पुरण तयार करून शिल्लक राहिलेल्या कटापासून बनवा झणझणीत कटाची आमटी, नोट करून घ्या

पुरणपोळीसोबत अनेकांना गुळवणी किंवा कटाची आमटी खायला खूप आवडते. त्यामुळे आज आम्ही तुम्हाला सोप्या पद्धतीमध्ये झणझणीत कटाची आमटी बनवण्याची सोपी रेसिपी सांगणार आहोत.

पुरण तयार करून शिल्लक राहिलेल्या कटापासून बनवा झणझणीत कटाची आमटी

Follow Us:

Follow Us:

होळी सणाच्या दिवशी सर्वच घरांमध्ये पुरणपोळीचा बेत केला जातो. चवीला गोड असलेली पुरणपोळी लहान मुलांपासून ते अगदी मोठ्यांपर्यंत सगळ्यांचं खूप आवडते. पुरणपोळी बनवताना चणाडाळीचा वापर केला जातो. चणा डाळ शिजवून त्यातील पाणी बाजूला काढून नंतर डाळीपासून पुरण तयार केले जाते. याशिवाय डाळीच्या पाण्याचा वापर करून कटाची आमटी बनवली जाते. डाळीच्या पाण्याला कट असे बोलले जाते. धान्य किंवा डाळींचे पाणी आरोग्यासाठी अतिशय पौष्टिक आहे. त्यामुळे रोजच्या आहारात देखील डाळींच्या पाण्याचे सेवन सूप म्हणून करू शकता. भारतीय संस्कृतीमध्ये कोणताही पदार्थ वाया जाऊ देत नाहीत. म्हणूनच आज आम्ही तुम्हाला पारंपरिक पद्धतीने कटाची झणझणीत आमटी बनवण्याची सोपी रेसिपी सांगणार आहोत. या पद्धतीने कटाची आमटी बनवल्यास चव अतिशय सुंदर लागेल. चला तर जाणून घेऊया कटाची आमटी बनवण्याची रेसिपी.(फोटो सौजन्य – iStock)

होळी सणानिमित्त घरी बनवा ‘लुसलुशीत मऊ पुरणपोळी’, पारंपरिक पद्धतीने बनवा पदार्थ

साहित्य:

• डाळीचे उरलेले पाणी
• लाल तिखट
• कांदा लसूण मसाला
• मीठ
• तेल
• लसूण
• सुक खोबर
• कांदा खोबऱ्याचे वाटण
• कढीपत्ता
• गूळ
• हळद

गोड पदार्थ खाण्याची इच्छा झाल्यास अवघ्या २० मिनिटांमध्ये बनवा साजूक तुपातला मैसूरपाक

कृती:

• कटाची आमटी बनवण्यासाठी सर्वप्रथम, सुकं खोबरं बारीक करून खलबत्यामध्ये जाड बारीक वाटून घ्या. त्यानंतर भाजून घेतलेले कांदा खोबऱ्याचे वाटण तयार करा.
• टोपात तेल गरम करून त्यात बारीक करून घेतलेला लसूण टाकून लाल होईपर्यंत भाजा. त्यानंतर त्यात कढीपत्त्याची पाने आणि बारीक करून घेतलेलं खोबरं टाकून मिक्स करा.
• नंतर त्यात लाल तिखट मसाला, कांदा लसूण मसाला, हळद, चवीनुसार मीठ टाकून मिक्स करा. नंतर त्यात कांदा खोबऱ्याचे वाटण बनवून तेल सुटेपर्यंत भाजा.
• मसाल्याला तेल सुटल्यानंतर त्यात डाळीचा कट ओतून मिक्स करा. आवश्यकतेनुसार पाणी घालून आमटीला उकळी काढा.
• सगळ्यात शेवटी वरून गूळ, कोथिंबीर टाकून मिक्स करून घ्या.
• तयार आहे सोप्या पद्धतीमध्ये बनवलेली कटाची आमटी. तुम्ही बनवलेली आमटी सगळ्यांचं खूप आवडेल.

Web Title: How to make kattachi amti at home holi special recipe easy food recipe cooking tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com