चमचमीत जेवणाचा बेत! घरी बनवा हॉटेल स्टाईल ‘व्हेज मराठा’, एक घास खाताच पदार्थाचे फॅन होऊन जाल

Veg Maratha Recipe : व्हेज मराठा म्हणजे घरगुती भाज्यांना दिलेला रेस्टॉरंट स्टाइल तडका, झणझणीत, खमंग आणि स्वादिष्ट! रात्रीच्या जेवणाला काही खास आणि चविष्ट बनवून खायचं असेल तर हा पदार्थ तुमच्यासाठी एकदम परफेक्ट आहे.

(फोटो सौजन्य: Youtube)

Follow Us:

Follow Us:

भारतीय पाककलेत वेगवेगळ्या राज्यांची खासियत असते. जसे पंजाबची सरसों दा साग–मक्के दी रोटी, राजस्थानची दाल बाटी, बंगालची माछेर झोल तसेच महाराष्ट्रातील पिठलं-भाकरी, मिसळ पाव आणि भरली वांगी प्रसिद्ध आहेत. पण आजकाल रेस्टॉरंट स्टाइल डिशेसमध्ये एक खास नाव खूप ऐकायला मिळते ज्याचं नाव आहे व्हेज मराठा.

दिवसाची सुरुवात होईल आणखीनच स्पेशल! १० मिनिटांमध्ये घरी बनवा टपरीवर मिळतो तसा चविष्ट उकाळा

व्हेज मराठा ही डिश महाराष्ट्रीयन झणझणीत मसाल्याची चव आणि रेस्टॉरंट स्टाइल ग्रेव्हीचा संगम आहे. ह्या डिशमध्ये भाज्यांचे छोटे बॉल्स (कोफ्ते) मसालेदार ग्रेव्हीत घालून बनवले जातात. त्यामुळे यात एक वेगळाच खमंग स्वाद येतो. कोफ्त्यांची कुरकुरीत चव, टॉमॅटो–कांद्याची लालसर झणझणीत ग्रेव्ही आणि वरून कोथिंबिरीची सजावट.. सगळं मिळून जेवणाला एकदम खास टच मिळतो. ही डिश प्रामुख्याने पार्टी, खास पाहुणचार किंवा रविवारी कुटुंबासोबतच्या स्पेशल जेवणासाठी अगदी योग्य आहे. हिचा रंग, सुगंध आणि तिखट-खमंगपणा असा आहे की फक्त वासानेच भूक वाढते. कोणत्या खास प्रसंगी किंवा सणावाराला तुम्ही ही रेसिपी ट्राय का रु शकता. चला जाणून घेऊया यासाठी लागणारे साहित्य आणि कृती.

साहित्य

कोफ्त्यासाठी:

• उकडलेले बटाटे – २
• उकडलेले गाजर, बीन्स, मटार (बारीक चिरून) – १ कप
• कॉर्नफ्लोअर – २ टेबलस्पून
• आलं–लसूण पेस्ट – १ टीस्पून
• हिरवी मिरची पेस्ट – १ टीस्पून
• मीठ – चवीनुसार
• गरम मसाला – ½ टीस्पून
• कोथिंबीर – २ टेबलस्पून (बारीक चिरलेली)
• तेल – कोफ्ते तळण्यासाठी

• कांदा – २ (बारीक चिरलेला)
• टॉमॅटो – ३ (प्युरी करून)
• काजू – ८ ते १० (भिजवून पेस्ट केलेले)
• आलं–लसूण पेस्ट – १ टेबलस्पून
• लाल तिखट – २ टीस्पून
• धणे–जिरे पावडर – २ टीस्पून
• हळद – ½ टीस्पून
• गरम मसाला – १ टीस्पून
• मीठ – चवीनुसार
• साखर – १ टीस्पून (ऐच्छिक)
• तेल – ३ टेबलस्पून
• तूप – १ टीस्पून
• कोथिंबीर – सजावटीसाठी

कृती

• सर्वप्रथम एका वाडग्यात उकडलेले बटाटे, उकडलेल्या भाज्या, हिरवी मिरची पेस्ट, आलं-लसूण पेस्ट,
• कोथिंबीर, गरम मसाला, मीठ व कॉर्नफ्लोअर घालून छान मळून घ्या.
• या मिश्रणाचे छोटे-छोटे गोळे करून तयार ठेवा.
• गरम तेलात हे गोळे सोनेरी रंग येईपर्यंत डीप फ्राय करा आणि एका प्लेटमध्ये काढून घ्या.
• एका पॅनमध्ये तेल व तूप गरम करून त्यात बारीक चिरलेला कांदा टाका. सोनेरी होईपर्यंत परता.
• आता त्यात आलं-लसूण पेस्ट, हळद, तिखट, धणे-जिरे पावडर टाकून छान परता.
• मसाल्यात टॉमॅटो प्युरी घालून तेल सुटेपर्यंत परता.
• आता भिजवलेली काजू पेस्ट टाकून ग्रेव्हीला छान टेक्स्चर द्या.
• मिश्रणात मीठ, गरम मसाला व थोडी साखर टाकून शिजवा.
• आपल्या आवडीनुसार पाणी घालून ग्रेव्ही उकळून घ्या.
• तयार ग्रेव्हीत तळलेले कोफ्ते हलकेच सोडा आणि गॅस बंद करा. वरून कोथिंबीर घालून सजवा.
• गरमागरम तंदुरी रोटी, नान, पराठा किंवा साधा भात यासोबत व्हेज मराठा अप्रतिम लागतो.
• वरून थोडं क्रीम किंवा बटर घातलं तर रेस्टॉरंटसारखी रिच चव येते.
• पार्टीसाठी ही डिश अगदी परफेक्ट आहे कारण रंग, सुगंध आणि टेस्ट सगळं पाहुण्यांना भावणारं असतं.

Web Title: How to make hotel style veg maratha at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com