नवरा वा बायको फसवत आहेत कसं ओळखाल (फोटो सौजन्य - iStock)
प्रेम, विश्वास आणि प्रामाणिकपणा हे मजबूत नात्यासाठी आवश्यक आहेत. लग्नानंतर, पती-पत्नी एकमेकांशी विश्वासू राहण्याचे वचन देतात, परंतु कधीकधी अशी परिस्थिती उद्भवते जिथे एक जोडीदार दुसऱ्या पुरूषाकडे वा स्त्रीकडे आकर्षित होतो. आजच्या जगात, जेव्हा पती-पत्नी दोघेही ऑफिसमध्ये बराच वेळ काम करतात तेव्हा नवीन मैत्री निर्माण होणे सामान्य आहे. कधीकधी, या मैत्रीचे रूपांतर विवाहबाह्य संबंधांमध्ये होते आणि हे आजकाल सामान्य झाले असल्याचे दिसून येत आहे. कोणालाही याबाबत काही चुकीचं वाटत नाही.
जर तुमचा पती किंवा पत्नी अचानक त्यांचा फोन लपवू लागला, उशिरापर्यंत बाहेर राहू लागला किंवा तुमच्यापासून दूर राहू लागला, फसवणूक करू लागला तर समजून घ्या की त्यांचा ओढा दुसरीकडे वाढत आहे. तुमच्या जोडीदाराच्या विवाहबाह्य संबंधांबद्दलचे सत्य कसे बाहेर येऊ शकते याचे संकेत रिलेशनशिप एक्सपर्ट अजित भिडे यांनी दिले आहेत.
स्वतःकडे जास्त लक्ष द्यायला लागणे
जेव्हा कोणी प्रेमात असते किंवा नात्यात असते, तेव्हा ते स्वतःवर लक्ष केंद्रित करू लागतात आणि त्यांचे व्यक्तिमत्व आकर्षक बनवण्याचा प्रयत्न करतात. या परिस्थितीत, त्यांना इतर कोणाचीही पर्वा नसते, फक्त स्वतःपुरते त्यांचे जग मर्यादित असते. जर तुमचा नवरा किंवा बायको असेच काही करत असेल, तर हे तुमच्यासाठी एक लक्षण आहे आणि जितक्या लवकर तुम्ही ते ओळखाल तितके चांगले.
पुरूष नात्यात का देतात धोका? फक्त लैंगिक संबंधच नाही तर ही आहेत 5 धक्कादायक कारणं
त्यांच्या देहबोलीकडे लक्ष द्या
जर तुमच्या नवरा किंवा बायकोचे वर्तन बदलत असेल, तर ते दुसऱ्या स्त्री किंवा पुरूषाशी नातेसंबंधात असू शकतात. बऱ्याचदा, जेव्हा तुमचा जोडीदार याबद्दल विचारतो तेव्हा ते ऑफिसच्या ताणाचे कारण देतात. याशिवाय तुमचा नवरा किंवा बायको घराबाहेर अधिकाधिक वेळ घालवू लागतात. हेदेखील शक्य आहे की ते तुमच्यासाठी वेळ काढत नाहीत आणि दुसऱ्या स्त्री किंवा पुरूषाला भेटतात आणि त्यांच्यासह वेळ घालवतात.
कोणाशीतरी तुलना करणे
जर तुमचा नवरा किंवा बायको तुमची तुलना दुसऱ्या पुरुष किंवा पुरूषाशी करत असेल, तर समजून घ्या की त्यांना आता तुमच्यात दोष दिसत आहेत. आणि जर हे वर्तन वारंवार होत असेल तर तुम्ही सावध व्हायला पाहिजे. याचा अर्थ एकतर ते दुसऱ्या नात्यात आहेत अथवा त्या दिशेने त्यांची वाटचाल सुरू झाली आहे.
शारीरिक जवळीक कमी होते
विवाहित नात्यात शारीरिक जवळीक खूप महत्वाची मानली जाते. जर तुमचे नाते बिघडत असेल आणि तुमचा जोडीदार दुसऱ्या कोणाशी तरी संबंधात असेल, तर तुम्ही सावध असले पाहिजे कारण अशा परिस्थितीत तुमच्या जोडीदाराला तुमचा स्पर्श आवडणार नाही किंवा तुमच्याबद्दल प्रेम वाटणार नाही.
नात्यात ब्रेक द्याल आणि कायमचा दुरावा ओढावून घ्याल; ‘या’ गोष्टींना नेहमीच ध्यानात ठेवा
मोबाईल फोनकडे जास्त लक्ष देणे
जर तुमचा पती किंवा पत्नी सतत फोनवर बोलत असेल आणि तुम्हाला पासवर्ड सांगत नसेल, तर ते संशयाचे लक्षण असू शकते. जर ते वारंवार त्यांचा फोन लपवत असतील, कॉल किंवा मेसेज आल्यावर घाबरत असतील किंवा अचानक खोलीतून बाहेर पडत असतील तर सावध व्हा. कधीकधी ते त्यांचा फोन आणि स्क्रीन तुमच्यापासून दूर ठेवतात जेणेकरून तुम्हाला काहीही दिसणार नाही. अशी चिन्हे सूचित करतात की तो तुमच्यापासून काहीतरी लपवत आहे आणि कदाचित विवाहबाह्य संबंधात त्यांचा अधिक रस आहे.
