१० मिनिटांमध्ये सकाळच्या नाश्त्यासाठी बनवा हेल्दी टेस्टी मिक्स भाज्यांचा चिला, संपूर्ण दिवस जाईल फ्रेश

लहान मुलांना भाज्या खायला आवडत नाहीत. अशावेळी तुम्ही मुलांसाठी सोप्या पद्धतीमध्ये मिक्स भाज्यांचा चिला बनवू शकता. हा पदार्थ चवीला अतिशय सुंदर लागतो. चिला खाल्यामुळे तुम्हाला लवकर भूक लागणार नाही.

१० मिनिटांमध्ये सकाळच्या नाश्त्यासाठी बनवा हेल्दी टेस्टी मिक्स भाज्यांचा चिला

Follow Us:

Follow Us:

सकाळच्या नाश्त्यात नेहमी नेहमी काय बनवून खावं? हा प्रश्न सगळ्यांचं पडतो. नाश्त्यात कांदापोहे, उपमा, शिरा किंवा इडली डोसा खाऊन कंटाळा आल्यानंतर काहींना काही नवीन पदार्थ खाण्याची इच्छा सगळ्यांचं होते. अशावेळी तुम्ही सोप्या पद्धतीमध्ये भाज्यांचा चिला बनवू शकता. लहान मुलांपासून अगदी मोठ्यांपर्यंत अनेकांना भाज्यांना खायला आवडत नाहीत. त्यामुळे तुम्ही भाज्यांपासून वेगवेगळे पदार्थ बनवून मुलांना खाण्यास देऊ शकता. भाज्या खाणे आरोग्यासाठी अतिशय पौष्टिक आणि गुणकारी आहे. यामुळे शरीराला कॅल्शियम, विटामिन, खनिजे, प्रोटीन इत्यादी आवश्यक घटक मिळतात. त्यामुळे रोजच्या आहारात किंवा सकाळच्या नाश्त्यात भाज्यांचे सेवन करावे. चला तर जाणून घेऊया मिश्र भाज्यांचा चिला बनवण्याची सोपी रेसिपी.(फोटो सौजन्य – iStock)

आलू पराठा खाऊन कंटाळा आला असेल तर सोप्या पद्धतीमध्ये बनवा कांद्याचा चविष्ट पराठा, नोट करून घ्या रेसिपी

साहित्य:

• बेसन
• मीठ
• गव्हाचे पीठ
• गाजर
• बीट
• शिमला मिरची
• कांदा
• टोमॅटो
• हिरवी मिरची
• तेल
• चिली फ्लेक्स

उष्णतेमुळे शरीराची कमी झालेली रोगप्रतिकारशक्ती वाढवण्यासाठी घरी बनवा थंडगार कलिंगडचे सरबत

कृती:

• मिक्स भाज्यांचा चिला बनवण्यासाठी सर्वप्रथम, सर्व भाज्या व्यवस्थित पाण्याने स्वच्छ करून नंतर बारीक चिरून घ्या.
• मोठ्या वाटीमध्ये बेसन आणि गव्हाचे पीठ घेऊन त्यात चवीनुसार मीठ टाकून मिक्स करा.
• नंतर पिठामध्ये बारीक चिरून घेतलेला कांदा, टोमॅटो, शिमला मिरची, बीट आणि किसून घेतलेला गाजर टाकून व्यवस्थित मिक्स करा.
• मिक्स करून झाल्यानंतर त्यात चिली फ्लेक्स आणि बारीक चिरून घेतलेल्या हिरव्या मिरच्या टाकून मिक्स करा.
• तयार केलेल्या मिश्रणात आवश्यकतेनुसार पाणी घालून घट्टसर मिश्रण तयार करा. जास्त पाणी घालू नये.
• तव्यावर तेल टाकून व्यवस्थित गरम करा. त्यानंतर तयार केलेले मिश्रण टाकून गोलाकार पसरवा.
• दोन्ही बाजूने व्यवस्थित भाजून झाल्यानंतर खाण्यासाठी सर्व्ह करा.
• तयार आहे सोप्या पद्धतीमध्ये बनवलेला मिक्स भाज्यांचा चिला. हा चिला तुम्ही सॉस सोबत खाऊ शकता.

Web Title: How to make miks vegetables chilla at home morning breakfast recipe cooking tips

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com