Recipe : प्रथिनांनी भरपूर, सकाळच्या नाश्त्यासाठी एक परफेक्ट पर्याय… घरच्या घरी बनवा टेस्टी ‘अंडा चीज पराठा’

Egg Cheese Paratha Recipe : अंड्यामध्ये अनेक पोषक घटक आढळून येतात जे आपल्याला दिवसभर ॲक्टिव्ह ठेवण्यास मदत करतात. याला थोडा ट्विस्ट देऊन तुम्ही यापासून चवदार असा अंडा चीज पराठा तयार करू शकता.

(फोटो सौजन्य – Pinterest)

Follow Us:

Follow Us:

• अंड्यात अनेक पोषक घटकांचा साठा आढळून येतो
• सकाळचा नाश्ता हा पौष्टिक असावा जेणेकरून दिवसभर शरीरात ऊर्जा राहील
• अंडा चीज पराठा चवीला अप्रतिम लागतो, ज्यामुळे तो सर्वांनाच आवडतो

हाडांपासून सर्दीपर्यंत सर्व आजारांना देईल मात… शरीराला ऊबदार बनवण्यासाठी घरी बनवा ‘कच्च्या हळदीची भाजी’

साहित्य

• गव्हाचे पीठ – 2 कप
• पाणी – आवश्यकतेनुसार
• मीठ – 1 टीस्पून
• तेल/तूप – पराठा शेकण्यासाठी

• अंडी – 2
• किसलेले चीज – ½ कप (मोझरेला/प्रोसेस्ड)
• कांदा – 1 छोटे, बारीक चिरलेले
• हिरवी मिरची – 1 बारीक चिरलेली
• कोथिंबीर – 2 टेबलस्पून
• काळी मिरी – ½ टीस्पून
• मीठ – चवीनुसार

• यासाठी सर्वप्रथम एका मोठ्या भांड्यात गव्हाचे पीठ, मीठ आणि थोडेसे पाणी घालून नरम आणि मऊ पीठ मळून घ्या. त्यावर ओलसर कापड ठेवून 10 मिनिटे झाकून ठेवा.
• एका वाडग्यात अंडी फोडून चांगले फेटा. त्यात कांदा, मिरची, कोथिंबीर, किसलेले चीज, काळी मिरी आणि मीठ टाकून सर्व मिश्रण छान मिसळून घ्या.
• पिठाचे गोळे तयार करून पोळीच्या आकाराची पारी तयार करा.
• वरील पारीच्या मध्यभागी 3–4 टेबलस्पून अंडा-चीजचे मिश्रण घाला. कडा एकत्र आणून पोटलीसारखे बंद करा आणि हलक्या हाताने लाटून पराठा तयार करा. (जास्त दाबू नका, अंड्याचे मिश्रण बाहेर येऊ शकते.)
• तवा मध्यम आचेवर गरम करा. पराठा तव्यावर ठेवून दोन्ही बाजूंनी थोडेसे तेल/तूप लावून शेकत राहा.
• पराठा गोल्डन ब्राऊन होईपर्यंत दोन्ही बाजूंनी समान शेकून घ्या. अंड्याचे मिश्रण आत पूर्णपणे सेट झालेले असेल याची खात्री करा.
• गरमागरम एग चीज पराठा प्लेटमध्ये काढा आणि टोमॅटो केचप, पुदिना चटणी किंवा दह्यासोबत सर्व्ह करा.

टिप्स

• फिलिंगमध्ये चीज जास्त प्रमाणात घातल्यास पराठा आणखी चवदार होतो.
• मुलांसाठी मिरची न घालता फक्त काळी मिरी वापरू शकता.
• फिलिंग पातळ नको, नाहीतर लाटताना बाहेर येण्याची शक्यता असते.

Web Title: How to make egg cheese paratha healthy breakfast recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com