदापूर तालुक्यातील भिगवण परिसरात एका मुलीचे अपहरण करण्यात आल्याची धक्कदायक घटना समोर आली होती. लग्नाची खरेदी करण्यासाठी आपल्या आई आणि भावासोबत मंगळवारी तरुणी गेली होती. यावेळी दोन तरुणांनी तरुणीच्या आईच्या आणि भावाच्या डोळ्यात तिखट टाकून तीच अपहरण केल्याचे सांगण्यात आलं होतं. आता या अपहरण प्रकरणाला नवीन ट्विस्ट आलं आहे. मुलीने स्वतः व्हिडीओ बनवून याबाबतची माहिती दिली. माझे संबंधित मुलासोबत प्रेमसंबध आहेत, मी माझ्या मर्जीने त्याच्यासोबत आल्याचे तिने व्हिडिओत म्हंटल आहे.
19 Feb 2026 09:55 AM (IST)
९ कोटी रुपयांच्या चेक बाउन्स प्रकरणात अंतरिम जामीन मिळाल्यानंतर राजपाल यादव यांचे याबद्दल पहिलेच वक्तव्य समोर आले आहे. या कठीण काळात सर्वांनी दिलेल्या पाठिंब्याबद्दल त्यांनी कृतज्ञता व्यक्त केली आहे. तुरुंगाच्या परिस्थितीबाबत त्यांनी एक अनोखे आवाहनही केले आहे. तिहार तुरुंगातून सुटका झाल्यानंतर राजपाल यांनी देशभरातील शुभचिंतकांचे आणि चित्रपट उद्योगातील शुभचिंतकांचे त्यांच्या कायदेशीर प्रक्रियेदरम्यान पाठिंबा दिल्याबद्दल आभार मानले. तुरुंग प्रशासनाने स्वतंत्र धूम्रपान क्षेत्र निर्माण करावे अशी मागणीही त्यांनी केली. आता अभिनेते नक्की काय म्हणाले हे आपण जाणून घेणार आहोत.
19 Feb 2026 09:45 AM (IST)
टी-२० विश्वचषक २०२६ चा ३६ वा सामना १८ फेब्रुवारी रोजी अहमदाबाद येथे भारत आणि नेदरलँड्स यांच्यात खेळवण्यात आला. या सामन्यात टीम इंडियाने नेदरलँड्सचा १७ धावांनी पराभव केला. हा स्पर्धेत भारताचा सलग चौथा विजय होता. नेदरलँड्सविरुद्ध प्रथम फलंदाजी करताना भारतीय संघाने २० षटकांत ५ गडी गमावून १९३ धावा केल्या. प्रत्युत्तरादाखल नेदरलँड्स २० षटकांत केवळ १७६ धावाच करू शकला परिणामी संघाला पराभव पत्करावा लागला.
19 Feb 2026 09:35 AM (IST)
कांद्याची साठवणक्षमता नसल्याने त्याची त्वरित विक्री होणे अपेक्षित आहे. यासाठी स्वस्त धान्य (रेशन) दुकानातून ग्राहकांपर्यंत कांदा पोहोचवल्यास ग्राहकांना स्वस्तातील कांदाही मिळेल आणि शेतकऱ्यांचे होणारे नुकसान टळेल, अशा स्वरुपाचा प्रस्ताव कृषी मूल्य आयोगासमोर मांडला आहे.
19 Feb 2026 09:25 AM (IST)
जळगाव जिल्ह्यात टीईटी उत्तीर्ण शिक्षकांच्या पदोन्नती प्रक्रियेवरून वाद निर्माण झाला असून, प्रकरण आता न्यायालयात पोहोचले आहे. ज्येष्ठतेच्या आधारे टीईटी परीक्षा उत्तीर्ण शिक्षकांना पदोन्नती देण्याची प्रक्रिया जिल्हा परिषदेच्या सामान्य प्रशासन विभागाकडून सुरू करण्यात आली आहे. मात्र, काही शिक्षकांनी या प्रक्रियेला आक्षेप घेत उच्च न्यायालयात रिट याचिका दाखल केली आहे.
19 Feb 2026 09:15 AM (IST)
छत्रपती शिवाजी महाराजांच्या शिवजयंती निमित्त दरवर्षी हजारो शिवभक्त शिवनेरी या किल्ल्यावर येत असतात. शिवजयंती मोठ्या उत्साहात साजरी होत असते. असे असताना यंदा मात्र शिवनेरी गडावरच मोठी चेंगराचेंगरी झाल्याचे समोर आले आहे. या चेंगराचेंगरीत 15 ते 20 शिवभक्त जखमी झाले आहेत. त्यांना तातडीने रुग्णालयात दाखल करण्यात आले आहे.
Marathi Breaking News Updates : पंतप्रधान नरेंद्र मोदी आज शिखर परिषदेचे उद्घाटन करणार आहेत. यावेळी त्यांच्यासोबत फ्रान्सचे राष्ट्राध्यक्ष इमॅन्युएल मॅक्रॉन आणि अनेक जागतिक नेते उपस्थित राहणार आहेत. पंतप्रधान मोदी गुरुवारी सकाळी ९:४० वाजता भारत मंडपम येथे होणाऱ्या इंडिया एआय इम्पॅक्ट समिटचे उद्घाटन करणार आहेत. पंतप्रधान मोदी सकाळी ९:१५ वाजता शिखर परिषदेत सहभागी होणाऱ्या २० देशांच्या राष्ट्रप्रमुखांचे आणि सरकार प्रमुखांचे स्वागत करतील.
पंतप्रधान मोदींचे भाषण सकाळी १०:२५ वाजता सुरू होईल. फ्रान्सचे अध्यक्ष इमॅन्युएल मॅक्रॉन आणि संयुक्त राष्ट्रांचे सरचिटणीस अँटोनियो गुटेरेस यांच्यासह अनेक जागतिक नेते आणि उद्योगपती शिखर परिषदेत उपस्थित राहतील. दरम्यान, ब्राझीलचे अध्यक्ष लुईझ इनासियो लुला दा सिल्वा बुधवारी भारताच्या दौऱ्यावर आले आहेत. नवी दिल्लीत उतरल्यानंतर त्यांनी एक्सवर लिहिले, “नमस्ते, भारत! मी पुन्हा एकदा भारतात आलो आहे. माझा अजेंडा संबंध मजबूत करणे, भागीदारी वाढवणे आणि जगात एआयच्या भविष्यावर चर्चा करणे आहे.”
.png "Videos"){kind=small}
