ब्रश करण्यापूर्वी की नंतर? कधी पाणी पिणे आरोग्यासाठी अधिक लाभदायक? जाणून घ्या

सकाळी ब्रश करण्याआधी पाणी प्यायल्याने शरीर हायड्रेट होते, बॅक्टेरिया बाहेर पडतात, आणि पचन सुधारते. यामुळे इम्युनिटी वाढते, त्वचेची गुणवत्ता सुधारते, आणि शरीराच्या एकूण कार्यक्षमतेत सुधारणा होते.

(फोटो सौजन्य - Social Media)

Follow Us:

Follow Us:

माणसाच्या शरीरामध्ये ७० ते ७५ टक्के पाणी असते आणि हे पाणी आपल्याला अनेक हानिकारक गोष्टींपासून वाचवण्याचे काम करते. मात्र, अनेकांच्या मनात एक प्रश्न असतो की दात घासण्यापूर्वी पाणी पिणं योग्य आहे का? यामुळे शरीराला काही हानी होईल का? हेल्थ एक्सपर्ट्सच्या मते, सकाळी ब्रश करण्याआधी पाणी प्यायला पाहिजे. झोपेमध्ये मिळालेल्या विश्रांतीनंतर पाणी प्यायल्याने तोंडातील बॅक्टेरिया बाहेर पडतात आणि शरीर हायड्रेट होण्यास मदत होते. त्यामुळे रिकाम्या पोटी पाणी पिणं अत्यंत फायदेशीर ठरते.

हायपरपिग्मेंटेशन नियंत्रित करण्यासाठी भारतात एल्केमचं कोजिग्लो सीरम लाँच

ब्रश करण्यापूर्वी पाणी पिण्याचे अनेक फायदे आहेत. सर्वप्रथम, सकाळी पाणी पिऊन शरीराला हायड्रेट करता येते. झोपेमध्ये शरीरातील पाणी कमी होते, त्यामुळे सकाळी पाणी पिण्याने शरीरात पुन्हा उर्जेचा संचार होतो. तसेच तोंडातील लाळ बॅक्टेरियांचा नाश करण्यासाठी उपयुक्त असते, त्यामुळे पाणी प्यायल्याने हे बॅक्टेरिया बाहेर पडतात. पचन सुधारण्यासाठीही रिकाम्या पोटी पाणी पिणं फायदेशीर ठरते. आयुर्वेदिक दृष्टिकोनातूनही सकाळी पाणी पिण्याची शिफारस केली जाते.

सकाळी पाणी प्यायल्यामुळे अनेक आरोग्यदायी फायदे होतात. यामुळे शरीराची प्रतिकारशक्ती मजबूत होते आणि रोगप्रतिकारक क्षमता वाढते. पचनप्रक्रिया सुधारून आतडे स्वच्छ राहतात आणि कब्जाचा त्रास कमी होतो. पाणी प्यायल्याने मेटाबोलिझमही वेगाने काम करतो, ज्यामुळे वजन नियंत्रणात ठेवण्यासाठी मदत होते. डोकेदुखी आणि मायग्रेनसारख्या त्रासांवरही सकाळच्या पाण्याचा उपयोग होतो.

याशिवाय, पाणी प्यायल्यामुळे त्वचेचा रंग उजळतो आणि त्वचा तजेलदार दिसते. शरीरातील विषारी घटक बाहेर टाकले जातात, ज्यामुळे त्वचेवरील मुरूम, डाग यांसारख्या समस्या कमी होण्यास मदत होते. त्वचेची लवचिकता टिकून राहते आणि वृद्धत्वाच्या खुणा उशिरा दिसतात. पाण्यामुळे शरीरातील रक्ताभिसरण चांगले होते, ज्यामुळे त्वचेला आवश्यक पोषण मिळते. तसेच पाणी प्यायल्याने कोलन इन्फेक्शन होण्याची शक्यता कमी होते. आतड्यांची कार्यक्षमता सुधारते आणि पचनप्रक्रियेत अडचण येत नाही.

Stomach Cancer: पोटाच्या कर्करोगाला आळा घालता येतो का? जीवनशैलीमधील महत्त्वाचे बदल

डॉक्टरदेखील रोज सकाळी रिकाम्या पोटी किमान एक ते दोन ग्लास पाणी पिण्याचा सल्ला देतात. हे पाणी कोमट असल्यास अधिक फायदेशीर ठरते. कोमट पाणी आतड्यांना स्वच्छ करून विषारी घटक बाहेर टाकण्यास अधिक मदत करते. सकाळी पाणी पिण्यामुळे शरीराला फक्त हायड्रेशन मिळत नाही, तर शरीराच्या एकूण कार्यक्षमतेत सुधारणा होते. थकवा, मळमळ किंवा पचनाशी संबंधित त्रास कमी होतो. त्यामुळे सकाळी उठल्यावर ब्रश करण्याआधी पाणी प्यायल्याने आरोग्यासाठी अनेक फायदे मिळू शकतात, जे संपूर्ण शरीराच्या आरोग्यासाठी अत्यंत उपयुक्त ठरतात.

Web Title: Before or after brushing your teeth when is it more beneficial to drink water for health

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com