१० मिनिटांमध्ये सकाळच्या डब्यासाठी बनवा चमचमीत कांदा शिमला मिरचीची भाजी, चपतीसोबतच लागेल चवदार

नेहमीच डब्यात त्याच ठराविक भाज्या खाऊन कंटाळा आल्यास सोप्या पद्धतीमध्ये तुम्ही दही घातलेली कांदा शिमला मिरची बनवू शकता. हा पदार्थ चवीला अतिशय सुंदर लागतो. जाणून घ्या रेसिपी.

१० मिनिटांमध्ये सकाळच्या डब्यासाठी बनवा चमचमीत कांदा शिमला मिरचीची भाजी

Follow Us:

Follow Us:

रोज सकाळी उठल्यानंतर ऑफिसच्या डब्यात किंवा लहान मुलांच्या डब्यासाठी नेमकी काय भाजी बनवावी? असे अनेक प्रश्न महिलांना सतत पडत असतात. नेहमीच त्याच ठराविक भाज्या खाऊन कंटाळा आल्यानंतर काहींना काही नवीन पद्धतीमधील भाजी खाण्याची इच्छा होते. अशावेळी तुम्ही कांदा शिमला मिरची बनवू शकता. लहान मुलं बऱ्याचदा भाजीमधील कांदा किंवा शिमला मिरची काढून टाकतात. पण असे न करता सर्वच भाज्यांचे नियमित सेवन करावे. कांद्याच्या भाजीचे सेवन केल्यामुळे आरोग्यासह केसांना अनेक फायदे होतात. केसांच्या वाढीसाठी कांदा अतिशय प्रभावी आहे. कोणतीही भाजी बनवल्यानंतर मुलं कांदा बाजूला काढून टाकतात. म्हणूनच आज आम्ही तुम्हाला चटपटीत कांदा शिमला मिरचीची भाजी बनवण्याची सोपी रेसिपी सांगणार आहोत. या पद्धतीने बनवलेली भाजी सगळ्यांचं खूप जास्त आवडेल.(फोटो सौजन्य – iStock)

सकाळच्या नाश्त्यात झटपट बनवा High protein egg sandwich, नोट करून घ्या सोपी रेसिपी

साहित्य:

• शिमला मिरची
• कांदा
• मीठ
• लाल तिखट
• दही
• कोथिंबीर
• हळद
• गरम मसाला
• तूप
• बेसन
• शेंगदाण्याचा कूट
• हिंग

डोळ्यांचे आरोग्य सुधारण्यासाठी सकाळच्या नाश्त्यात झटपट बनवा पौष्टिक गाजर सूप, नोट करून घ्या रेसिपी

कृती:

• कांदा शिमला मिरचीची भाजी बनवण्यासाठी सर्वप्रथम, शिमला मिरची स्वच्छ धुवून उभ्या आकारात बारीक चिरून घ्या. याप्रमाणे कांदा देखील उभा चिरा.
• मोठ्या वाटीमध्ये चिरून घेतलेली शिमला मिरची, कांदा, चवीनुसार मीठ, लाल तिखट, शेंगदाण्याचा कूट आणि बेसन घालून मिक्स करून घ्या.
• तयार करून घेतलेले मिश्रण १० मिनिटं बाजूला ठेवून द्या. यामुळे पदार्थाची चव वाढण्यास मदत होईल.
• कढईमध्ये तूप गरम करून त्यात मोहरी, जिरं आणि हिंग घालून भाजा. नंतर त्यात बारीक किसून घेतलेलं आलं आणि लसूण घालून मिक्स करा.
• नंतर त्यात भाज्या घालून मिक्स करून घ्या. भाज्यांमध्ये चमचाभर दही घालून सतत मिक्स करत राहा.
• भाजीवर झाकण ठेवून एक वाफ येईपर्यंत भाजी व्यवस्थित शिजवून घ्या.
• तयार आहे सोप्या पद्धतीमध्ये बनवलेली कांदा शिमला मिरचीची भाजी.

Web Title: How to make capsicum onion bhaji at home simple bhaji recipe onion benefits

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com