Pahalgam Terror Attack: पहलगाम हल्ल्याबाबत मोठी अपडेट; हल्लेखोर दहशतवादी निघाला…

हल्ल्यानंतर सुरक्षा दलांनी मोठी शोध मोहीम सुरू केली आहे आणि दहशतवादी कारवायांमध्ये सहभागी असलेल्या स्थानिक दहशतवाद्यांवरही कारवाई केली जात आहे.

Photo Credit- Social Media पहलगाम हल्ल्याबाबत मोठी अपडेट

Follow Us:

Follow Us:

Pahalgam Terror Attack : जम्मू आणि काश्मीरमधील पहलगाम येथे २२ एप्रिल रोजी झालेल्या दहशतवादी हल्ल्यासंदर्भात महत्त्वाची अपडेट समोर आली आहे. या हल्ल्यातील प्रमुख दहशतवाद्यांमध्ये ली भाई आणि आदिल हुसेन ठोकर यांच्यासह हाशिम मुसा उर्फ ​​सुलेमान यांचे नाव होते. या दहशतवाद्यांमधी हाशिम मुसाबाबत मोठी माहिती तपास यंत्रणांच्या हाती लागली आहे. त्याचवेळी त्याचे पाकिस्तान कनेक्शनही समोर आले आहे.

मिळालेल्या माहितीनुसार, पाकिस्तानी वंशाचा हाशिम मुसा उर्फ ​​आसिफ फौजी उर्फ ​​सुलेमान हा पूर्वी पाकिस्तानी लष्कराच्या स्पेशल फोर्स एसएसजी (स्पेशल सिक्युरिटी ग्रुप) चा कमांडो होता. पाकिस्तानी सैन्यातील त्यांच्या सेवेमुळे त्यांना आसिफ ‘फौजी’ म्हणूनही ओळखले जात असे. दीड वर्षापूर्वी पूंछ राजौरीमध्ये घुसखोरी करणारा हा तोच गट आहे का, हे शोधण्याचा प्रयत्न सुरक्षा यंत्रणा करत आहेत. डिसेंबर २०२३ मध्ये, पूंछमध्ये लष्कराच्या ताफ्यावर हल्ला करण्यात आला आणि सैनिकाच्या मृतदेहाची विटंबना करण्यात आली. हे त्याच्या गटाचे काम असू शकते.

Priyadarshan Jadhav Birthday: ‘टाइमपास २’ पासून ते ‘हंपी’ पर्यंत दिले जबरदस्त चित्रपट, जाणून घ्या अभिनेत्या

तीन दहशतवाद्यांची ओळख पटली

या हल्ल्यात सहभागी असलेल्या तीन दहशतवाद्यांची ओळख पटली आहे ती आसिफ फुजी, सुलेमान शाह आणि अबू तल्हा अशी. हे दहशतवादी ‘द रेझिस्टन्स फ्रंट’ (TRF) नावाच्या दहशतवादी संघटनेशी संबंधित आहेत, जी बंदी घातलेल्या लष्कर-ए-तैयबा संघटनेची शाखा आहे. पहलगामपासून ६ किमी अंतरावर असलेल्या बैसरनला भेट देण्यासाठी आलेल्या पर्यटकांवर या लोकांनी अचानक गोळीबार केला.

कोण होता पहलगाम हल्ल्याचा मुख्य सूत्रधार 

सुरक्षा यंत्रणांनी या हल्ल्याचा मुख्य सूत्रधार म्हणून लष्कर-ए-तोयबाचा टॉप दहशतवादी सैफुल्लाह कसुरी उर्फ ​​खालिद याला नाव दिले आहे. या दहशतवाद्यांच्या डिजिटल खाणाखुणा पाकिस्तानातील मुझफ्फराबाद आणि कराची येथील सुरक्षित आश्रयस्थानांशी जोडलेल्या असल्याचे आढळून आले आहे, ज्यामुळे या दहशतवादी हल्ल्याच्या कट सीमेपलीकडेच रचल्याचे  स्पष्ट झाले आहे.

उन्हाळ्यात घामाच्या दुर्गंधीने त्रस्त आहात? ‘या’ पद्धतीने काखेमध्ये लावा तुरटी, दुर्गंधी होईल कायमची दूर

लष्कराचा गणवेश घालून आले होते दहशतवादी

या हल्ल्यानंतर, सुरक्षा दलांनी सांगितले की, लष्करी शैलीचे कपडे आणि कुर्ता-पायजमा घातलेले पाच ते सहा दहशतवादी जवळच्या घनदाट जंगलातून आले होते आणि त्यांच्याकडे AK-47 सारखी धोकादायक शस्त्रे होती. हल्ल्यानंतर सुरक्षा दलांनी मोठी शोध मोहीम सुरू केली आहे आणि दहशतवादी कारवायांमध्ये सहभागी असलेल्या स्थानिक दहशतवाद्यांवरही कारवाई केली जात आहे.

Web Title: Pahalgam terror attack big update on pahalgam attack former pakistani army commander turns out to be the attacker

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com