Mango Chutney: पिकलेल्या आंब्यासोबत घरी बनवा आंबट-गोड चटणी, एकदा खाल तर खातच राहाल

तुम्हाला माहिती आहे का? तुम्ही पिकलेल्या आंब्यांपासून चविष्ट अशी चटणी तयार करू शकता. ही चटणी फार कमी वेळेत तयार होते आणि अनेक महिने साठवून ठेवता येते. मँगो लव्हर्स असाल तर ही चटणी एकदा तरी नक्की ट्राय करा.

(फोटो सौजन्य – Pinterest)

Follow Us:

Follow Us:

उन्हाळा ऋतू सुरु झाला आहे. या ऋतूत बाजारात विक्रीसाठी आंबे मोठ्या प्रमाणात येतात. आंबा हा कुणाला खायला आवडत नाही. आंब्याला फळांचा राजा असेही संबोधले जाते. तर या फळांच्या राजापासून आपण अनेक चविष्ट आणि निरनिराळे पदार्थ तयार करू शकतो. जसे की, आमरस, आम्रखंड. कच्चा आंबा म्हणजेच कैरीपासून चटकेदार असा मुरंबा तयार केला जातो मात्र तुम्हाला माहिती आहे का? तुम्ही पिकलेल्या आंब्यापासून टेस्टी अशी चटणी तयार करू शकता.

वाढलेले वजन कमी करताना सकाळच्या नाश्ता करा हेल्दी टेस्टी कोथिंबीरीचे सूप,आंबट तिखट सगळ्यांचं आवडेल

अनेकांना हे ठाऊक नाही पण पिकलेल्या आंब्यापासून देखील आंबट-गोड अशी चटणी तयार केली जाऊ शकते. ही चटणी तुम्ही जेवणावेळी तोंडी लावलायला ठेवून याचा आस्वाद घेऊ शकता. आंबा प्रेमी असाल तर ही चटणी एकदा नक्की ट्राय करा. याची चव तुम्हाला ही चटणी पुन्हा पुन्हा बनवण्यास भाग पाडेल. विशेष म्हणजे यासाठी फार साहित्य आणि वेळेची गरज भासत नाही. अगदी झटपट ही चटणी बनून तयार होते. चला तर मग यासाठी लागणारे साहित्य आणि कृती जाणून घेऊया.

साहित्य

• २ पिकलेले पण घट्ट आंबे (सोलून बारीक चिरलेले)
• १/२ कप साखर किंवा चवीनुसार
• १/४ कप व्हिनेगर (पांढरा किंवा सफरचंद ॲपल)
• १/४ टीस्पून लाल तिखट किंवा चवीनुसार
• १/४ टीस्पून किसलेले आले
• एक चिमूटभर मीठ
• काही मनुके किंवा चिरलेले काजू

Korean Kimchi Recipe: जगभरात वाढतेय कोरियन किमचीची क्रेझ; घरी कशी बनवायची ते जाणून घ्या

कृती

• यासाठी सर्वप्रथम, एका सॉसपॅनमध्ये, चिरलेले आंबे, साखर, व्हिनेगर, लाल तिखट, आले आणि मीठ एकत्र करा
• आता हे मिश्रण मध्यम आचेवर उकळवा आणि मध्ये मध्ये ढवळत राहा
• फ्लेम कमी करा आणि १५-२० मिनिटे किंवा आंबे मऊ होईपर्यंत आणि चटणी इच्छित जाडीची होईपर्यंत उकळवा
• चटणी पॅनला ते चिकटू नये म्हणून अधूनमधून तिला ढवळत राहा
• गॅस बंद करण्यापूर्वी काही मिनिटे आधी मनुके किंवा चिरलेले काजू घाला आणि चटणीत चांगले मिसळून घ्या
• आता गॅस बंद करा आणि चटणी थंड होऊ द्या
• थंड झाल्यावर चटणी आणखी घट्ट होईल
• आता ही तयार चटणी एका हवाबंद डब्यात भरा आणि फ्रीजमध्ये ठेवा
• तुम्ही या चटणीला अनेक आठवडे साठवून ठेवू शकता

Web Title: Make sweet and sour mango chutney at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com