Punjab Flood (Photo credit-X)
Punjab Floods: पंजाबमध्ये पुरामुळे परिस्थिती खूपच वाईट आहे. पुराच्या पाण्यात बुडाल्याने शेतकऱ्यांची पिके उद्ध्वस्त झाली आहेत. राज्य आणि केंद्र सरकारकडून मदत आणि बचाव कार्य सुरू आहे. दरम्यान, पंजाबच्या भगवंत मान सरकारने एक मोठी घोषणा केली आहे. सरकारने शेतकऱ्यांना प्रति एकर २०,००० रुपये भरपाई देण्याची घोषणा केली आहे. सोमवारी पंजाबच्या मुख्यमंत्र्यांनी याबाबत माहिती दिली आहे.
पंजाब सरकारच्या मंत्रिमंडळाने सोमवारी पुराच्या संदर्भात बैठक घेतली. मुख्यमंत्री भगवंत मान यांच्या अध्यक्षतेखाली ही बैठक झाली. या दरम्यान शेतकऱ्यांशी संबंधित मोठे निर्णय घेण्यात आले आहेत. मुख्यमंत्री भगवंत मान म्हणाले की, पुरामुळे ज्या शेतकऱ्यांची पिके नष्ट झाली आहेत त्यांना प्रति एकर २०,००० रुपये भरपाई दिली जाईल.
The Punjab government has announced a compensation of Rs 20,000 per acre for farmers whose fields have been submerged under flood waters and whose crops have been damaged: Punjab CMO
— ANI (@ANI) September 8, 2025
ही आतापर्यंतची सर्वाधिक भरपाई आहे. त्यांनी सांगितले की, ज्या शेतकऱ्यांकडे मुश्तर्क खात्यात आहेत त्यांना समस्या येऊ शकतात, परंतु ती देखील सोडवली जाईल. मुख्यमंत्र्यांनी सांगितले की, पीक भरपाई डीसी किंवा पटवारी यांच्यामार्फत चेकद्वारे या शेतकऱ्यांना दिली जाईल.
गेल्या तीन आठवड्यांपासून पंजाबमध्ये झालेल्या मुसळधार पावसामुळे आणि धरणांमधून पाणी सोडल्यामुळे राज्यातील अनेक भागात पूर आला आहे. सरकारी आकडेवारीनुसार, सुमारे ४.३० लाख एकरवरील उभी पिके नष्ट झाली आहेत, ज्यामध्ये बहुतेक भात पिके आहेत. कापणीचा काळ जवळ आला असल्याने शेतकऱ्यांसाठी हे नुकसान विशेषतः विनाशकारी आहे.
पंजाबचे मुख्यमंत्री भगवंत मान यांनी एक मोठा निर्णय जाहीर केला आहे. मागील महिन्यात राज्यात आलेल्या पुरामुळे शेतकऱ्यांच्या शेतात मोठ्या प्रमाणात गाळ (silt) साचला आहे. या गाळाला काढून तो विकण्याची परवानगी आता सरकारने शेतकऱ्यांना दिली आहे. या कामात सरकारी अधिकारी किंवा कर्मचाऱ्यांचा कोणताही हस्तक्षेप असणार नाही.
जर शेतकऱ्यांना हा गाळ घर बांधण्यासाठी किंवा इतर कोणत्याही कामासाठी वापरायचा असेल, तर ते तो सहज वापरू शकतात. जर या प्रक्रियेत शेतकऱ्यांना कोणतीही अडचण आल्यास, सरकार त्या समस्येचे निराकरण करेल, असेही मुख्यमंत्र्यांनी सांगितले.
यापूर्वी पंजाब सरकारने पुरामध्ये मृत पावलेल्या लोकांच्या कुटुंबीयांसाठी नुकसानभरपाईची घोषणा केली होती. पुरामुळे अनेक ठिकाणी जीवितहानी झाल्याचे समोर आले होते. अशा मृत व्यक्तींच्या कुटुंबीयांना सरकारकडून आर्थिक मदत दिली जाईल. तसेच, त्यांच्या कुटुंबीयांना शक्य ती सर्व मदत करण्याचे आश्वासनही सरकारने दिले आहे.
