रविवार, 18 ऑक्टोबर 2026
बंगळुरू : भारतीय देशांतर्गत स्पर्धा दुलीप ट्रॉफी 5 सप्टेंबरपासून म्हणजेच गुरुवारपासून सुरू झाली आहे. बंगळुरू येथील एम चिन्नास्वामी स्टेडियमवर भारत ‘अ’ आणि भारत ‘ब’ यांच्यात सामना खेळला जात आहे. भारत ब संघाचे कर्णधार म्हणून अभिमन्यू ईश्वरनकडे संघाचे नेतृत्व आहे. मुंबईचे हे दोघेही भाऊ सरफराज खान आणि मुशीर खान त्याच्या नेतृत्वाखाली खेळत आहेत. मुशीर खानने पुन्हा एकदा आपला क्लास दाखवत दमदार शतक झळकावले. जिथे एकीकडे इतर फलंदाज धडपडत होते. दुसरीकडे, मुशीर चमत्कार करीत होता. या दुलीप ट्रॉफी सामन्यात भारत अ संघाचा कर्णधार शुभमन गिलने नाणेफेक जिंकून प्रथम गोलंदाजी करण्याचा निर्णय घेतला.
मुशीर खानने झळकावले दमदार शतक
१९ वर्षीय मुशीर खान तिसऱ्या क्रमांकावर फलंदाजीला आला. त्याने एक टोक धरून फलंदाजी केली. त्याने संयम दाखवला आणि अप्रतिम फलंदाजी केली. मुशीर खानने 205 चेंडूत आपले शतक पूर्ण केले. त्याने आपल्या खेळीत 10 चौकार आणि 2 षटकार मारले. तो अजूनही 100 धावांवर नाबाद आहे. मुशीर देशांतर्गत क्रिकेटमध्ये आपल्या फलंदाजीने सर्वांना प्रभावित करत आहे. खानच्या बॅटने अंडर-19 वर्ल्ड कपमध्येही चांगली कामगिरी केली होती. मुशीर खानने आवेश खान, कुलदीप यादव, आकाशदीप, खलील अहमद, शिवम दुबे आणि तनुष कोटियन यांच्याविरुद्ध फलंदाजी केली. या 6 गोलंदाजांपैकी 5 आंतरराष्ट्रीय क्रिकेट खेळले आहेत. आंतरराष्ट्रीय स्तरावरील खेळाडूंविरुद्ध अशी फलंदाजी करणे ही एक मोठी गोष्ट आहे.
घरच्या मैदानावर 2 सामन्यांची कसोटी मालिका
भारत आणि बांगलादेश यांच्यात 19 सप्टेंबरपासून घरच्या मैदानावर 2 सामन्यांची कसोटी मालिका खेळवली जाणार आहे. अशा परिस्थितीत दुलीप ट्रॉफीमध्ये सर्व वरिष्ठ खेळाडूही सहभागी होत आहेत. या स्पर्धेत कामगिरी करणारा खेळाडू आगामी बांगलादेश मालिकेत टीम इंडियामध्ये स्थान मिळवू शकतो. अशा परिस्थितीत मुशीर खानला चांगली संधी आहे. त्याचा भाऊ सर्फराजच्या जागी निवड समिती त्याला संघात संधी देऊ शकते.
सर्फराज खानने टीम इंडियासाठी कसोटीत पदार्पण
या वर्षाच्या सुरुवातीला भारत आणि इंग्लंड यांच्यातील कसोटी मालिकेत सर्फराज खानने टीम इंडियासाठी कसोटीत पदार्पण केले आणि शानदार फलंदाजी केली. पण, आता परिस्थिती पूर्णपणे वेगळी आहे. आता ऋषभ पंतही तंदुरुस्त झाला असून इतर वरिष्ठ खेळाडूही उपस्थित आहेत. अशा परिस्थितीत सरफराजला संधी मिळते की नाही हे पाहणे उत्सुकतेचे ठरणार आहे. किंवा त्याच्या जागी त्याचा भाऊ मुशीरला संधी मिळते की नाही.
